Matiu 21:21 - mzwDBL

²¹ Anee Yeesu ŋɔ ba be ŋɔ, “Kasinteŋ, dɛ he dɔ yarada, haa tɔŋla di he bambile bini naa, hɛɛ wonoo ɛ ɡɛ maa ɛa dɛ ɡel daa nɔ sewɛ nɔ. A ɡbo laa. Hɛɛ wonoo kpɔ yarada ŋɔ bwé nɔ chuɡri ka le mpo ta, ásɛ o chuɡri ka le mpo ta.

Matiu 21:21 Referans Kwoze

Jems 1:6

Kɛ hé kpɔ yarada dɛ́ɛ soŋo, dɛ bɛ dɛɛ tɔŋle. Nomɛlbwa waa dɛ soŋe Korowii dɛɛ tɔŋle kɛ o ken aa o konnyinii dɔ la, o ta yarada dɔe. O liire won bera warawara kɛŋɔ peu yon ta dɛɛ beɡre mpo nee dɛɛ kaa bobɛlbwa la.

Matiu 17:20

Anee Yeesu ŋɔ, “He yarada aa wola kanɛ waa. Kasinteŋ, dɛ he yarada fe kan kɛŋɔ sipon ɡba aa, hé fe ɛɛ wonoo ŋɔ bwejen nɔ be ŋɔ ó huɡri kaa bela haa dɛ nyin, ásɛ o kaa. Hé fe ɛɛ wonoo ɛ komɛlbwa.

1 Kɔrent 13:2

Hale n wono che Korowii kpeɡri la ta, dɛɛ bol o waa aa dɛ ba bala kerekere la kɛrɛdɛ, dɛ jemɛ o wesɔɔhla bwa, dɛ dɔ sipila kɛrɛdɛ, dɛ che o kpeɡri la ta, dɛ dɔ yarada dɛ won ŋɔ bwejen be ó chuɡri le o buɡ ta, dɛ kaa bofale asɛ o chuɡri, dɛ maa nɛn nyin aa, dɛ n ta nɛn ɛɛ.

Matiu 8:12

Ásɛ nɛra Korowii Kora la fe aa chɛ ba la, bá kpɔ ba ta biro ta, belaa wii ne weweele do.”

Matiu 21:20

O habɔteŋra la aa na ɡɛ la, ba nyoa kpoo, baa pɛɛ dɔŋa ŋɔ, “Ɛrɛɛ fiɡ daa nɔ den chure warane ken?”

Matiu 14:29

Anee Yeesu ŋɔ, “Ba.” Belaa Pita den le ɡbera bini tu nee sie dɛ valɛ dɛɛ kaa o be.