Biblia Todo Logo
Bib sou entènèt

- Piblisite -




Matiu 23:37 - mzwDBL

37 Oo, Jerusalam tena! Korowii tomɛ o keamere he be naa, ɡɛɛ he kpoo ba, o tomɛ toroma he be naa, ɡɛɛ he foɡ ba bwea. Saŋ bɛlbwaa mɛɛ nyin kɛ ń kpɔ nɔn tɔ he nɛɛ kɛ jal aa lawɛ o bii dɛɛ do o kena lɔɡre la, kɛ haa nyin kɛ ń lawɛ heyaa pɛ.

Gade chapit la Kopi




Matiu 23:37
46 Referans Kwoze  

Korowiirii dɛ́ tɛɛ he kembɔr he waa la haa ɛa la wa. Korowii Israel tena aa dɛ tomɔ he chwa ba marɔ nɔ, ó tɔ he nɛ kɛ jal yon kpɔ kena tɔ o bii nɛɛ la, dɛ́ kwaa he kwaa tɛɛ kohona.”


Wɛɛ tɔ he nɛɛ kɛŋɔ jal yon lawɛ o bii do o kena lɔɡre la ken. Wɛɛ nyiŋi he nɛɛ he dɔ bosɔɔhna, dɛ́ che o kasinteŋ ta nyiŋi, dɛ́ tɔe ɡbemɡbe.


Tɔ mɛ ɡbemɡbe kɛŋɔ, haa dɛ tɔ n siwinyiŋi ta la, kpɔ mɛ sɔh he kena lɔɡre kɛŋɔ, jal yon lawɛ o bii do lɔɡa la ken.


Na ɡɛ he nyina aa wola jaɡa dɔe aa wera! He kena lɔɡree ya chwa baa sɔh, kɛŋɔ jal yon lawɛ o bii, do o kena lɔɡre la.


Kɛ ba ɛɛ deŋnekpeɡ dɛ le he habɔɔ. Ba laa ba liire kpɔ he Mmara ta teŋa ta. Ba kpoo he keamere baa kah ba ŋɔ, bá charɛ ba liire ba he be la. Ba bol wedoŋa dɛ taah he sɔn la.


dɛkalkɛŋɔ henee dɛɛ cha mɛ, he lɔɡaa n chwa baa sɔh, kɛŋɔ jal yon lawɛ o bii do lɔɡa la, mɛɛ ɡo silɛɛ yela.


N teŋɔ tomɛ n bonɔɔna baa ɛ n keamere bwa he be. Ba bol he be ŋɔ bɛlbwa charɛ o liire le wechɔɡa ta dɛ́ ɡel he we-ɛɛla do wer. Dɛ he bɛ voɡare ane nɛɛ teŋɛ dɛɛ toma. Ásɛ he won so harɛ maa kpɔa tɛ he ne he naawa la ta. Kɛ ane a bwa, he ta deŋne cheɡɛ dɛ no n be.


dɛɛ chaɡle kɛŋɔ dɛ heyaa fe he naawa ɡɛ saŋ la aa, he te fe aa wola ja dɛ́ kpo Korowii keamere la.


O tomɛ o bonɔɔna ŋɔ bá ka yerɛ nɛra waa yer ba ŋɔ bá ba di hanfale kondikwaa la, asɛ ba sie ta on sui dɛ vɛh bala.


Hé ɡel he sie lɛ kohona, dɛkalkɛ he kembɔr kan taeh Korowii be. Gɛɛ ba kpɔ ɛ Korowii keamere baa tɔ sie la.


Kɛ maa teŋa dɛɛ yerɔ la, dɛ ɡɛɛ o teŋɛ dɛ jo dɛɛ kaa. N nɛra kpoo kwaa tɛ voɡa Baalre, dɛ fuh daawiile a sɔɔh aa soma tɛ voɡa.


N Naa Korowii, na n sum, dɛkalkɛ henee n chwa baa marɛ dɛ dɔ bosɔɔhna. He lɔɡaa n chwa baa sɔh, kɛŋɔ jal yon lawɛ o bii do o kena lɔɡre, ka tel saŋ harɛ chɔɡa aa baa kaa.


