Matiu 20:30 - mzwDBL

³⁰ Dɛ nyoŋa banɛ bane soɡe ŋwɛnɛ nyoa dɛ no Yeesu ɡbɔɡa kɛ waa dɛ kaa, asɛ ba kpɔ takpeɡ dɛɛ yerɔ ŋɔ, “N Dɔɔ, Devid Naa, na ya sum!”

Matiu 20:30 Referans Kwoze

Amanesoma Mak Aa Chwera Tɔn 10:46

Ba ba bwɛjen Jeriko, asɛ Yeesu ne o habɔteŋra la ne nɛnlaa bane aa le bela dɛɛ kaa la, dɛ Temeos binyoŋe Baatemeos o yon dɛɛ soŋe kwaa saŋ bɛlbwa la soɡe ŋwɛnɛ la keŋkeŋ.

Matiu 22:42

“Ɛrɛɛ hɛɛ lii Kristo la Korowii aa baɡɛ nyoa ŋɔ wɛɛ tomɔɔ ó ba lɛ yaa laɔ? He dɛ lii kɛ ume naa yɔ?” Anee ba ŋɔ, “Devid naa.”

Matiu 21:14

Ba kpɔ nyoŋa ne boobie ba o be Korowii Dea bela, asɛ o chaah ba, nyoŋa la ɛɛ na, boobie la ɡe won vala.

Matiu 21:9

Nɛra baa tɔ o sie la ne banɔ la baa teŋɛ o nɛɛ la bwa pɛ nyoa dɛɛ tɛo jirima ŋɔ, “Woowo! Devid Naa nɔ! Korowii swee naate waa valɛ o sɔn ta dɛɛ ba nɔ andɛɛɡa. Ya dɛ jam Korowii waa lɔ nyundujaɡla la!”

We-ɛɛla 2:30

Kɛ o ɛ Korowii keame, dɛ berɛ jemɛ nyoa Korowii aa ŋwɛɛ ntam baɡɛ ŋɔ wɛɛ ɡeloo Devid naa bɛl ba di o kara la.

Amanesoma Luk Aa Chwera Tɔn 7:21

A ɡɛ saŋ la dɛ Yeesu chah weela tena taeh, dɛ doŋi kwaa aa dɛ ir nɛra nɛ a le ba nɛ, asɛ dɛ ɡel nyoŋa ɡee na bɔr.

Amanesoma Luk Aa Chwera Tɔn 4:18

“Korowii Domadɛɛɡe la ir n nɛ, dɛ lee mɛ ŋɔ ń ba bol Amanesoma baɡle nyaara, dɛ́ ŋɔ nɛra baa laɡ ba yoma, ne nɛra baa do ba dea be ŋɔ ba Lɛɛ balɔ, dɛ́ ɡel nyoŋa sibie pili ba won dɛɛ na, dɛ́ lɛ nɛra baa dɛ ɛɛ ba hɔhɔrɔwa la le ba dɔma nɔn ta,

Matiu 15:22

Haah bɛl waa ɛ Keenan te dɛ do bela ba Yeesu be dɛ ba kpɔ takpeɡ ŋɔ, “Devid Naa Yeesu, na n sum! Nomoa, kwaa dɛ ir n bihaah nɛɛ dɛɛ fiiɡu, a do kpeɡri.”

Aesaya 59:10

dɛɛ laɡre bɔr bobɛlbwa, kɛŋɔ nyoŋa aa dɛ ɡaaɡe. Ya won naa lɔe webaŋa kɛŋɔ jwaana, weera bini la, ya do kɛŋɔ nɛra baa serewa.

Aesaya 42:18

Korowii ŋɔ, “Hé nɛra haa taŋ deŋna, hé no! Nyoŋa ɡe, hé nyiŋi dɛ́ na!

Aesaya 42:16

Mɛɛ tɔ nyoŋa siee, dɛ́ kpɔ ba kpɔ ŋwɛnɛre baa wola a ta jemɛ ta. Mɛɛ ɡeloo biro baa lɔ o ta la berɛ bochaah dɛ́ tɛɛ ba, dɛ́ kwaa ŋwɛnɛre aa wola were a chɔ harɛ. Waa nɔɔ mɛɛ ba ɛɛ tɛɛ ba, maa ban ta.

Aesaya 29:18

Gɛ saŋ la, amumure ɛɛ noo kɛŋɔ baa dɛ kure tɔn, ásɛ nyoŋa baa soɡe biro ta la won dɛɛ na.

Yela 146:8

dɛ ɡel nyoŋa berɛ dɛɛ na. O lawɛ nɛra baa chola dɛɛ ir, o dɛ nyin nɛra ba wa aa toɡra wa.

Matiu 13:4

Waa dɛ merɛ mea la, ane lee ŋwɛnɛ nyoa, asɛ jumbii ba tɔɔ di.

Matiu 20:31

Dɛ nɛnlaa la dɛ kah ba ŋɔ bá tɔ nyoa. Kɛ dɛ namee ba taa dooɡe lɔŋɔre kohona dɛɛ yerɛ, “N Dɔɔ, Devid Naa, na ya sum!”