Matiu 23:38 - mzwDBL

³⁸ Anomanta, Korowii ɛɛ ta he waa tɛ heya.

Matiu 23:38 Referans Kwoze

Jeremia 22:5

Kɛ dɛ haa waa maa do heyaa a ta teŋaa, amɔ te men Korowii, n dɛ ŋwɛɛ n ɡbaɡba kɛŋɔ koodem nɔ bwa ɛɛ kuuɡuu dɛ́ berɛ dimɡbia.”

Amanesoma Luk Aa Chwera Tɔn 13:35

Taraken te, Korowii ta he waa tɛ heya. Kasinteŋ, n dɛ ŋɔ he be, haa men na kpa ka tel ɡɛ saŋ maa ba ja, asɛ he ŋɔ, ‘Woowo! Korowii swee naate waa valɛ o sɔn ta dɛɛ ba nɔ andɛɛɡa!’ ”

Amanesoma Luk Aa Chwera Tɔn 21:24

Baa kpɔ kerii kpoo bane, ásɛ dɛ larawe bane dɛ́ kpɔ ba kaa harɛ nɔ ta bobɛlbwa, ásɛ nɛra baa wola Juu tena ɛɛ ɛ Jerusalam bwa posaposa ken ka tel kɛŋɔ ba ɡe saŋ aa ba kaa.

Amanesoma Luk Aa Chwera Tɔn 21:20

Yeesu berɔ ŋɔ, “He baa na kɛŋɔ soojare bar Jerusalam cheme aa, amɔ te hé jemɛ kɛŋɔ o paɡra telo.

Amanesoma Luk Aa Chwera Tɔn 21:6

“Tɔpere bɛl ɛɛ bao ásɛ anɔ haa naa nɔ, ba ta ɛɛ paɡre a bwaa ásɛ bwe beŋkpoŋ bɛlbwa aa wola lee do dɛ́ chɔŋɛ o dɔŋ nɛɛ kpa.”

1 Koranar 9:7

ate, mɛɛ le Israel tenaa le harɛ maa kpɔa tɛɛ ba nɔ ta, dɛ́ vɛh n Dea maa lea cheɡ dɛ ɡel o do ɡoroŋ ŋɔ ó ɛ bela baa dɛɛ tom mɛ nɔ ta. Ásɛ Israel tena berɛ wesoma nɛra, harɛ nɔ ta bwa.

Amanesoma Mak Aa Chwera Tɔn 13:14

Hɛɛ na konchɔɡechɔɡe waa dɛ paɡre bwɛɛ laanee kɛŋɔ o cheɡɛ bela aa wola chɛɛ kɛŋɔ ba nao. Bonɔ kpeɡri. Anomanta, nomɛlbwa waa kuro la kwaa nyiŋu kɛrɛdɛ. He baa na ɡɛ naa, a chɛ kɛŋɔ Juda harɛ tena chwa ka nyin sɔɔhbɔr ba bwea la ta.

Matiu 24:2

Anee Yeesu ŋɔ, “Hé nyiŋi deene nɔ bwa kɛrɛdɛ. N dɛ ŋɔ he be kɛ baa ba kuuɡi a bwaa ta. Bwe bɛlbwa aa lee do dɛ́ ta chɔŋɛ o dɔŋ nɛɛ kpa.”

Sekaria 11:6

Korowii ŋɔ, “Maa nɛra baa lɔ harɛ la ta bɛlbwa sumii na. Mɛɛ le bɛlbwaa tɛ o dɔŋ ne o kooro. Baa fiiɡi ba harɛ la ta nɛraa, kɛ maa ban lɛ.”

Daneɛl 9:26

A ɡɛ bene la bwa habɔɔ la, baa kpo nomoa Korowii aa leo cheɡ laanee chɔɡre ŋwɛnɛ taa, ásɛ baa o wobɛlbwa waa lii kpa. Ásɛ kooro waa kpeɡa kpɔ o laa tena ba yo, dɛ́ chɔɡ bwɛjen la ne Korowii Dea la ɡe. Waa bwa jaɡa saŋ la ɛɛ bao kɛŋɔ nee yon su wɔrɔbe nɛɛ dɛ chɔɡ kwaa la ken, dɛ́ kpɔ laa ba chɔɡ waa Korowii aa ŋɔa aa ɛo la.

Yela 69:24

Gel he bandia kohona la ba ba nɛ, kpɔ he bandia waa do ɔma kohona ta ba nɛ.

Yela 69:25

Gel ba sobɔr chɔ pɛɛ, nomɛlbwa bɛ ba tɛnte deene bini do,

Aesaya 5:9

Nemenɛ Korowii bol waa a chole n deŋna ta. O ŋɔ, “Kpelaa, demjena ɛɛ che dimɡbeenii, deremi aa kana dɛ do wer ɛɛ cheo nɛn aa lee do dɛ́ so a bini.

Sefania 3:6

Korowii ŋɔ, “N chɔɡ harɛre bwa nɛra ne ba bwɛjena, dɛ kuuɡi danjwɛɛre baa maa bara, ne a dejaŋa bwa a berɛ dimɡbeeni. Bwɛjena la chɔ pɛɛ, nɛra toole a fɔɡbaahna, nomɛlbwa ta kae kpa.