Biblia Todo Logo
Bib sou entènèt

- Piblisite -




Matiu 3:6 - mzwDBL

6 Ba bol ba wechɔɡa chaɡlo waa, dɛ o sɔ ba Korowii nee moo la ta.

Gade chapit la Kopi




Matiu 3:6
35 Referans Kwoze  

Name nɛra baa yaradaa la kɛrɛdɛ le bombaah dɛɛ bol wechɔɡa baa ɛa, dɛɛ sɛh ba chɔɡre.


Dɛ ya bol ya wechɔɡa baɡle Korowii aa, o ɛ nɛndɛɛɡe dɛ ɛ kasinteŋ te dɛɛ teŋɛ o nyobaɡa ta. Wɛɛ kpɔɔ kɛ yaa, dɛ́ laa doŋa bwa kpɔ ya nɛ.


A ɡɛ waa nɔ bwa ɛ kondiile ne konnyɔɔla ne bwara sarama waa aa ɛ nawee wa. Bwadabii waa a bwa, aa wone ɡel nɛn tea ɛɛ to. Korowiirii kpɔa tɛ o nɛra ásɛ baa teŋɛ a ta dɛ́ ka tel kɛŋɔ o ŋwɛnɛfale la aa bala.


N te, nee n kpɔ dɛɛ sɔ heyaa Korowii nee dɛ chaɡle kɛ he charɛ he liire le wechɔɡa ta. Kɛ naate waa ba n habɔɔ la te, wɛɛ kpɔ Korowii Domadɛɛɡe ne niinii sɔ heya. O ɡwaa mɛ. Maa o napaa tee kwaraa dɔ.


Yaa berɛ bol Korowii nee sɔe wa, ne nɔɔra kpɔe dɛ dawɛ nɛra nɛ, ne ɡɛ lala bwa aa ba ir seo ta, ne ɡɛ Korowii aa ba bol nɛra waa dɛ́ pa bole dɛ́ bɔ ba ba wechɔɡa kem aa wola jaɡaa dɔ waa kpa.


Korowii nee ba fa aa sɔ heyaa la, anee baɡla kɛ he ne Yeesu Kristo bwaa ba pɛ huɡe. Asɛ a berɛ che yarada haa dɛ yarada Korowii ne kpeɡri waa kpɔa ir Yeesu seo ta la ta, he ne o bwa pɛ ir dɛ dɔ mkpa.


A kaa ɛ kɛŋɔ ba fa aa sɔ ba bwa Korowii nee bam la ne mpo la ta, asɛ ba ne Mosis pɛ.


Anomanta, bɛ berɛ so kpa. Gel ba sɔe Korowii ne, ásɛ he yerɛ Yeesu sɔn dɛ́ soŋo ó kpɔ he wechɔɡa kɛɛ.’


Belaa n lii ɡɛ ya Dɔɔ fa aa ŋɔa ŋɔ, ‘Nee nee Jɔn faa sɔ nɛra Korowii ne, kɛ he te, Korowii Domadɛɛɡe nee baa ba he sɔe la.’


Nee nee Jɔn sɔ nɛra Korowii ne, kɛ aa tɔpere bɛlee di ásɛ Korowii kpɔ o Domadɛɛɡe la sɔ heya. Anomanta, hé so kpao.”


Anomanta, Jɔn ŋɔ ba be ŋɔ, “Nee tenten nee mɛɛ sɔ heya. Kɛ nomɛl ta dɛ ba dɛ ɡwaa mɛ, maa wola o napaa teera kwaraa dɔ. O te, Korowii Domadɛɛɡe ne nii nee wɛɛ ba heyaa sɔe.


Belaa nɛra baa le Juda harɛ, ne Jerusalam tena bwa le kaa Jɔn be ka no o waa la, dɛ bol ba wechɔɡa dɛɛ baɡlo, asɛ o sɔ ba Korowii nee Jɔɔdan Moo ta.


N soŋe Korowii maa dɛ tomɔ, dɛ bol n nɛra wechɔɡa ŋɔ, “N Naa Korowii, he kan dɛ do ɔma kohona. He dɛ teŋɛ he fɔo ta, dɛɛ baɡle he nyina aa wola jaɡa dɔe nɛra baa dɛ nyini nɛ. Ba dɛ teŋɛ waa haa dɛ do ba ta la ta.


Mɛɛ ɛ nedɛɛɡaa merɛ he nɛ, dɛ́ laa doŋa haa kaah la kpɔ he nɛ. Mɛɛ laa doŋa bɛlbwaa kpɔ he nɛ, dɛ́ le heyaa le voɡa toma ɡe ta.


Nɛn waa dɛ tɔ o wechɔɡa ta la aa wer do, kɛ nɛn waa wona bol o kwaa dɛ ɡel a ɛɛ la, Korowii dɛ́ na o sum.


Asɛ n bol n wechɔɡa baɡle, n ta kpɔe sɔeh. N liiro kɛ mɛɛ boloo baɡle, ásɛ he kpɔ a bwa kɛ mɛ.


Anee Josua ŋɔ Akan be ŋɔ, “N bie, ɔmɛ Korowii, kpɔ duure tɛ Korowii Israel tena aa dɛ tomɔ la, dɛ́ bol he wechɔɡa haa ɛa la, dɛ bɛ nyosone teŋe. Bol wobɛlbwa haa ɛa, bɛ kpɔ sɔɔh mɛ.”


A chɛ kɛ ó bol wechɔɡa waa ɛa la, dɛ́ bɔ kwaa baa lɛo la bwa, dɛ́ berɛ bɔne anɔ la waa bɔa la bini bele anue, dɛ́ kpɔ bɔrbeŋkpoŋ ja a ta tɛo.


Kɛ dɛ ba bol ba ne ba naawa wechɔɡa, ne deŋnekpeɡ baa ɛɛ mɛ dɛ lɛ ɡaeh n nɛ,


Ó kpɔ nɔɔra dawɛ booh la nyu ta, ásɛ dɛ bol Israel tena chɔɡre, ba wechɔɡa ne ba deŋnekpeɡ bwa baa ɛa dɛ ta o nyu ta, dɛ́ kpɔ do nomɛl nɔn ta, ásɛ o teɡɔ kaa pua hɛŋle ɡbo harɛ ta.


A ɡɛ nee nɔ cheɡɔ tɛ Korowii nee baa dɛ sɔ yaa aa lɛ yaa la. Korowii nee sɔe ta bwara doŋa yaɡla ɛɛ. Korowii nee sɔe munii kɛ ya soŋe Korowii ó tɛ yaa tepoŋ. A cheɡɛ Yeesu Kristo seo ta ira ta, asɛ nee sɔe la won dɛɛ lɛ yaa.


Anomanta, a wer kɛŋɔ he bol he wechɔɡa dɛɛ baɡle he bala he ne baa teŋɛ Yeesu nɛɛ la, ásɛ ba ɡe won soŋe Korowii dɛɛ tɛ heya, ásɛ o tɛ heyaa bokpeɡa, dɛkalkɛŋɔ nɛndɛɛɡe dɛ soŋe Korowii aa, o dɛ no dɛ ɛ dɛɛ tɛo.


Sɔfo Ɛsra taa ɡuŋa dɛɛ soŋe Korowii o Dea la sie, dɛ wi dɛɛ soŋe Israel tena wechɔɡa la, Israel tena baa wara, baala ne haahna, dɛ bechale baa baro cheme la ɡe wio kɛrɛdɛ.


Wɛɛ ɡeloo Israel tena charɛ ba liire, dɛ́ ba N Naa Korowii be.


Swiv nou:

Piblisite


Piblisite