Matiu 5:42 - mzwDBL

⁴² Dɛ nomɛl soŋe komɛl aa, kpɔ tɛo. Dɛ nomɛl ɡe ŋɔ o dɛ nyin komɛl dɛ kemaa, kpɔ kemɔ.

Matiu 5:42 Referans Kwoze

Sɛɡla 19:17

Nɛn waa dɛ ɛ nyaa kɛrɛdɛ la, Korowiirii o kpɔ dɛɛ kemɛ, waa waa ɛa la, o dɛ tɛo a nachiɡe.

Hibru 13:16

He bɛ dɔŋa wedɛɛɡa ɛɛ ne dɔŋa chae waa soh, dɛkalkɛŋɔ a ɡɛ waa nɔ ɛ saraha a waa aa dɛ lɛ Korowii sie.

Yela 37:21

Nyubinikpeɡ tena kemɛ kon aa, ba dɛ vɛh bɔe, kɛ nɛra ba wa aa toɡra te aa nɛra kwaa tɛɛ ɡel bwa.

Tɔn Pɔɔl Aa Chwerɛ Rom Tena 12:20

He bɛ waa kem dɛɛ bɔ. Hɛ́ɛ ɛ ɡɛ Korowii Tɔn aa ŋɔa hɛ́ɛ ɛ la. “He dɔm chɔ lɔr aa, tɛo kondikwaa ó di. Nyɔɡre dɛ kpoo waa, tɛo nee ó nyɔ. He ɛ ken aa, sihiih dɛ ba o kpoe o baŋa ɡole.”

Daneɛl 4:27

Anomanta, n naa kooro, no waa maa dɛ jae a ta nɔ. Gel wechɔɡa ɛɛ, dɛɛ ɛ anɔ la aa toɡra, dɛ́ ɡel he nyubinikpeɡ la, dɛɛ na nɛra baa dɛ fiɡ ba sum. He wobɛlbwa ɛɛ do werii dɛɛ la.”

Wejereme 11:6

Hɛɛ du kwaa yaa, he dua chɔɔ dɛ bɛ so pɛɛpɛɛ jɔmɔra ɡe. Haa won jemɛ anɔ la aa do wer, chɔɔ kɛɛ jɔmɔra kwaa laanee yoo. A laa ɡe aa, a bwa ken ɛɛ won do wer.

Hibru 6:10

Korowii ta nɛn waa wola waa ɛ aŋwɛnɛ ta ɛɛ, á ba ɛ kɛŋɔ wɛɛ soh he tondɛɛɡa haa dɛ ɛ, ne ɡɛ haa dɛ nyinu dɛ koh a waa cha o nɛra dɛ ta ɛɛ cha ba la waa.

Jems 1:27

Waa Korowii waa ɛ ya Mɛɛ aa dɛ nyin a do wer dɛ́ maɡre o toma bini laanee kɛŋɔ, yá cha bilalbii ne luhaahna ba wahala bini, ásɛ dɛ laa ya te kpɔ harɛ nɔ wechɔɡa ta.

Amanesoma Luk Aa Chwera Tɔn 11:41

Hé kpɔ kwaa haa nyina cheɡ la dɛɛ kɛ nyaara he bambile bwa ne ásɛ komɛlbwa do wer tɛ heya.

Sɛɡla 21:26

O sie dɛ beɡre kohona o dɔ kwaa dɛɛ ja tɔpere bɛlbwa. Kɛ nɛn o wa aa toɡra la te ta tea dɛɛ tɛ kon, waa nɔn nyore.

Matiu 5:41

Dɛ kpeɡnɛn ɡe dɛ doe ŋɔ hé che o bone ka doo kwansini beŋkpoŋ naa, che ka doo kwansini anɛ.