Matiu 22:43 - mzwDBL

⁴³ Anee Yeesu berɛ pɛɛ ba ŋɔ, “Aah ɛrɛ waa Korowii Domadɛɛɡe la aa ir Devid nɛɛ la o berɛ yerɔ o dɔɔ nɔɔ? Devid fa ŋɔ,

Matiu 22:43 Referans Kwoze

2 Samoɛl 23:2

“Korowii Doma baa so n nɛ, dɛ kpɔ o waa do n nyoa.

Wepila 4:2

Buɡ la ta, Korowii Domadɛɛɡe la den ir n nɛ, asɛ n na kɛŋɔ kookara bɛl cheɡɛ nyundua, nomɛl so o ta.

Wepila 1:10

Awola bɛl, ya Dɔɔ Tɔpere ta, Korowii Domadɛɛɡe ir n nɛ, n no takpeɡ bɛl n habɔɔ kɛŋɔ bɛla aa dɛ si ken.

2 Pita 1:21

Akai! Baa chwera la, ba ɡbaɡba liire ne laa ba chwera. Korowii Domadɛɛɡee ir Korowii nɛra nɛ, asɛ baa bol waa aa dɛ ba bala kerekere Korowii aa kpɔa do ba nyoa.

Hibru 3:7

Anomanta, Korowii Domadɛɛɡe bolɔ ŋɔ, “Dɛ he no Korowii waa fini naa,

We-ɛɛla 1:16

“Yabala, Korowii Domadɛɛɡe cheɡɛ Devid nɛɛ dɛ pu sie baɡle Judas waa tɔ nɛra sie dɛ baɡ ba Yeesu ba lawɔ la wa. Gɛ waa baɡla laanee chɛ kɛ a ɛ. A waa a ɛ ɡɛ la.

Amanesoma Mak Aa Chwera Tɔn 12:36

Dɛkalkɛŋɔ Korowii Domadɛɛɡe fa ir Devid nɛɛ dɛ ɡel o baɡle Kristo waa dɛ ŋɔ, ‘N Naa Korowii ŋɔ n Dɔɔ be ŋɔ ó ba so nomombɔr o diɡ ta ka tel kɛŋɔ waa ba o dɔma ne harɛ ásɛ o tiɡri ba nɛ.’

1 Kɔrent 12:3

Anomanta, n dɛ nyin kɛŋɔ he jemɛ ɡɛ waa nɔ kɛrɛdɛ, dɛ́ jemɛ kɛŋɔ nomɛlbwa waa dɛ bol waa Korowii Domadɛɛɡe la kpeɡri ne la, waa won taah Yeesu. Nomɛlbwa ɡe waa dɛ bol ŋɔ Yeesuu ya Dɔɔ la, dɛ Korowii Domadɛɛɡe la kpeɡrii ɡela wɛɛ ŋɔ ɡɛ la.