Matiu 6:19 - mzwDBL

¹⁹ Yeesu berɔ ŋɔ, “He bɛ ɡel he siwi swɛɛ harɛ nɔ ta kondɔɔh ta. Harɛ bonɔ te, kwaa won kwaa chwee, kwaa won deera dɛ́ chɔɡ, ŋwɛɛra ɡe won dea joe dɛ́ ŋwɛ.

Matiu 6:19 Referans Kwoze

Hibru 13:5

He bɛ ɡel suuɡa waa swɛɛ he siwi kohona. Hé ɡel anɔ la haa dɔa la maɡre he ne, dɛkalkɛŋɔ Korowii bolɔ ŋɔ, “Maa heyaa ta bwa, maa sie laa kpɔ he nɛɛ bwa.”

Amanesoma Luk Aa Chwera Tɔn 12:21

Waa Yeesu aa bola dɛ kpɔ teŋe ɡɛ waa la ta laanee kɛ, “Gɛɛ aa ba nɛra baa kwaa kondɔɔh dɛɛ cheɡ ba te harɛ ta bonɔ baa wola kembɔr bɛlbwa dɔe Korowii be la nɛɛ doe.”

Sɛɡla 16:16

A wer kɛŋɔ haa dɔ wejema ne waa mun noe, dɛ ɡwaa kɛŋɔ haa dɔ suuɡaswɛm ne suuɡapoŋa!

Sɛɡla 11:4

Kondɔɔh ta tɔnɔ dɔe seo tɔpere, kɛ he waa toɡrɔ aa, a dɛ lee seo ta.

Amanesoma Luk Aa Chwera Tɔn 18:22

Yeesu aa no ɡɛ la, o ŋɔ o be ŋɔ, “A ta kae webeŋkpoŋ. Ka yoɡ kwaa haa dɔa, ásɛ dɛ kpɔ a suuɡa kɛ nyaara. He ɛ ɡɛ naa, hɛɛ dɔ kwaa cheɡ Korowii doa. Ka ɛ ɡɛ ásɛ dɛ ba teŋɛ n nɛ.”

1 Timoti 6:17

Bol waa nɔ nɛra baa ɛ dɔɔhna harɛ nɔ ta la be ŋɔ, ba bɛ ɡel ba nyu bini do ba som kohona, dɛ bɛ hwɛɡa kpɔ do a ɡɛ kondɔɔh aa won tona dɛ won hee la ta. Kɛ bá kpɔ ba hwɛɡa do Korowii waa ta tea dɛɛ tɛ yaa komɛlbwa asɛ ya won kpɔ dɛɛ lɛ ya sie la nɛ.

Amanesoma Luk Aa Chwera Tɔn 12:33

Hé yoɡ kwaa haa dɔa, ásɛ dɛ kpɔ a suuɡa la kɛ nyaara. He ɛ ɡɛ naa, hɛɛ dɔ pure aa wola chɔɡ ne kondɔɔh aa wola tonɛ bwa Korowii doa. Belaa kondɔɔh aa wola mule, dɛkalkɛ ŋwɛɛra aa won la ka ŋwɛa, kwaa ɡe aa wola won chwea.

Sefania 1:18

Korowii bwaawee Tɔpere la, ba suuɡaswɛm kɛɛ suuɡapoŋa aa won lɛɛ ba. O bwaawee dɛ ba harɛ nɔ bwa fuih kɛŋɔ nii ken. Nomɛlbwa waa soɡe harɛ nɔ ta waa ɛɛ ba a jaɡaa buɡ ta.

Amanesoma Luk Aa Chwera Tɔn 18:24

Yeesu nyiŋu dɛ na kɛŋɔ o tea bini chɔɡɔ, asɛ o ŋɔ, “A kpeɡri kɛŋɔ dɔɔh dɔ bɔr ja Korowii Kora la ta.

Yela 62:10

Hé laa he te kpɔ nɛra ɛɡra dɛ́ dɔ kwa, kɛɛ he sie lɛ ŋwɛɛ kwaa ta. Dɛ he kondɔɔh teŋɔ dɛɛ warɛ kwaraa naa, hé laa he bambile kpɔ a ta.

Yela 39:6

Nɛwɛnyini mkpa do kɛŋɔ lileo, ba wobɛlbwa ɛ wepuu. Wɛɛ nyin kondɔɔh cheɡ kohona, kɛ waa jemɛ naate aa ba ɛ o kwa.

Matiu 19:21

Anee Yeesu ŋɔ o be ŋɔ, “Dɛ he dɛ nyin kɛ he waa do kɛrɛdɛ ka tonaa, ka yoɡ he kwaa haa dɔa bwa, ásɛ dɛ kpɔ a suuɡa kɛ nyaara. Ka ɛ ɡɛ, ásɛ dɛ ba teŋɛ n nɛ. Hɛɛ dɔ kondɔɔh cheɡ Korowii doaa.”

Job Tɔn 31:24

Dɛ n fe kpɔ n hwɛɡa dawɛ suuɡaswɛm ta kɛɛ dɛ ŋɔ suuɡaswɛm tenten be kɛŋɔ nɛn ŋɔ, ‘Henee n lɛɛ,’

Wejereme 2:26

Korowiirii dɛɛ tɛ nɛn o wa aa dɛ lɛ o sie wejema ne liire dɛ silɛɛ, kɛ wechɔɡ-ɛɛ te, o ɡelɔ wɛɛ ɛ toma dɛɛ boa o kondɔɔh nyoa cheɡ tɛ nɛn o wa aa dɛ lɛ Korowii sie. Anɔ bwa ɡe ɛ wepuu, dɛ do kɛŋɔ nɛn aa dɛ loo vii habɔɔ, dɛ ɡel o bini la ken.

Kaala 22:2

Ba lawɛ ŋwɛɛ wɛɛ ku bobɛl dɛ́ ka ŋwɛ asɛ ba lɔɔ o sewaa, naate waa lɔɔ la ta bolchɔɡe dii.

Job Tɔn 24:16

Ŋwɛɛra ku deene ɡbeni dɛɛ jo a bini jwaana, kɛ webaŋa dɛ ba tɔ ba te do dea, baa bɔr chaahna nyin dɛ́ kpɔ ɛ wobɛlbwa.

Matiu 6:20

Kɛ hé ɡel he siwi swɛɛ Korowii doa kondɔɔh ta. Belaa kwaa aa wola toole dɛ́ chwea, aa wola dee, ŋwɛɛra ɡe aa wola won jo dea ka ŋwɛa.

Amanesoma Luk Aa Chwera Tɔn 12:39

Hɛ́ɛ no. Dɛ dem te fe jemɛ ɡɛ saŋ ŋwɛɛ aa ba ŋwɛo waa, o fe aa ɡel ó won ba jo o dem dɛ́ ŋwɛo.