Matiu 7:22 - mzwDBL

²² Tɔpejen maa ba la baa tel aa, nɛra ɛɛ warɔɔ dɛ́ baa bol n be ŋɔ, ‘N Dɔɔ, he sɔn ne laa ya bol Korowii Waa la aa? He sɔn ne laa ya doŋi kwaa nɛra nɛɛ la aa, kɛɛ he sɔn ne laa ya ɛ nyokpowa damanta la bwa la aa?’

Matiu 7:22 Referans Kwoze

2 Timoti 1:12

A waa mɛɛ na waa maa dɛ na nɔ la. Sihiih ɡe aa men kpo, dɛkalkɛ n jemɛ naate maa yaradao dɛ kpɔ n te tɛo, asɛ dɛ jemɛ kɛŋɔ wɛɛ wonoo kpoŋe n ne toma waa kpɔa do n nɔn ta la sɔnɔnɔɔ ken dɛ́ ka tel o bala tɔpere.

2 Timoti 4:8

Kon waa ka mɛ taraken laanee kompoŋ Korowii aa dɛ́ ba nɛndɛɛɡa baa yoa le, ba waa su o siwi la vɔwa. N Dɔɔ waa kpɔ kasinteŋ bol waa dɛɛ pa bole laanee dɛɛ ba n tɛɛ, awola waa ba bol nɛra bwa waa dɛ́ pa bole la. N ɡbo laa dɛɛ ba ɡɛ kembɔr la dɔe. Nɛra baa dɛ pɛlɛ o nɛɛ dɛɛ nyiŋu ŋwɛnɛ la bwa ɛɛ dɔɔ.

Amanesoma Jɔn Aa Chwera Tɔn 11:51

Kaefas ɡbaɡba liire laa o kpɔ bol ɡɛ waa nɔ. Waa ɛ Sɔfonomoa laanee Korowii tɛo ɡɛ liire la o bola ŋɔ Yeesu ɛɛ lɛ Juu tena bwa sewee sewɛ la.

Nɛra Kura 24:4

nɛn waa dɛ no Korowii waa waa bola. Nɛn waa dɛ na waa Korowii Waa Ɛ Kpeɡri Bwa Dɔɔ aa pili a bini, dɛ chole chɔ harɛ o sie pili wɛɛ nyiŋi.

1 Tesalonika 5:4

Kɛ yabala, he te toole biro ta, he sie chaah waa nɔ ta. Anomanta, Yeesu bala la aa heyaa piɡri kɛŋɔ ŋwɛɛ.

Amanesoma Luk Aa Chwera Tɔn 10:12

Kasinteŋ, Sodom tena baa ɛ wechɔɡa asɛ Korowii fuuh ba la, baa bɔ ɡɛ bwɛɛ la tenaa awola Korowii aa ba dɛ́ ba pa bole la.

Matiu 25:11

A habɔɔ la banɔ la balɔ, dɛ baa yerɛ ŋɔ, ‘Ya dɔɔ, ya dɛ soŋe, ya yaa ásɛ ya jo.’

Matiu 24:36

Nomɛlbwa aa Korowii Tɔpere la ne saŋ ɡɛ waa la aa dɛ ba chiɡa jemɛ. Nyundua toroma la ne Men Nɛn Bie la ɡba aa jemɛ. N Mɛɛ la ɡboo jema.

Matiu 7:21

Nɛra baa dɛ yer mɛ ‘N Dɔɔ, n Dɔɔ’ la bwa laa dɛɛ ba Korowii Kora la bini dɔe dɛ́ ja, nemenɛ banɔ la baa dɛ ɛ n Mɛɛ waa lɔ nyundua la tetoowa.

Aesaya 2:17

Nɛn nyanyini ɛɛ ba harɛɛ ɡɛ saŋ, ásɛ maŋkurae nɛwɛnyini aa dɛ maŋkura o te la tonɛ. Korowii ɡbo sɔnee dɛɛ ba lee awola tɔpere,

Aesaya 2:11

Nɛn nyanyini ɛɛ tonɔɔ ɡɛ saŋ, ásɛ maŋkurae nɛwɛnyini aa dɛ maŋkura o te la ba harɛ, Korowii ɡbo sɔnee dɛɛ ba lee ɡɛ saŋ.

2 Timoti 1:18

Ya Dɔɔ laanee dɛ na o sum o bala tɔpere la ta. Henee jemɛ koeh damanta waa koh n nɛɛ Ɛfesos.

2 Tesalonika 1:10

Awola waa ba o tɔpejen la ta ásɛ o nɛra tɛo duure la, nɛra baa yaradao la bwa ɛɛ nao dɛ́ kpɛɛro. He ɡba jao, dɛkalkɛŋɔ ya fa aa baɡle heyaa o waa la, he noɔ dɛ teŋɛ a ta.

Matiu 10:15

Kasinteŋ, awola Korowii aa ba pa nomɛlbwa bole la, waa Sodom ne Gomoora tena aa naa la ɡba ɛɛ bɔ a ɡɛ bwɛɛ la tena waa.”

Nɛra Kura 31:8

Ba kpoo Midian koranar banue ja nɛra baa kpoora la ta. Banee koranar baa dɛ yer ba Evi ne Rekem ne Sor, ne Hur dɛ Reba. Ba kpo Beɔ bibaa Balam ɡe tokobii ne.