Matiu 21:3 - mzwDBL

³ Dɛ nomɛl bɔɔ heyaa waane aa, hé ŋɔ naate be ŋɔ he Dɔɔ dɛ nyina. Buɡ la ta, wɛɛ ɡeloo he pura, dɛ́ kpɔa ba.”

Matiu 21:3 Referans Kwoze

We-ɛɛla 17:25

Nɛwɛnyini kondikwaa waa laa o do le, waa nɛwɛnyini komɛlbwa nyin, dɛkalkɛŋɔ on dɛɛ tɛ yaa mkpa ne hweera ne komɛlbwa.

2 Kɔrent 8:9

Kɛ he na ɡɛ ya Dɔɔ Yeesu Kristo aa sune ya nɛɛ dɛ cha yaa kenɛ? He nao kɛŋɔ o fa dɔ kwaa nɔ bwa, dɛ koh he waa dɛ berɛ nya, ásɛ a che o nyae ta he berɛ dɔɔhna.

Amanesoma Jɔn Aa Chwera Tɔn 3:35

Korowii nyin o Bie la taeh, dɛ kpɔ wobɛlbwa kpeɡri do o nɔn ta.

Amanesoma Jɔn Aa Chwera Tɔn 17:2

He tɛ mɛ kpeɡri nɛra bwa nɛ, asɛ n won kpɔ mkpa aa wola jaɡa dɔe tɛ nɛra haa kpɔ ba tɛ mɛ la.

Yela 24:1

Korowiirii dɔ harɛ nɔ ne komɛlbwa aa lɔ o ta, hale nɛwɛnyina bwa sekwara.

Ɛsra 7:27

Ate, sɔfo Ɛsra ŋɔ, “Korowii ya naawa aa tomɔ laanee dɔ jam. Onee ɡela Koojen Atasɛksɛs dɔ liire, dɛ ɡel ba berɛ kwaa ma Korowii Dea waa do ken, dɛ dɔ jirima cheɡ Jerusalam.

Ɛsra 1:5

Asɛ Juda ne Bɛnjamen deene nomonnyuune, ne sɔfore ne Lewi dea tena, dɛ nomɛlbwa Korowii aa ɡela o bambile aa lawa ir, dɛ́ ka berɛ kwaa ma Korowii Dea waa lɔ Jerusalam la.

2 Kɔrent 8:16

Ya dɛ jam Korowii kohona kɛŋɔ waa ɡela Taetos siwi swɛɛ wɛɛ cha heyaa kɛŋɔ ya siwi aa swɛɛ he nɛɛ la.

Ɛsra 1:1

Koojen Saeros baa di kora Pɛɛsea harɛ ta. O kora dii benanyoa beŋkpoŋ ta la, Korowii ɡelɔ waa waa cheɡɛ o keame Jeremia nɛɛ bol la ɛ kpela. O ɡelɔ Koojen Saeros chwerɛ tɔne kaa o harɛ bwa ta.

1 Koranar 17:9

“Ir kaa Sarefat, o bɛne bwɛjen Sidon dɛ́ ka so bela. Luhaah bɛl lɔ bela, n doo ŋɔ wɛɛ tɛɛ kondikwa.”

1 Samoɛl 10:26

Sɔɔl ɡe berɔ kaa Gebea bela waa soɡa. Korowii ɡelɔ laa tena baa kpeɡa sie lɛ o nɛ, asɛ ba teŋɛ o nɛɛ kaa.

Jems 1:17

Komɛlbwa waa wera la le Korowii be. Komɛlbwa waa ɛ kondɛɛɡe la, Korowiirii kpɔa kɛ yaa. Onee ya Mɛɛ waa ta kwaa bwa aa lɔ nyundua dɛɛ chaah harɛ. Gɛ kwaa nɔ dɛ chaah, ane ta ɡe aa chaah, kɛ Korowii te aa beɡre bwa.

Matiu 21:2

dɛ ŋɔ ba be ŋɔ, “Hé la bwɛɛ nɔ waa lɔ he sie nɔ ta. Haa den dɛɛ tel o ta la, hɛɛ nao kɛ baa vɔwɛ keeɡo bɛl ne o bie. Hé pura dɛ́ kpɔa ba tɛ mɛ.

Matiu 21:4

Gɛ waa nɔ chiɡo, asɛ dɛ ɡel waa Korowii keame fa aa bola la ɛ kasinteŋ. O bolɔ ŋɔ,