Matiu 21:10 - mzwDBL

¹⁰ Yeesu aa jo Jerusalam la, bwɛjen la bwa lɔɔ kpu, asɛ ba bwa ɛɛ pɛɛ dɔŋa ŋɔ, “Nɛn besoo nɔɔ?”

Matiu 21:10 Referans Kwoze

We-ɛɛla 9:5

Asɛ Sɔɔl ŋɔ, “Henee umeo, n Dɔɔ?” Asɛ naate ŋɔ, “Menee Yeesu la haa dɛ yoo mɛ la.

Amanesoma Luk Aa Chwera Tɔn 9:9

Anee Kooro Hɛrɔd ŋɔ, “Jɔn te, n ɡelɔ ba teŋe o nyu, aah nɛn besoo ɡe waa mɛɛ no ken nɔɔ?” Asɛ dɛ swɛɛ siwi kɛŋɔ wɛɛ na Yeesuu.

Amanesoma Luk Aa Chwera Tɔn 7:49

Waa ŋɔ ɡɛ la, anee nɛra baa soɡe tiɡ ta bela dɛ ja o nɛɛ la ɛɛ lii ba nyu bini ŋɔ, “Nɛn besoo baa nɔ o kpɔ wechɔɡa dɛɛ kɛ nɛra nɔɔ?”

Amanesoma Luk Aa Chwera Tɔn 5:21

Asɛ Tɔnjerema la ne Farisii tena baa soɡe bela la lii ba nyu bini ŋɔ, “Ɛrɛɛ o do dɛɛ bol nɛnhɛlwaa ɡɛ nɔɔ? Dɛ Korowii laa aa, umee dɛ́ won kpɔ nɛn wechɔɡa kɛo wɔ?”

Aesaya 63:1

“Umee le bwɛjen Bosra waa lɔ Edom harɛ ta dɛɛ ba nɔɔ? Umee ka dɛ ba dɛ tɔ yaswɛɛma dɛɛ ba kpeɡri ne bokpeɡa ta ken?” Anee Korowii ŋɔ, “Menee, n dɔ kpeɡri dɛ́ won lɛ heya n dɛ ba dɛ́ ba bol yoi maa yoa dɛ pɔ wechɔɡa nɛɛ wa.”

Yelsom 3:6

Bɔkwaa le pua hɛŋle ɡbo harɛ ta, dɛ le chuu dɛɛ kaa nyundua a sɔɔh do som, kɛŋɔ daawiile ne korobo bonadiire aa dɛ yoɡa nɔɔ?

1 Samoɛl 16:4

Samoɛl ɛ ɡɛ Korowii aa baɡlo la bwa. Waa tel bwɛjen Bɛtlɛham la, bwɛɛ la nomonome ɔmɔ, dɛ kpɔ bochechela ka chemo dɛɛ bɔɔro ŋɔ, “Deŋnesɔɔhna nee he ba tenaa?”

Rut Tɔn 1:19

Anomanta, haahna banɛ nɔ valɔ dɛ ba tel Bɛtlɛham, asɛ bwɛɛ la tena bwa lɔ kpu dɛɛ pɛɛ ŋɔ, “Naomii nɔ tenaa?”

Amanesoma Jɔn Aa Chwera Tɔn 2:18

Belaa Juu tena nomonome la ŋɔ o be ŋɔ, “Bɔkwa nyokpowaa hɛɛ ba wona ɛ dɛ́ chaɡle kɛŋɔ he dɔ ŋwɛnɛ dɛ́ won ɛ a ɡɛ waa nɔɔ?”

Amanesoma Luk Aa Chwera Tɔn 20:2

dɛ ba bɔɔro ŋɔ, “Umee tɛɛ ŋwɛnɛ ŋɔ hé ɛ ɡɛ waa nɔ haa dɛ ɛ nɔɔ? Umee tɛɛ kpeɡri kwaraa te nɔ?”

Matiu 2:3

Kooro Hɛrɔd ne Jerusalam tena bwa aa no ɡɛ kooro nɔ waa la, ɔmee laɡ ba.

Matiu 21:9

Nɛra baa tɔ o sie la ne banɔ la baa teŋɛ o nɛɛ la bwa pɛ nyoa dɛɛ tɛo jirima ŋɔ, “Woowo! Devid Naa nɔ! Korowii swee naate waa valɛ o sɔn ta dɛɛ ba nɔ andɛɛɡa. Ya dɛ jam Korowii waa lɔ nyundujaɡla la!”

Matiu 21:11

Anee nɛnlaa la ŋɔ, “Korowii keamee. Yeesu waa le Nasarɛt waa lɔ Galilia harɛ ta laanee.”