Matiu 19:9 - mzwDBL

⁹ Nomɛlbwa waa vɛh o haah la, dɛ baala laa haah la nyin mɔɔ o vɛoh, dɛ ka mo hanfale aa, dɛ o ɛ o haah la wechɔɡa dɛ bɔ jwamane.”

Matiu 19:9 Referans Kwoze

Matiu 5:32

Kɛ taraken te, n ŋɔ baa bɛlbwa o haah naa wola baala nyine, asɛ o vɛoh la, o di bolchɔɡe, dɛkalkɛ o ɡelɔ haah la bɔ jwamane. Asɛ naate ɡe waa bera ka mo haah la baa vɛoh la, o ɡe bɔ jwamane.”

Amanesoma Luk Aa Chwera Tɔn 16:18

Nomɛlbwa waa vɛh o haah dɛ berɛ ka mo hanfale la, o ɛ wechɔɡa dɛ bɔ jwamane, asɛ nomɛlbwa ɡe waa mo haah o jaa aa vɛoh la, o ɡe bɔ jwamane.”

1 Kɔrent 7:39

Dɛ haah yalɔ, o jaa ta do le naa, baa laanee dɔ haah la kpeɡri. Kɛ dɛ baa la sewaa, o ta haah la kpeɡri dɔe kpa. Haah la won kaala, dɛ́ ka yalɛ baa waa dɛ nyinu ja. Kɛ o bɛ baa waa wola asɔre te ɛɛ yalɛ.

1 Kɔrent 5:1

N dɛ no kɛ he bini bane dɛ bɔ jwamane aa wola were, hale nɛra baa wola Korowii tomɛ kwara aa wola ɡɛɛ ɛ. Ba ŋɔ he bini bɛl lawɛ o mɛɛ haah kwaraa dɛɛ chɔ.

Jeremia 3:8

Israel jwamane la nomanta, n vɛoh dɛ tao ŋwɛnɛ o kaa. Kɛ Juda ta ɔmɛ, dɛ ɡe kaa bɔ jwamane.

Mumpar 20:3

Jwaana bɛl, Korowii ba o be deera ta, dɛ ba ŋɔ o be ŋɔ, “Na! Haah la haa kpɔɔ nomanta, hɛɛ sewɔɔ, dɛkalkɛ nomɛl haahnee.”

Ɛsekeɛl 16:29

He teŋɔ kpɔ he jwamanwe-ɛɛla la kaa Babelɔn tena harɛ ta ɡe. Ba bwa ɛ bonadiire, hale anɔ bwa habɔɔ a ta he ne maɡrɛ.’ ”

Ɛsekeɛl 16:15

Kɛ he teŋɛ he wer kohona ne he nyanyini ta dɛɛ bɔ jwamane. Nomɛlbwa teŋo baa kaa dɛ he ne o kaa chɔ.

Jeremia 3:1

Korowii ŋɔ, “Dɛ baa vɛh o haah asɛ haah la ka yalɛ banfale aa, baa la aa won ka kpɔɔ ba o dea kpa. Gɛ waa nɔ ɛɛ won kpɔ harɛchɔɡ tenten ba. Gɛ tentenee he teŋɛ voɡare nɛɛ kohona kɛŋɔ hanjwamane aa dɛ teŋɛ baala nɛ. He dɛ nyin he berɛ ba n be naa?

1 Kɔrent 7:4

Haah ta o bwadabii kpeɡri dɔe chɔe bɔr, o jaaree dɔ kpeɡri. Gɛɛ baa ɡe aa wola o bwadabii kpeɡri dɔe, o haahnee dɔ kpeɡri.

Ɛsekeɛl 16:8

A habɔɔ n berɔ fɛrɛ ba kaa, dɛ na kɛŋɔ namete he kpeɡo kohona kɛŋɔ he yalɛ, asɛ n paɡri n yal nyoa tɔ he nɛ, he ta mumɡbal cheɡɛ kpa. N ŋwɛɛrɔ baɡle asɛ n ne he fɔwɛ fɔo he berɛ n haah. Men Nemenɛ Korowiirii bola.

2 Webena 21:11

Hale o kwaa bɔra Juda harɛ deŋɡarere ta baa tomɛ voɡa, a che a ta Juda ne Jerusalam tena ɛ wechɔɡa, dɛ jo Korowii nɛ.

Matiu 19:8

Yeesu chaŋ ba ŋɔ, “He bambikpeɡ waa Mosis tɛ heyaa ŋwɛnɛ ŋɔ hé chwerɛ tɔn tɛ he haah dɛ́ vɛoh la. Gɛ laa a faa do wubwa.

Matiu 19:10

Anee o habɔteŋra la ŋɔ o be ŋɔ, “Dɛ kenii waa nɔ chɔ tɛ baa o haah moe ta te naa, amɔ te a wer kɛ baa bɛ haah mo, ásɛ haah ɡe bɛ yalɛ kwara.”