Juu tena nɔɔ kpo ya Dɔɔ Yeesu Kristo ne Korowii keamere la, dɛ hah yaa, dɛ doŋi yaa la. Gɛ nɛnchɔɡa nɔ aa Korowii siwi su. Ba ɛ nɛra bwa dɔm,


Keraŋwɛnɛ bwaa n tomɛ n bonɔɔna baa ɛ n keamere he be, ba bol he be ŋɔ he bɛ wedoŋa aa do ken maa kia nɔ ɛ.


asɛ ba kar la ɡe lawɛ o bonɔɔna waa tom ba la dɛ ɛɛ ba hɔhɔrɔwa dɛ kpoo ba.


He bɛ ɛ kɛŋɔ he naawa. Banee n keamere baa tɔ sie la bol n waa ba be ŋɔ bá charɛ ba liire le ba wechɔɡa ne wedoŋa ta, kɛ ba ta n be noɛ, kɛɛ dɛ kpɔ duure tɛ mɛ la.


N nɛra siwi beɡrɔ kɛ bá berɛ habɔɔ kpo mɛ. Baa wiu, dɛkalkɛ wejena dawɛ ba nɛ, kɛ nomɛlbwa aa laa kpɔ ba nɛ.


Ba lawɛ Uria le Ijipt harɛ dɛ kpɔɔ ka tɛ Kooro Jehoiakim, asɛ o kpoo dɛ kpɔ o chɔɔ la ka ta bela baa dɛ huɡe nɛmpɛɛne la.


Jerusalam tena, hɛ́ɛ no jae maa dɛ ja heya, ɡɛ laa aa, mɛɛ vɛh heyaa, dɛ́ ɡel he harɛ chɔ pɛɛ, ásɛ nomɛlbwa aa wola won so o ta.”


Jerusalam tena, hé ɡel wechɔɡa ɛɛ ásɛ Korowii lɛ heya. Saŋ besoo hɛɛ ba he nyubinikpeɡ vɔrɔwa nɔ ɡela ɔ?


Pɛɛpɛɛ n tɛr he deŋne, haa nyin kɛ he charɛ he liire le waa haa dɛ ɛ ta. He kpoo keamere maa tom ba he be kɛŋɔ nyujente lɔr aa dɛ kpoo ken.


N ba he be, n ta heyaa nae, n yerɛ heyaa he ta sɛɛh. Kpeɡri maa kpɔ lɛ heyaa laanee n ta dɔe kɛɛ? Mɛɛ won ŋɔ mpo hweeh, ó hweeh, dɛ́ berɛ won ɡel neerare hweeh, bela do kɛŋɔ pua hɛŋle ɡbo harɛ ta, ásɛ a pɛŋa bwa serewe dɛ́ pɔh.


N na haah la kɛ waa dɛɛra. Korowii nɛra ba wa aa toɡra dɛ teŋɛ Yeesu nɛɛ ba koh a waa kpoo ba la chalee o nyɔ dɛ dɛɛ. Maa nao la, n nyoa kpoo taeh.


Asɛ binomoa la baah di, o kire ŋɔ waa deemii jo. Asɛ o mɛɛ ba larawo ŋɔ ó ba dem.


A fe ta ka waane n fee ɛ daa la ta, asɛ n ta wone ɛ kɛɛ? N fe dɛ nyin kɛ a nɔnɛ nɔndɛɛɡa, aah bɔkwaa bera ɡel a nɔnɛ nɔnchɔɡa nɔɔ?


Nɛra baa lɔ bwɛjen nɔ ta ir n bwaawee dɛ ɡel n baah di kohona le awola baa vɔrɔwo. N ɛ n liire kɛ n chɔɡo,


Ate, Kooro la do o bibaa Jeramiil, ne Asriel bibaa Seraya dɛ Abdeel bibaa Sɛlɛmia ŋɔ bá ba lawɛ Baruk ne men Korowii keame Jeremia ba tɛo. Kɛ Korowii lawɛ yaa sɔh.


Bá bwɛɛlɛ! Ba vɛɛh mɛ dɛ berɛ habɔɔ kpo mɛ. Waa dawɛ ba nɛ, ba ɛ deŋnekpeɡ n nɛ. N pɛla lole kɛŋɔ n fee lɛɛ ba, kɛ ba teŋe nyosone dawɛ n nɛ.


Kɛ he ɡe aa berɛ ɛɛ tɔh kɛŋɔ banɔ la baa kpoo Korowii keamere la naanaree heya!


Swiv nou:

Piblisite


Piblisite