Matiu 23:9 - mzwDBL

⁹ Ásɛ harɛ nɔ ta ɡe, he bɛ nomɛlbwa he Mɛɛ dɛɛ yerɛ, dɛkalkɛ he Mɛɛ lɔ beŋkpoŋ ɡbo dɛ do nyundua.

Matiu 23:9 Referans Kwoze

1 Jɔn 3:1

Hé na nyina ya Mɛɛ waa lɔ nyundua aa dɛ nyin yaa, dɛɛ yerɛ yaa o bii. Ya ɛ o bii kpela. A waa ɡela nɛra baa dɔ harɛ nɔ ta ɡbo liire aa wola yaa jemɛ la. Gɛ baa wola Korowii jemɛ la, ɡɛɛ baa wola ya ɡe jemɛ.

Hibru 12:9

Ya mɛɛnanar baa lolɛ yaa la kwara, ba tɛr ya deŋne aa, ya dɛ no ba be. Aah dɛ ya Mɛɛ waa lɔ nyundua dɛ dɔ ya lileore la te sɛ, a ta chɛ kɛ ya no o be dɛ́ dɔ mkpa aa?

Malakae 1:6

Koranar Bwa Kooro ŋɔ sɔfore la be ŋɔ, “Bie dɛɛ tɛ o mɛɛ jirima, asɛ bonɔɔ ɡe ɛɛ tɛ o nomoa duure. Menee he mɛɛ, ɛrɛɛ haa wola jirima kpɔe dɛɛ tɛ mɛ nɔ? N ɛ he dɔɔ, ɛrɛɛ haa wola duure kpɔe dɛɛ tɛ mɛ nɔ? He sɔfore, heyaa wola duure kpɔe dɛɛ tɛ n sɔn, kɛ he dɛ bɔɔ ŋɔ, ‘Ɛrɛɛ yaa wola duure kpɔe dɛɛ tɛ he sɔn ɔ?’ ”

Matiu 7:11

Dɛ he wechɔɡ-ɛɛra nɔ kwara jemɔ dɛ kpɔ kondɛɛɡa dɛɛ tɛ he bii aa, ɛrɛ waa he Mɛɛ waa lɔ nyundua la te aa wola kondɛɛɡaa kpɔ tɛ nɛra baa dɛ soŋo wɔ?

1 Kɔrent 4:15

Dɛ he dɔ nɛra ba warɛ pirim, dɛ won cha heyaa Yeesu Kristo ŋwɛnɛ ta naa, n ɡboo ta he mɛɛ. Menee tɔ sie bol Amanesoma la he be. A taa n che ɛ he mɛɛ Yeesu Kristo waa ta.

2 Kɔrent 6:18

dɛ́ ɛ he Mɛɛ, ásɛ he ɛ n bii.’ Men Nemenɛ Korowiirii bola.”

We-ɛɛla 22:1

“N mɛɛwa ne n dɔɔranarwa, hé do deŋna n be ásɛ n bol n kon hé no.”

2 Koranar 2:12

Elaesa nao dɛ do lɔŋɔ yerɛ Elaeja ŋɔ, “N dɔɔ! N dɔɔ! Nɛn waa cheɡɛ Israel tena habɔɔ! He kaalɔ.” Elaesa ta on nae kpa. O kɛɛ o laala waa doa la bini anɛ, a baɡle kɛŋɔ o loo kuu kohona.

Matiu 6:32

Nɛra baa wola Juu tena ɛɛ, baa wola Korowii tomɛ la liiree dɛɛ do a ɡɛ kwaa nɔ ta. Kɛ he Mɛɛ waa lɔ nyundua la jemɔ kɛ he dɛ nyin anɔ bwa.

2 Koranar 13:14

Korowii keame Elaesa bwara weo, a taa o che dɛ sewɛ. Asɛ Israel Kooro Jehoas la dɛ ka nao dɛ wi baɡlo dɛ ŋɔ, “N dɔɔ! N dɔɔ! Nɛn waa cheɡɛ Israel tena habɔɔ!”

2 Koranar 6:21

Israel kooro aa na ba la, o bɔɔ Elaesa ŋɔ, “N dɔɔ, ń kpoo ba kɛɛ?”

Matiu 23:10

He bɛ ɡel nomɛlbwa ɡe yerɛ he bini bɛlbwa o dɔɔ, dɛkalkɛ dɔɔ beŋkpoŋ ɡboo lole, onee Kristo la.