Matiu 21:25 - mzwDBL

²⁵ Umee tɛ Jɔn o fa aa dɛ sɔ nɛra Korowii nee la kpeɡri o kpɔ dɛɛ sɔ nɛra nee laɔ? Korowiirii tɛo waa, kɛ nɛnee tɛɔ?” Ate, dɛ ba ɡboɡbo berɔ kpoŋe dɔŋa dɛ ŋɔ, “Aah ɛrɛɛ yaa ba o chaŋa ɔ? Ya ŋɔ Korowiirii tɛo waa, wɛɛ berɔɔ pɛɛ yaa ɡɛ aa ɛa yaa wola o waa yaradae.

Matiu 21:25 Referans Kwoze

1 Jɔn 3:20

Dɛ ya liire pa yaa bolchɔɡe aa, Korowii ɡwaa ya liire dɛ jemɛ komɛlbwa.

Amanesoma Jɔn Aa Chwera Tɔn 3:18

Nomɛlbwa waa yarada n waa la, Korowii aa o waa bol á ba ɛ kɛ wɛɛ di bolchɔɡee. Kɛ nomɛlbwa waa wola n waa yaradae la, Korowii pao bolchɔɡe tonɛ, dɛkalkɛŋɔ o ta o Bibeŋkpoŋ la waa yaradae.

Amanesoma Jɔn Aa Chwera Tɔn 1:15

O waa Jɔn faa bol kohona dɛɛ ŋɔ, “Nɛn n fa aa dɛ bol o waa dɛ ŋɔ men tɔ sie o nɛɛ kɛ o ɡwaa mɛ, dɛkalkɛŋɔ o lole mɔɔ ba lol mɛ la, on la.”

Amanesoma Luk Aa Chwera Tɔn 20:5

Waa bɔɔ ba ɡɛ la, dɛ ba ɡbo dɛ tɔŋle dɔŋa ŋɔ, “Ɛrɛɛ yaa ba ŋɔe yɔ? Dɛ ya ŋɔ a le Korowii be naa, wɛɛ bɔɔ yaa waa aa bala ya ta Jɔn yaradae.

Amanesoma Jɔn Aa Chwera Tɔn 1:6

Dɛ baa bɛl lole baa yerɔ Jɔn. Korowiirii tomɔ

Matiu 16:7

Ba ta o sɛɡla la mun noɛ, dɛɛ pɛɛ dɔŋa ŋɔ, “Amɔ yaa wola paanoo kpɔe waa wɛɛ bol ɡɛ naa?”

Matiu 21:24

Anee Yeesu ŋɔ, “N ɡba dɔ waane mɛɛ nyin n pɛɛ heya. Dɛ he wono chaŋ mɛ kɛrɛdɛ naa, n ɡee chaɡle heyaa kpeɡri maa dɔa dɛɛ ɛ a ɡɛ waa nɔɔ.

Matiu 21:26

Dɛ ya berɔ ŋɔ nɛnee tɛo waa, ya dɛ ɔmɛ waa bwɛɛla nɔ aa kpɔ ɛ yaa, dɛkalkɛ ba bwa dɛ yarada kɛŋɔ Jɔn ɛ Korowii keame.”

Amanesoma Luk Aa Chwera Tɔn 14:4

Asɛ ba bwa hel. Anee o lawɛ baa la dɛ chaoh dɛ ɡel o kaa.