Matiu 8:13 - mzwDBL

¹³ Anee Yeesu ŋɔ sooja nomoa la be ŋɔ, “Kaa dem. Gɛ haa yaradaa nɔ, á ɛ ɡɛ tɛɛ.” Buɡ la taa, nomoa la bonɔɔ la dɔ bokpeɡa.

Matiu 8:13 Referans Kwoze

Amanesoma Jɔn Aa Chwera Tɔn 4:50

Anee Yeesu ŋɔ o be ŋɔ, “Dɛɛ la he bwɛ, he bie la ɛɛ ɡbaŋroo!” Baa la yarada Yeesu waa waa bola la, dɛ berɛ kaa o bwɛ.

Amanesoma Mak Aa Chwera Tɔn 9:23

Anee Yeesu ŋɔ, “Mɛɛ wonoo chaoh waa, a lɔ he be. Nɛn waa yarada Korowii la, Korowii won wobɛlbwa ɛɛ dɛ́ tɛo.”

Matiu 17:20

Anee Yeesu ŋɔ, “He yarada aa wola kanɛ waa. Kasinteŋ, dɛ he yarada fe kan kɛŋɔ sipon ɡba aa, hé fe ɛɛ wonoo ŋɔ bwejen nɔ be ŋɔ ó huɡri kaa bela haa dɛ nyin, ásɛ o kaa. Hé fe ɛɛ wonoo ɛ komɛlbwa.

Matiu 15:28

Anee Yeesu ŋɔ o be ŋɔ, “Gɛ haa dɛ yarada mɛ la kan kɛrɛdɛ! Gɛ haa dɛ nyin la, aa ɛ ɡɛɛ tɛɛ.” Buɡ la ta, bie la ɡbaŋre.

Matiu 9:22

Yeesu ke nyiŋi dɛ na haah la, asɛ dɛ ŋɔ, “Tolo, sɔɔh bwara. He yarada haa yarada mɛ la ɡelɔ he ɡbaŋre.” Gɛ waa nɔ taa haah la ɡbaŋre.

Wejereme 9:7

Kaa ka di kondikwaa dɛ́ nyɔ sen silɛɛ ne, kɛ taraken Korowii sie dɛ lɛ waa haa dɛ ɛ ta.

Matiu 8:4

Anee Yeesu kaoh ŋɔ, “Bɛ nomɛlbwa be ŋɔ. Pa sie kaa Sɔfo be, dɛ́ kpɔ he te ka baɡlo ó pɛne, ásɛ he kpɔ kwaa ka tɛo ó kpo ɡɛ Mosis aa chaɡla la, á baɡle kɛ he weela la toole he nɛɛ kpa.”

Amanesoma Mak Aa Chwera Tɔn 7:29

Yeesu ŋɔ, “Waa nɔ haa bola nɔ nomanta, kaa dem. Kwaa la le he bihaah la nɛ.”