Matiu 27:50 - mzwDBL

⁵⁰ Belaa Yeesu berɛ do lɔŋɔ kohona, asɛ dɛ ɡel o doma kaa, o den sewɛ.

Matiu 27:50 Referans Kwoze

Amanesoma Jɔn Aa Chwera Tɔn 19:30

Yeesu aa nyɔa tonɛ la, o ŋɔ, “A tonɔ,” asɛ dɛ ɡure o nyu dɛ ɡel o doma le, o sewɛ.

Amanesoma Luk Aa Chwera Tɔn 23:46

Yeesu kpɔ takpeɡ do lɔŋɔ dɛ ŋɔ, “N Mɛɛ, he nɔn taa n lileo do!” Waa bol ɡɛ tonɛ la, o doma le, o sewɛ.

Hibru 9:14

ɛrɛɛ a ɛ Yeesu Kristo chal aa wola won laa ya doŋa kpɔ ya nɛɛ kohona nɔ? Korowii Domadɛɛɡe waa lole saŋ bɛlbwa aa wola jaɡa dɔe la, on cha Yeesu Kristo o won kpɔ o te kɛŋɔ konaate waa wola kirihiah bɛlbwa dii dɛ ɛ saraha dɛ tɛ Korowii. Yeesu chal ɛɛ laa ya wechɔɡa aa dɛ kaa ya ne seo ta la bwaa kpɔ ya nɛɛ ásɛ ya tea to, ásɛ a waa bɛ yaa hiah kpa, ásɛ ya won tomɛ Korowii waa lole saŋ bɛlbwa la.

Amanesoma Mak Aa Chwera Tɔn 15:37

Belaa Yeesu do lɔŋɔ kohona, asɛ o doma le o sewɛ.

Matiu 20:28

Dɛ ŋɔ, “Men Nɛn Bie ta balɛ kɛ nɛ́ra tom mɛ. N te balɔ dɛ́ ba tomɛ nɛra, dɛ́ ɡarɛ kpɔ n nyu charɛ nɛndamanta mkpa.”

Amanesoma Jɔn Aa Chwera Tɔn 10:15

kɛŋɔ n Mɛɛ aa jem mɛ asɛ n ɡe jemɔ la. Dɛ seo kwaraa yaa, mɛɛ kpɔ n nyuu charɛ dɛ lɛa.

Amanesoma Jɔn Aa Chwera Tɔn 10:11

Menee Peteɡredɛɛɡe la. Dɛ seo kwaraa yaa, mɛɛ kpɔ n nyuu charɛ n peera.

Daneɛl 9:26

A ɡɛ bene la bwa habɔɔ la, baa kpo nomoa Korowii aa leo cheɡ laanee chɔɡre ŋwɛnɛ taa, ásɛ baa o wobɛlbwa waa lii kpa. Ásɛ kooro waa kpeɡa kpɔ o laa tena ba yo, dɛ́ chɔɡ bwɛjen la ne Korowii Dea la ɡe. Waa bwa jaɡa saŋ la ɛɛ bao kɛŋɔ nee yon su wɔrɔbe nɛɛ dɛ chɔɡ kwaa la ken, dɛ́ kpɔ laa ba chɔɡ waa Korowii aa ŋɔa aa ɛo la.

Hibru 2:14

Nɛra Yeesu aa dɛ yer ba bechale la, baa ɛ nɛwɛnyina dɛ dɔ bwadabii ne chal nomanta la, o ɡbabir baa berɛ nɛwɛnyini dɛ do kɛ ban, dɛ dɔ bwadabii ne chal. O ɛ ɡɛ, ásɛ dɛ won che o seo waa dɛ ba sewa ta dɛ chɔɡ naate seo aa tɛo kpeɡri nɛra nɛɛ la. Onee Bɔnsam.

Matiu 27:49

Nɛra baa kaa la ɡe ŋɔ, “Hé ɡel ya na, dɛ Elaeja ɛɛ ba lɛo wa aa?”

Amanesoma Jɔn Aa Chwera Tɔn 19:29

Dɛ vii bɛl ne sennyɛɡa cheɡɛ bela, asɛ ba kpɔ konjɔɡɔjɔɡɔ bɛl waa won nee lɛɛ vɔwɛ daa bɛl baa dɛ yerɔ hesɔp dajaŋ ta, dɛ kpɔ li sennyɛɡa la dɛ kpɔ su o nyoa ó nyɔ.

Hibru 5:7

Yeesu aa lɔ harɛ ta la, dɛ wii ne siniire nee wɛɛ soŋe komɛlbwa dɛɛ le Korowii be. Dɛ Korowii dɔ kpeɡri dɛ leo seo ta. Waa pwɛra dɛɛ no Korowii deŋna waa la nomanta, dɛ Korowii dɛ no o wesoŋa.