Matiu 8:10 - mzwDBL

¹⁰ Yeesu aa no ɡɛ la, o nyoa kpoo, o ŋɔ o habɔteŋra la be ŋɔ, “Kasinteŋ, n ta nɛn waa dɔ yarada kɛ baa nɔ nae bwa. N ta o yarada dɔŋ nae Israel tena kwaraa bini.

Matiu 8:10 Referans Kwoze

Amanesoma Luk Aa Chwera Tɔn 7:9

Yeesu aa no waa nɔ la, o nyoa kpoo, yarada waa yaradao la wa, asɛ o berɛ habɔɔ dɛ ŋɔ nɛnlaa baa teŋɛ o nɛɛ la be ŋɔ, “Kasinteŋ, n ta nɛn waa yarada mɛ ken nae bwa. N ta o yarada dɔŋ nae Israel tena kwaraa bini.”

Matiu 15:28

Anee Yeesu ŋɔ o be ŋɔ, “Gɛ haa dɛ yarada mɛ la kan kɛrɛdɛ! Gɛ haa dɛ nyin la, aa ɛ ɡɛɛ tɛɛ.” Buɡ la ta, bie la ɡbaŋre.

Amanesoma Mak Aa Chwera Tɔn 6:6

Yeesu bwara yɔr ba yarada baa wola on yaradae la wa. Asɛ o la bwɛɛre la aa bɛne bela la ta ka bol Amanesoma la chaɡ ba.

Amanesoma Luk Aa Chwera Tɔn 7:50

Asɛ Yeesu ŋɔ haah la be ŋɔ, “He yarada haa yarada mɛ nɔ lɛɛ. Ir dɛɛ la. Kórowii tɛɛ bosɔɔhna.”

Amanesoma Luk Aa Chwera Tɔn 5:20

Yeesu aa na ɡɛ baa yaradao la, o ŋɔ baa la waa kuuɡa la be ŋɔ, “Baa, n kpɔ he wechɔɡa kɛɛ.”

Mumpar 43:33

Josef dɔɔranar ne o nime la soɡo ba sie pa dɔŋa nɛ. O ɡelɔ ba so teŋɛ dɔŋa nɛɛ le ba nomonome bini kaa bechale ta. Baa na ɡɛ baa soɡa teŋɛ dɔŋa nɛɛ la, ba nyoa kpoo.

Matiu 8:9

dɛkalkɛ he dɔ wobɛlbwa kpeɡri. N ɛ nɛn maa lɔ nomonome bane lɔɡa, dɛ dɔ soojare do n ɡe lɔɡa. Mɛɛ wonoo ŋɔ bɛl be ŋɔ, ‘Kaa,’ ó kaa, dɛ́ berɛ ŋɔ onfale be ŋɔ, ‘Ba,’ ó ɡe ba. Mɛɛ wonoo ŋɔ n bonɔɔ be ŋɔ, ‘Ɛ ken tɛ mɛ,’ ásɛ o ɛ.”

Matiu 8:11

Kasinteŋ, nɛra ɛɛ le wee leebɔr ne wee cholibɔree ba so Korowii Kora ta, ásɛ ba ne Abraham ne Aesek ne Jekɔb pɛ di kondikwaa bela.

We-ɛɛla 2:7

Belaa ba nyoa aa kpoa kohona la, baa bɔɔ dɔŋa ŋɔ, “Galilia tena laa nɛra nɔ kɛɛ?