Matiu 25:6 - mzwDBL

⁶ Harambaŋa la, nɛra bane nao kɛŋɔ hanfale jaa la dɛ ba, asɛ dɛ kpɔ takpeɡ ŋɔ, ‘Hanfale jaa laanee la oo! Hé le ka chemo!’

Matiu 25:6 Referans Kwoze

2 Pita 3:10

Ya Dɔɔ Yeesu bala tɔpere la, wɛɛ piɡruu kɛŋɔ ŋwɛɛ bala aa dɛ piɡri la ken. Awola tɔpere la, nyundua ɛɛ jiɡru kikikiki, dɛ́ nyoɡre nɛra siwi ta. Kwaa aa lɔ nyundua bwa ɛɛ fuuh dɛ́ mwɛɛ, ásɛ harɛ ne kwaa aa lɔ o ta bwa fuh.

Matiu 25:1

Yeesu berɔ ŋɔ, “Men Nɛn Bie bala la telaa, kenii Korowii Kora ɛɛ ba doe. O dɛ ba doe kɛŋɔ toli fi bane baa ira dɛ kpɔ ba kandere dɛɛ la ká cheme hanfale jaa.

Matiu 24:44

Gɛɛ chɛ kɛŋɔ hé ɡe kpɔ he te, dɛ́ so kpa, dɛkalkɛ piɡraa Men Nɛn Bie la ɛɛ ba ba piɡri heya.

Matiu 24:31

Nɛra ɛɛ no Korowii bɛla la sii, ásɛ Korowii tomɛ o nyundua toroma bá ba harɛ nɔ ta bobɛlbwa, dɛ́ ka boa o nɛra waa chal ba dɛ lɛɛ ba la bwa nyoa.

Aesaya 25:9

A ba ɡɛ naa, baa boloo ŋɔ, “Kasinteŋ, Korowii yaa dɛ tomɔ laanee la. Korowii yaa hwɛɡɛ o nɛɛ laanee la, o lɛ yaa. Hé ɡel ya hɛɡre ya sie lɛ, lɛɛ waa lɛ yaa la wa.”

Wepila 16:15

Hɛ́ɛ no. Mɛɛ piɡri heyaa kɛŋɔ ŋwɛɛ ken. Naate waa wola dom chɔ dɛ do o laala dɛ so dɛɛ kpa la na som. N balaa, waa mumɡbalee valɛ nɛra nao ásɛ sihiih kpoo.

1 Tesalonika 4:16

dɛkalkɛŋɔ ya Dɔɔ la ɡbabir ɛɛ le nyundua dɛ́ tu ba, dɛ́ ba yerɛ o nɛra takpeɡ ne, ásɛ o nyundua toroma nomoa ɡe yerɛ, Korowii bɛla si tɔ o sie, ásɛ banɔ la baa yarada Yeesu Kristo mɔɔ dɛ serewe la ir,

Amanesoma Luk Aa Chwera Tɔn 12:46

Tɔpebeŋkpoŋii o dɔɔ ɛɛ ba bala ba piɡru, ásɛ dɛ ba tɛr o deŋne taeh kɛŋɔ baa dɛ ɛ nɛra baa wola Korowii yarada la ken.

Amanesoma Luk Aa Chwera Tɔn 12:20

Anee Korowii ŋɔ o be ŋɔ, ‘Gɛne! Fini jwaana nɔ ne hɛɛ sewɔɔ, ásɛ kwaa haa kwaara cheɡ la, lee hɛɛ ba a bɔr nae jaɔ?’ ”

Matiu 25:31

Yeesu berɔ ŋɔ, “Dɛ Men Nɛn Bie la balɔ jirima ne, nyundua toroma la ja n nɛ aa, mɛɛ ba so n kookara taa,

Emɔs 4:12

Anomanta, Israel tena, mɛɛ tɛr he deŋnee. Maa dɛ ba heyaa ɡɛ ɛɛ nomanta, hé kpɔ he te dɛɛ kpa men Korowii haa dɛ tom mɛ, ásɛ n pa heyaa bolchɔɡe.”

Yela 98:9

dɛkalkɛ o dɛ ba harɛ nɔ ta ba di kora. Wɛɛ ba bol harɛ nɔ ta nɛra waa dɛ́ pa bole aŋwɛnɛ ta, ne kasinteŋ ne.

Yela 96:13

saŋ Korowii aa ba di kora harɛ nɔ ta la. Wɛɛ ba bol harɛ nɔ ta nɛra waa dɛ́ pa bole aŋwɛnɛ ta ne kasinteŋ ne.

Matiu 25:5

Hanfale jaa la ta fele ba, anomanta, dom chuɡli bitoli la, ba bwa chɔɔɡe doromi.

Matiu 25:7

Bitoli fi la bwa ir doromi ta, dɛ kwaa ba kandere.