Matiu 20:15 - mzwDBL

¹⁵ N ta ŋwɛnɛ dɔe kɛ ń kpɔ n ɡbaɡba suuɡa ɛ ɡɛ aa too n tea a? Kɛɛ ɡɛ maa ta tea dɛ ɛ laanee dɛɛ we he nɛ?’ ”

Matiu 20:15 Referans Kwoze

Mmarare 15:9

Dɛ benanyoa nɛn aa di he kem he ɡel a ta la dɛ tel, asɛ nomɛl ba dɛ ba kemɛ suuɡa he be naa, bɛ koh kɛŋɔ ɡɛ tɔpere la dɛ tel dɛ́ vɔmɔ. Bɛ ɡel ɡɛ liichɔɡa nɔ ba he nyu bini, ásɛ o bɛ ba wi no Korowii ta he nɛ, á ba ɛ wechɔɡa tɛɛ.

Amanesoma Mak Aa Chwera Tɔn 7:22

ne dɔŋa haahna nyina ne kwaa ta sibeɡra, ne musu wa ne nɛra faahra, ne pɛlchɔɡa we-ɛɛla ne kayɛɡlɛ, ne dɔŋa ŋwala ne karamani wa dɛ liire bɛ dɔe, bambile binii a le.

Matiu 6:23

Dɛ a chɔɡɔ ɡe aa, amɔ dɛ he lɔ biro ta. Gɛɛ a do, dɛ he sie beɡre Korowii waa ta naa, dɛ he wobɛlbwa chaahnɔ. Kɛ dɛ he sie beɡre harɛ nɔ ta kwaa ta naa, he lɔ biro tenten ta.”

Amanesoma Jɔn Aa Chwera Tɔn 17:2

He tɛ mɛ kpeɡri nɛra bwa nɛ, asɛ n won kpɔ mkpa aa wola jaɡa dɔe tɛ nɛra haa kpɔ ba tɛ mɛ la.

Ɛfesos 2:1

He fa do kɛŋɔ he sewɔ Korowii be. He wechɔɡaa ɡela he beɡre ɡɛ.

Ɛfesos 1:11

Ya ne Yeesu Kristo aa baa ɛ beŋkpoŋ la waa o le yaa tɛ o te. Korowii o yon dɛɛ cheɡ ɡɛ wobɛlbwa aa dɛ ba ɛɛ asɛ a yon ɛ ɡɛ waa dɛ nyin la, on fela le yaa tɛ o te

1 Kɔrent 4:7

Umee ŋɔ he be ŋɔ he ɡwaa bane ɔ? Wobɛlbwa haa jema la, Korowiirii tɛɛ. Bɛ nyoa dɛɛ ta a do kɛŋɔ Korowii laa kpɔ waa haa jema la kɛɛ.

We-ɛɛla 13:45

Juu tena la aa na nɛra baa wola Juu tena ɛɛ la aa wara kohona la, a ɛɛ ba bɔweela taeh, asɛ baa tɔŋle Pɔɔl ne Banabas dɛɛ ɛɛ ba nɛnhɛla.

Matiu 11:25

Belaa Yeesu kpɛɛ Korowii ŋɔ, “N Mɛɛ, nyundua ne harɛ bwa Dɔɔ! N dɛ jaame kɛ haa kpɔ he waa nɔ sɔh sipila tena ne wejerema, dɛ kpɔ baɡle nɛra baa wola wobɛlbwa jemɛ nɔ.

Sɛɡla 28:22

Nɛn o siwi aa dɛ beɡre kwaa dɔe ta la, waa saŋ nyae aa ba o nɛɛ la te lii.

Sɛɡla 23:6

Bɛ nɛn o tea bini aa kpela kondikwaa ba di bwa, bɛ ɡel he pɛla do o kondikondɛɛɡa ta.

Mmarare 28:54

Ásɛ nɛn waa jemɛ waa dɛ do pwɛre aa tedomaa dɔ tɛ o ɡbaɡba nime, kɛɛ o dɔɔ kɛɛ o haah kɛɛ o bii baa kaa.

Kaala 33:19

Korowii ŋɔ, “Mɛɛ ɡeloo he na n wedɛɛɡa ne n jerema bwa, ásɛ n yerɛ n sɔndɛɛɡe maa dɔa la he be kɛŋɔ menee Korowii. Mɛɛ na nɛra maa dɛ nyin kɛ n na ba sum la sumii, dɛ́ dɔ tedoma tɛ banɔ la maa dɛ nyin ɡe.

Jems 5:9

Yabala, he bɛ dɔŋa waa dɛɛ naɡre ásɛ dɛ ba di bolchɔɡe Korowii sie. Ya bole pae dɛ tel.

Jems 1:18

O ɡbaɡba tetooraa ya dɔ o waa aa ɛ kasinteŋ la dɛɛ no, dɛ che a ta ɛ o bii, ásɛ dɛ su o siwi kwaa waa taa la bwa bini.

Ɛfesos 2:5

o ir yaa seo la ya wechɔɡa nomanta yaa sewa la ta, dɛ berɛ koh pɛɛ ya ne Yeesu Kristo aa pɛa la waa dɛ tɛ yaa mkpafale. Korowii suna waa sune he nɛɛ la taa a che dɛ lɛ heya.

Jeremia 18:6

“Israel tena, maa won ɛ heyaa kɛŋɔ mamaa nɔ aa ɛa nɔ naa? Gɛ choh yon do mamaa nɔn ta la, ɡɛɛ he Israel tena ɡe do n nɔn ta.

Matiu 20:14

Hé kpɔ he suuɡa le n sie kaa. Men dɛɛ nyin dɛ bɔ he bwa kem kɛrɛdɛ.