Matiu 28:20 - mzwDBL

²⁰ ásɛ dɛ chaɡ ba ŋɔ báa teŋɛ n waa maa chaɡle heyaa la bwa ta. Kasinteŋ, mɛɛ che he habɔɔ, dɛ́ ja he nɛɛ tɔpere te bɛlbwa, dɛ́ ka tel wobɛlbwa jaɡa saŋ.”

Matiu 28:20 Referans Kwoze

Aesaya 41:10

Anomanta, he bɛ ɔmɛ, n ja he nɛ. He bɛ ɡel he bambile chɔɡ, menee Korowii haa dɛ tom mɛ. Mɛɛ tɛ heyaa bokpeɡaa, dɛ́ cha heya. Mɛɛ kpɔ nɔnee tɔ he nɛ, dɛ́ lɛ heya.

Josua 1:5

Korowii berɔ ŋɔ Josua be ŋɔ, “Nomɛlbwa toole dɛ́ won pɔ he nɛɛ wobɛlbwa ta he soɡa bini. Gɛ maa ja Mosis nɛɛ la, ɡɛɛ mɛɛ ba he ɡe nɛɛ jae maa wola habɔɔ le bwa.

Yela 46:7

Korowii waa ɛ Koranar Bwa Kooro ja ya nɛ, Korowii Jekɔb aa tomɔ laanee do kɛ danjwɛkpeɡ, ya chwa kaa marɔ.

Mumpar 39:21

Kɛ Korowii teŋɛ o nɛ, dɛ tɛo jirima dɛ ɛo kɛrɛdɛ, dɛ ɡel nomoa waa dɛ nyiŋi ba nɛɛ dea bela la sie lɛ o nɛ.

Matiu 1:23

“Bitolo waa wola baa jemɛ bwa ɛɛ kpoŋe teaa dɛ́ lolɛ bibaa, ásɛ ba yerɔ Imanoɛl.” O munii kɛŋɔ, “Korowii ne ya lole.”

Matiu 18:20

dɛkalkɛ bela nɛra banɛ kɛɛ batoro aa kpɔ nyopɛo cheme n sɔn ta la, dɛ n ja ba nɛ.”

Yela 46:11

Nemenɛ Korowii ja ya nɛ, Korowii Jekɔb aa tomɔ laanee do kɛ danjwɛkpeɡ, ya chwa kaa marɔ.

Amanesoma Mak Aa Chwera Tɔn 16:20

Asɛ o habɔteŋra la kaa bobɛlbwa dɛ kaa bol Korowii Waa la. Dɛ Korowii teŋɛ ba nɛɛ asɛ ba we-ɛɛla baa dɛ ɛ la ɡel nɛra jemɛ kɛŋɔ ba waa baa bola dɛɛ ɡaaɡe la ɛ kpela.

Kaala 3:12

Asɛ Korowii chaŋo ŋɔ, “Mɛɛ ja he nɛɛ, ásɛ dɛ he baa kpɔ n nɛra le Ijipt harɛ ta ba naa, bá baa tom mɛ bwejen nɔ ta. Anee dɛɛ ba baɡla kɛŋɔ menee tomɛ.”

Kolosi 1:28

Ya waa yaa dɛ baɡle bwaa Yeesu Kristo la. Ya dɛ ja nomɛlbwa, dɛɛ baɡle nɛra bwa wejema bwa ne, ásɛ dɛ ba won kpɔ bɛlbwa ba Korowii be kɛ ba kpeɡ Yeesu Kristo waa ta, pɛɛ ba ne waa pɛa la nomanta.

1 Kɔrent 14:37

He banɔ la haa dɛ bol ŋɔ he won Korowii kpeɡri ta cheɡa dɛ́ bol o waa la, kɛɛ he dɔ Korowii Domadɛɛɡe la, hé jemɛ kɛŋɔ waa maa chwera ba tɛ heyaa la ɛ Korowii Mmara.

2 Timoti 4:17

Kɛ ya Dɔɔ la cheɡɛ n habɔɔ dɛ tɛ mɛ kpeɡri n won bol Amanesoma la bwa, asɛ nɛra baa wola Juu tena ɛɛ la bwa no. Korowii lɛɛ mɛ le siswɛm ta kɛŋɔ nɛn baa lɛo le nyujente nyoa ta ken.

We-ɛɛla 2:42

A ɡɛ nɛra la balɔ dɛ baa hweli Korowii waa Yeesu toroma la be warawara. Dɛ ba ne Yeesu toroma laanee pɛa dɛɛ ɛ wobɛlbwa, dɛɛ di kwaa dɛɛ tomɛ Korowii.

