Matiu 21:14 - mzwDBL

¹⁴ Ba kpɔ nyoŋa ne boobie ba o be Korowii Dea bela, asɛ o chaah ba, nyoŋa la ɛɛ na, boobie la ɡe won vala.

Matiu 21:14 Referans Kwoze

We-ɛɛla 10:38

He jemɛ ɡɛ Korowii aa kpɔ o Domadɛɛɡe ne o kpeɡri tɛ Yeesu waa le Nasarɛt la wa. Dɛ Korowii teŋɛ Yeesu nɛ, asɛ o valɛ dɛɛ ɛ wedɛɛɡa dɛɛ chah nɛra Bɔnsam aa lɔ ba bil la.

Matiu 9:35

Yeesu ɡaaɡe bwɛjena ne anjeɡre bwa ta, dɛ bol Korowii Kora Amanesoma baɡ ba ba cheremi deene, dɛ chah nɛra baa we weela te bɛlbwa soo siwi.

Matiu 4:23

Yeesu ɡaaɡe Galilia harɛ ta bobɛlbwa, dɛ jo cheremi deene bini, dɛɛ chaɡle nɛra Korowii Kora la Amanesoma wa, dɛɛ chah nɛra baa dɛ we weela bwa soo siwi.

Aesaya 35:5

O balaa, nyoŋa sie ɛɛ piluu bá na bɔr, ásɛ amumure ɡe no wa.

Matiu 21:15

Sɔfonomonome ne Tɔnjerema la aa na wejena waa dɛ ɛ la ne ɡɛ bechale la aa dɛ si ŋɔ, “Woowo! Devid Naa hen” la, ba baah di o nɛ.