Matiu 20:22 - mzwDBL

²² Anee Yeesu ŋɔ bii la be ŋɔ, “Haa waa haa dɛ soŋe nɔ mun jemɛ. Hɛɛ wonoo nyɔ n tɛɡkpela nɔ maa dɛ ba nyɔe nɔ ane aa?” Anee ba sɛh ŋɔ, “Yaa wonoo.”

Matiu 20:22 Referans Kwoze

Amanesoma Luk Aa Chwera Tɔn 22:42

dɛ ŋɔ, “N Mɛɛ, hɛɛ sɛoh waa, bɛ ɡel n na a ɡɛ wahala haa ŋɔa ń na nɔ. Kɛ ɛ he tetoora dɛ́ ɡel n tetoora.”

Matiu 26:42

Yeesu berɔ ka soŋe Korowii ja dɛ ŋɔ, “N Mɛɛ, dɛ nae chɛ kɛŋɔ ń na ɡɛ wahala nɔ, ásɛ he laa kpɔ n nɛɛ aa wola maɡre aa, ɛa ɡɛ aa too he tea.”

Amanesoma Jɔn Aa Chwera Tɔn 18:11

Pita aa ɛ ɡɛ la, Yeesu ŋɔ o be ŋɔ, “Kpɔ kere la su o tɔɔ ta! N bɛ wahala n Mɛɛ aa cheɡa ŋɔ ń na la na kɛɛ?”

Amanesoma Mak Aa Chwera Tɔn 14:36

Dɛ berɛ soŋo ja ŋɔ, “N Mɛɛ, wobɛlbwa toole haa wola won ɛ. N poori, bɛ ɡel n na a ɡɛ wahala nɔ, kɛ ɛ he tetoowaa dɛ ɡel n tetoowa.”

Matiu 26:39

Yeesu la sie tama dɛ ka kpɔ sie pi harɛ dɛ soŋe Korowii ŋɔ, “N Mɛɛ, dɛ a fe ɛɛ maɡroo waa, he bɛ ɡel a ɡɛ wahala nɔ ba n nɛ. Kɛ anla aa too n tea laa mɛɛ nyin, kɛ ɛ he tetoowa.”

Tɔn Pɔɔl Aa Chwerɛ Rom Tena 8:26

Gɛ ya hwɛɡa yaa dɔa la aa lawɛ yaa ya wahala bwa bini la, ɡɛɛ Korowii Domadɛɛɡe ɡee cha yaa, dɛkalkɛŋɔ ya yarada aa kanɛ. Yaa jemɛ ɡɛ aa chɛ kɛ yaa soŋe Korowii kwara. Korowii Domadɛɛɡe soŋɔ dɛɛ tɛ yaa sum ne, nɛn aa wola won baɡle kwara.

Aesaya 51:22

Nemenɛ Korowii haa dɛ tomɔ wɛɛ che he habɔɔ la ŋɔ, “Hé na, n lɛ n danana nee numol haa nyɔ o bini sen dɛɛ la le he nɔn ta. Haa anee nyɔ kpa bwa.

Jems 4:3

He dɛ soŋo, kɛ haa dɔ, dɛkalkɛŋɔ liire haa cheɡɛ a ta dɛɛ soŋo la aa were. He ɡboɡbo konnyina ne kwaa haa dɛ pɛlɛ a nɛɛ waa hɛɛ soŋo.

Amanesoma Luk Aa Chwera Tɔn 12:50

Wahala ane chɔ n sie a chɛ kɛŋɔ bá do mɛ a ta kɛŋɔ ba dɛ sɔ nɛn Korowii ne aa, ba yon doo nee ta la. Dɛ n ta a ɡɛ wahala la nae tonaa, n bambile ta men sɔɔhnɛ.

Jeremia 49:12

Waa Korowii aa dɛ bol laanee nɔ. “Dɛ nɛra baa wola chɛɛ kɛŋɔ ń tɛr ba deŋne nyɔ n danana nee aa, ɛrɛɛ maa wola won tɛr he deŋne ɔ? Haa won le deŋnetɛra la nyoa, a chɛ kɛ hé nyɔ n danana ne.

Matiu 26:56

Anɔ bwa ɛo ásɛ waa Korowii keamere la aa chwera Korowii Tɔn bini la ɛ kpela.” Belaa Yeesu habɔteŋra la bwa chwa peɡre a kao.

Sɛɡla 16:18

Mbarafo dɛ ba chɔɡa ne, asɛ maŋkurae ɡe ɛɛ ba harɛ lɔe ne.

Yela 75:3

Dɛ harɛ jiɡro Korowii kontaala bwa ɛɛ chel aa, mɛɛ ɡeloo kwaa aa lawɔ kpoŋe la che kiŋkiŋ.

Matiu 26:35

Anee Pita ŋɔ, “Dɛ seo kwaraa yaa, n ne hɛɛ sewɔɔ, kɛ maa tɔh ŋɔ maa hen jemɛ bwa.” Asɛ Yeesu habɔteŋra baa jaa la bwa ɡe bol ɡɛ.

Aesaya 51:17

Jerusalam tena, hé ir nyu ne, hé ir! He nyɔ Korowii danana nee a nyoa aa kpeɡa kɛŋɔ sen la, he nyɔ a bwa kwaraa dɛ dɛɛ, dɛɛ yɛɛɡe.