Matiu 2:3 - mzwDBL

³ Kooro Hɛrɔd ne Jerusalam tena bwa aa no ɡɛ kooro nɔ waa la, ɔmee laɡ ba.

Matiu 2:3 Referans Kwoze

Matiu 23:37

Oo, Jerusalam tena! Korowii tomɛ o keamere he be naa, ɡɛɛ he kpoo ba, o tomɛ toroma he be naa, ɡɛɛ he foɡ ba bwea. Saŋ bɛlbwaa mɛɛ nyin kɛ ń kpɔ nɔn tɔ he nɛɛ kɛ jal aa lawɛ o bii dɛɛ do o kena lɔɡre la, kɛ haa nyin kɛ ń lawɛ heyaa pɛ.

Matiu 8:29

Baa chemo la, ba den kpɔ takpeɡ ŋɔ, “Bɔkwaa hɛɛ nyin ya be nɔ, Korowii Bie? He dɛ ba ba do yaa weweele mɔɔ ya weweele nae saŋ la tel kɛɛ?”

We-ɛɛla 4:2

Ba baah diu kɛŋɔ Pita ne Jɔn aa dɛ bol nɛra la be ŋɔ Yeesu ir seo ta la. A ɡɛ la baɡlɔ kɛŋɔ serewa ɛɛ ba ir seo taa.

Matiu 2:2

dɛ ba bɔɔ bela tena ŋɔ, “Leperaa Juu tena kooro baa lolɔ taraken la dɔɔ? Ya na wewee bɛl wee leebɔr ya bwɛɛ o baɡle kɛŋɔ ba lolɔ. Anee ya ba dɛ́ ba duuru.”

Matiu 2:4

Anomanta, kooro la yerɛ Sɔfonomonome ne Tɔnjerema la bwa ba cheme o sie dɛ bɔɔ ba ŋɔ, “Leperaa baa ba Kristo la Korowii aa ŋɔa ŋɔ wɛɛ tomɔɔ ó ba lɛ yaa la lola ɔ?”

Matiu 24:6

Hɛ́ɛ no laa ɡbɔɡaa he jwɛh, ásɛ dɛɛ no ane ɡe ɡbɔɡa bojaŋa. Kɛ dɛ he ba dɛ na ɡɛ naa, he bɛ ɔmɛ. A chɛ kɛ ɡɛ waa nɔ bwa chiɡ, kɛ dɛ a laa dɛɛ chaɡle kɛ waa bwa jaɡa saŋ la telo.

Amanesoma Mak Aa Chwera Tɔn 13:7

Dɛ he baa no laa yoi waa ne laa ɡbɔɡa bobɛlbwa ɡe aa, he bɛ ɡel a ɛ heyaa wepiɡra, dɛkalkɛŋɔ a chɛ kɛŋɔ á ɛ ɡɛ. A ɡɛ waa nɔ bwa chɛ kɛŋɔ á chiɡ, dɛ wobɛlbwa jaɡa la ta tele mɔɔ.

2 Koranar 6:11

Siiria kooro baa na waa aa dɛ chiɡ, asɛ o baah di kohona o yerɛ o laa nomonome cheme dɛ bɔɔ ba ŋɔ, “He bini umee kpɔ ya waa kaa taa Israel kooro be nɔ?”