Matiu 19:7 - mzwDBL

⁷ Anee ba pɛɛro ŋɔ, “Aah ɛrɛ waa Mosis Mmara la tɛ yaa ŋwɛnɛ ŋɔ dɛ baa dɛ ba o haah vɛɛh yaa, ó chwerɛ tɔn tɛo dɛ́ baɡle kɛ o vɛoh nɔɔ?”

Matiu 19:7 Referans Kwoze

Matiu 5:31

Ba fa ŋɔ nomɛlbwa dɛ ba o haah vɛɛh yaa, ó chwerɛ tɔn tɛo dɛ́ vɛoh.

Amanesoma Mak Aa Chwera Tɔn 10:4

Asɛ ba ŋɔ, “Mosis tɛ ŋwɛnɛ kɛŋɔ baa chwerɛ tɔn dɛ́ baɡle kɛŋɔ o vɛh o haah, dɛ́ vɛoh.”

Malakae 2:16

Koranar Bwa Kooro, Israel tena aa dɛ tomɔ la ŋɔ, “N kii kɛ baa ne o haah vɛh dɔŋa. N kii baa bɛlbwa waa ɛ nyubinikpeɡ waa nɔ dɔŋa o haah nɛ. Anomanta, bɛlbwa nyiŋi o te kɛrɛdɛ, ásɛ dɛ bɛ nyobaɡa aa lɔ o ne o haah baah la chɔɡ dɛɛ di kasinteŋ. Men Nemenɛ Korowiirii bola.”

Matiu 1:19

Dɛ o jaa Josef la ɛ nɛndɛɛɡe o wa ɛɛ su Korowii siwi. Dɛ o fe aa nyin kɛŋɔ ó do Mɛɛre sihiih nɛnfuuh baah ta, dɛ fe ɛɛ nyin kɛŋɔ ó sɔh dɛ́ vɛoh.

Jeremia 3:8

Israel jwamane la nomanta, n vɛoh dɛ tao ŋwɛnɛ o kaa. Kɛ Juda ta ɔmɛ, dɛ ɡe kaa bɔ jwamane.

Aesaya 50:1

Korowii ŋɔ, “He dɛ lii kɛŋɔ doŋaa n doŋi n nɛra ta, kɛŋɔ baa aa vɛh o haah la kɛɛ? Dɛ ɡɛɛ yaa, leperaa tɔn maa chwera a baɡle kɛŋɔ n vɛoh la dɔɔ? He dɛ lii kɛŋɔ, baa lawɛ heyaa laa ta kaa bojaŋ harɛre ta la, yoɡaa n yoɡ heyaa kɛ yoma kɛɛ? Hé no, he wechɔɡa waa a ba ɡɛ, a do kɛŋɔ n vɛh heyaa la.

Matiu 19:6

Anomanta, baa nɛra banɛ ɛɛ ba kpa, ba pɛo ɛ beŋkpoŋ. Dɛ Korowii lawɛ nɛra banɛ pɛ aa, ŋwɛnɛ toole kɛŋɔ nɛn berɛ pere ba baah kpa.”

Matiu 19:8

Yeesu chaŋ ba ŋɔ, “He bambikpeɡ waa Mosis tɛ heyaa ŋwɛnɛ ŋɔ hé chwerɛ tɔn tɛ he haah dɛ́ vɛoh la. Gɛ laa a faa do wubwa.