Gɛ saŋ Korowii keame Elaesa fa aa lole la, dɛ Israel tena weechɔɡa ane aa chɔɡ ba bwadabii warɔ. Kɛ o ta ba bɛlbwa chaeh. Siiria harɛ baa Naaman ɡboo o chah.”
Gɛ haa ɛa nɔ nomanta, wee a fa aa lɔ Naaman nɛɛ la ɛɛ ba he ne he naanar nɛɛ saŋ bɛlbwa dɛɛ la.” Asɛ Gehasi le Elaesa be kaa, dɛ wee lawɛ o bwa dɛ to kɛŋɔ yabi ken.
Bam la aa le Korowii Dea Cheremibɔr la ta la, bwadabii weechɔɡa ane den le Miriam nɛ, o bwara bwa to kɛŋɔ yabi ken. Asɛ Arɔn ke nyiŋi Miriam, dɛ na kɛŋɔ bwadabii weechɔɡa le o nɛ.
Belaa n ɡuŋi o sie, dɛ fee ŋɔ n duuru, asɛ o ŋɔ n be ŋɔ, “Bɛ ɡɛ ɛ. N ne hen ne he bala la baa lawɛ Yeesu waa bini la bwa ɛ o bonɔɔna. Korowiirii chɛ kɛ he duu. Yeesu waa waa baɡla laanee ɛ keamere la bwa wobol.”
Hé chah weela tena, dɛ́ chum nɛra baa serewa. Hé chah weela bwa aa dɛ chɔɡ nɛn bwadabi, dɛ́ doŋi kwaa a yon dɛɛ ir nɛra nɛɛ la le ba nɛ. N kpɔ kpeɡri nɔ kɛ heyaa pɛɛpɛɛ. Hé ɡe kpɔ chaah ba pɛɛpɛɛ.
Ba jo dem bela, dɛ ka na bie la ne o nya Mɛɛre. Ba kaa ɡuŋi bie la, dɛ duuru dɛ pur ba bone, dɛ kpɔ suuɡaswɛm ne daawiile ane a sɔɔh aa soma baa yera fraŋkensɛns ne korobo tɛ bie la.
Fini, Korowii fuɡe noo do n nyu ta dɛ lee mɛ cheɡ kɛ kooro te, kɛ n ɡwɛɡrɔ. Seruya bibaala nɔ kpeɡri ɡwaa n nɛ. Korowiirii dɛ́ bɔ nɛnchɔɡe waa ɛ ɡɛ nɔ kem ɡɛ aa chɛa.”