Matiu 6:13

Dɛɛ ke yaa wechɔɡa luɡri ta. Le yaa musu ta. He kora dii, ne he kpeɡri, ne he jirima ta jaɡa dɔe bwa. Aamen.’

1 Kɔrent 11:2

N dɛ kpɛɛ heyaa liira haa dɛ lii n waa bwa wobɛlbwa ta, dɛɛ teŋɛ waa Korowii aa baɡ mɛ asɛ n ɡe baɡle heyaa la ta.

Matiu 13:49

Gɛɛ waa bwa jaɡa saŋ ɛɛ ba doe. Nyundua toroma ɛɛ bao dɛ́ ba chale nɛnchɔɡa le nɛndɛɛɡa bini,

Yela 72:19

Hé kpɛɛ o sɔn waa dɔ jirima saŋ bɛlbwa dɛɛ la. Hé ɡel o jirima su harɛ nɔ ta bwa. Aamen.

1 Koranar 1:36

Anee Jehoiada bibaa Bɛnaya ŋɔ, “A ɛ ɡɛ! Korowii n naa kooro aa dɛ tomɔ la sɛh a ta.

Mmarare 12:32

Hé do sie dɛ́ ɛ waa maa do heyaa a ta nɔ, he bɛ waane kpɔ ja a ta, he bɛ ane ɡe laa kpɔ le a ta.”

Wepila 22:14

Nɛra baa chɛɡɛ ba laala a do wer la na som, dɛkalkɛŋɔ banee dɛ́ won dɔ Mkpa Daa la nɔna di, dɛ́ won kpɔ doonyoone la ta ba tetoora dɛ́ɛ jo bwɛjen la ta.

1 Webena 16:36

Hé kpɛɛ Korowii Israel tena aa dɛ tomɔ, hé kpɛɛro saŋ bɛlbwa dɛɛ la. Nɛra la bwa ŋɔ, “Aamen” ne “Hé kpɛɛ Korowii!”

Mmarare 5:32

Asɛ Mosis ŋɔ ba be ŋɔ, “Hé nyiŋi kɛrɛdɛ dɛɛ ɛ waa Korowii yaa dɛ tomɔ aa dɛ bol he be nɔ. He bɛ sie laa kpɔ a ta.

2 Pita 3:2

N dɛ nyin kɛŋɔ he lii waa Korowii keamere la fa aa bola a saŋ la, ne waa Yeesu toroma la fa aa ŋɔa ya Dɔɔ waa ɛ ya Lɛɛ la ŋɔ hé ɛ la.

We-ɛɛla 20:27

dɛkalkɛŋɔ n ta waa Korowii aa dɛ nyin la wobɛlbwa kpɔe sɔh heya.

Wepila 1:18

Men lole saŋ bɛlbwa la. N fa sewɔ, kɛ taraken n iro, maa wola sewɛ saŋ bɛlbwa kpa, dɛ dɔ seo ne Lalabwɛɛ safoone.

1 Kɔrent 11:23

Ya Dɔɔ Yeesu baɡ mɛ waa nɔ n ɡe baɡle heyaa kɛŋɔ o fa ɛ waane jwaana baa leo tɛ la. O kpɔ paanoo,

Matiu 24:3

Yeesu teehnɔ ka so Ɔlevere Bwejen la doa. Belaa o habɔteŋra la ɡbo ka puu bela, dɛ ba bɔɔro ŋɔ, “Chaɡle yaa ɡɛ saŋ ɡɛ waa nɔ bwa aa dɛ́ ba chiɡa, ne waa aa dɛ ba bala dɛ chaɡle kɛŋɔ he bala saŋ la ne waa bwa jaɡa saŋ la telo.”

Jeremia 26:2

“Ir ka che n Dea dembaah, dɛ́ bol waa bwa maa doe ŋɔ he bol baɡle nɛra baa le Juda bwɛɛre ta dɛ baa tom mɛ bela la. Bɛ webeŋkpoŋ kwaraa ta, bol a bwa.

Kaala 8:27

Gɛ Korowii yaa dɛ tomɔ aa ŋɔ ya be la, a chɛ kɛ yá valɛ tɔpera atoro ŋwɛnɛ pua hɛŋle ɡbo harɛ ta, dɛ́ ka kpoo kwaa tɛo.”

Ɛsekeɛl 46:10

Kooro la chɛ kɛ ó ja ba nɛɛ jo, ba dɛ le ɡe aa, bá bwa pɛ le.