Matiu 23:11 - mzwDBL

¹¹ He bwa bini, naate waa ɡwaa heyaa la chɛ kɛ ó ɛ o te kɛŋɔ bechala dɛɛ tomɛ heya.

Matiu 23:11 Referans Kwoze

1 Kɔrent 9:19

N fe dɛ di n nyu, nomɛlbwa laa dɔɔ mɛ, kɛ n ɛ n te yom dɛɛ ɛ toma dɛɛ tɛ nomɛlbwa, dɛ́ fee dɔ nɛra kɛrɛdɛ tɛ Korowii.

Galaasia 5:13

Yabala, Korowiirii le heyaa tɛ o te, dɛ lɛ heyaa asɛ Mmara la bɛ heyaa vɔrɔwe kpa. Kɛ haa dɔ he te nɔ, he bɛ ɡel a do he som kohona, asɛ hɛɛ ɛ wechɔɡa la bwa he bwadabii aa dɛ nyin kɛŋɔ hɛɛ ɛ. Hé kpɔ dɔŋa nyina dɛɛ tomɛ dɔŋa.

2 Kɔrent 4:5

Ya ɡbaɡba waa laa yaa baɡle nɛra nɔ. Yeesu Kristo waa yaa baɡle kɛŋɔ onee komɛlbwa Dɔɔ, dɛɛ baɡle kɛŋɔ o nomanta, he bonɔɔnaa yan.

2 Kɔrent 11:23

Yeesu Kristo bonɔɔnaa ban kɛɛ? N dɛ bol choɡla wobol te, kɛ dɛ ba ɛ Yeesu Kristo bonɔɔna aa, n ɛ o bonɔɔ ɡwaa ba! N ɛ toma ɡwaa ba. Ba do mɛ dea ɡwaa ba, dɛ cha mɛ chweremi ɡwaa ba. Waa maa naa a yon ka jɛɛ n sewɛ warɔ.

Matiu 23:10

He bɛ ɡel nomɛlbwa ɡe yerɛ he bini bɛlbwa o dɔɔ, dɛkalkɛ dɔɔ beŋkpoŋ ɡboo lole, onee Kristo la.

Amanesoma Mak Aa Chwera Tɔn 9:35

Asɛ Yeesu so harɛ dɛ yer ba dɛ ŋɔ ba be ŋɔ, “Naate waa dɛ nyin kɛ o ɛ he bwa nomoa la, a chɛ kɛŋɔ ó ɛ o te bechala dɛɛ tomɛ heya.”