Matiu 18:3 - mzwDBL

³ asɛ dɛ ŋɔ, “Kasinteŋ, he ta he liire charɛ dɛ do kɛŋɔ bechajeɡre aa, haa won ja Korowii Kora la ta bwa.

Matiu 18:3 Referans Kwoze

1 Pita 2:2

Hé ɡel he siwi swɛɛ Korowii Waa la noe ta kɛŋɔ bechasɔɔhne siwi yon swɛɛ elnee ta la, a che a ta he won kpeɡ he lɛɛ waa la ta.

Matiu 19:14

Anee Yeesu ŋɔ, “He bɛ bechale la ŋwɛnɛ tɔ. Hé ɡel ba ba n be, dɛkalkɛ banɔ dɔŋa nɔɔ Korowii Kora koobii la.”

1 Kɔrent 14:20

Yabala, hé ɡel bechaliire. A chɛ kɛŋɔ hé dɔ nomonliire. Wechɔɡa ɛɛ te, hé ɛ he te bechasɔɔhne a bɔr. He bɛ ɡel he liire kpeɡ wechɔɡa ɛɛ ta.

Yela 131:2

N liire ba harɛ n deŋne sɔɔh mɛ. Gɛ bechala yon dawɛ o nya nakpale ta jeiih o bwara sɔɔhno la, ɡɛɛ n bwara sɔɔh mɛ.

Amanesoma Jɔn Aa Chwera Tɔn 3:5

Asɛ Yeesu ŋɔ, “Kasinteŋ, n dɛ ŋɔ he be, dɛ ba ta nomɛlbwa lolɛ nee ne Korowii Domadɛɛɡe ne naa, waa Korowii Kora ta jae ba.

Amanesoma Jɔn Aa Chwera Tɔn 3:3

Belaa Yeesu chaŋo ŋɔ, “Kasinteŋ, n dɛ ŋɔ he be, nomɛlbwa waa dɛ nyin Korowii Kora la ta dɛ́ ja la, nemenɛ bá berɛ lolɔ ja.”

Amanesoma Luk Aa Chwera Tɔn 13:24

“Hé takapɔ dɛ́ kpɔ doonyoa waa do feelɔɔ o ta joe do kpeɡri la ta, dɛ́ jo ka ja Korowii Kora la ta, dɛkalkɛŋɔ nɛra ɛɛ warɔɔ dɛ́ɛ nyin dɛ́ jo bela, kɛ baa won dɔ bɔr jo.

We-ɛɛla 3:19

Anomanta, hé charɛ he liire le he wechɔɡa ta dɛ́ kpɔ he te tɛ Korowii ásɛ o kpɔ he wechɔɡa kɛ heya, dɛɛ tɛ heyaa bambisɔɔhna, dɛɛ do heyaa ɡbemba.

We-ɛɛla 28:27

Dɛkalkɛŋɔ nɛra nɔ bambile kpeɡri, ba kpɔ nɔɔra tɔɔɡe deŋna, dɛ tɔɔɡe ba sibie ɡe. A waa laa aa, ba sie fe ɛɛ nao, ásɛ ba deŋna no, ásɛ ba jemɛ a mun, dɛ́ charɛ ba liire ásɛ n lɛɛ ba.” ’ ”

Amanesoma Jɔn Aa Chwera Tɔn 1:51

Yeesu ŋɔ ba be ŋɔ, “Kasinteŋ, n dɛ ŋɔ he be, hɛɛ nao nyundua aa pila, ásɛ nyundua toroma che bela tu dɛɛ ba Men Nɛn Bie be, dɛ berɛ teeh dɛɛ kaa.”

Matiu 5:20

Kasinteŋ, n dɛ ŋɔ he be, dɛ he wedɛɛɡa ɛɛ ta Tɔnjerema ne Farisii tena wedɛɛɡa ɛɛ ɡwaalaa, haa won ja Korowii Kora ta ŋwɛnɛ bɛlbwa ta.

Amanesoma Luk Aa Chwera Tɔn 22:32

Kɛ n soŋe Korowii tɛɛ ásɛ he yarada nyoa bɛ sɔɔh. Dɛ he berɔ berɛ he liire ba n be naa, hé lawɛ he bala la bá do wɔrɔbe.”

Amanesoma Mak Aa Chwera Tɔn 4:12

ásɛ a ɛ ɡɛ baa chwera ŋɔ, ‘Baa nyiŋuu kohona, kɛ baa a mun jema ba baa noo kohona, kɛ baa a jema ba, dɛkalkɛ baa ba liire chara ba bwa, ásɛ Korowii kpɔ ba wechɔɡa kɛ ba.’ ”

2 Pita 1:11

He dɛ ɛ ken nɔ naa, Korowii ɛɛ tɛ heyaa ŋwɛnɛ kohonaa, ásɛ he ja ya Dɔɔ waa ɛ ya Lɛɛ Yeesu Kristo Kora waa wola jaɡa dɔe la ta.

We-ɛɛla 14:22

Pɔɔlwa do ɡɛ bwɛɛre nɔ asɔre tena la ɡbemba ŋɔ báa teŋɛ Yeesu ŋwɛnɛ la ta kɛrɛdɛ dɛ bɛ ba nyoɡre, dɛ ŋɔ a chɛ kɛ nomɛlbwa na wahala kohona mɔɔ dɛ dɔ Korowii Kora la bini jo.

Matiu 19:23

Anee Yeesu ŋɔ o habɔteŋra la be ŋɔ, “Kasinteŋ, n dɛ ŋɔ he be, aa do kpeɡrii tɛ dɔɔh kɛ ó dɔ bɔr ja Korowii Kora la ta.

Matiu 13:15

dɛkalkɛ ba bambile kpeɡri, ba kpɔ nɔɔra tɔɔɡe deŋna, dɛ tɔɔɡe ba sibie ɡe. A waa laa aa, ba sie fe ɛɛ nao, ásɛ ba deŋna no, ásɛ ba jemɛ a mun, dɛ́ charɛ ba liire, ásɛ n lɛɛ ba.’

Matiu 6:16

Anee Yeesu berɛ ŋɔ, “He dɛ vɔwɛ nyoa aa, he bɛ dɛɛ ŋwe kɛ nɛra baa dɛ na nɛra sie mɔɔ dɛɛ ɛ wa, aa dɛ ɛ la. Dɛ ba te dɛ vɔwɛ nyoa aa, ɡɛɛ ba ŋwe dɛ́ laa ba siebɔr chɔɡ, ásɛ nɛra na kɛŋɔ ba dɛ vɔwɛ nyoa. Kasinteŋ, ba te dɔ ba kembɔr tonɛ.

Matiu 6:5

Yeesu berɔ ŋɔ, “He dɛ ba Korowii soŋa aa, he bɛ he te ɛ kɛŋɔ nɛra baa dɛ na nɛra sie mɔɔ dɛɛ ɛ waa la. Banee yon dɛɛ nyin cheremi deene ne fɔɡbaahna cheɡa dɛɛ soŋe Korowii, ásɛ nɛra na ba. Kasinteŋ, ba te dɔ ba kembɔr tonɛ.

Aesaya 6:10

Korowii berɔ ŋɔ n be ŋɔ, “Ka ɡel nɛra nɔ bambile do kpeɡri, tɔɔɡe ba deŋna, dɛ tɔɔɡe ba sibie ɡe. A waa laa aa, ba sie fe ɛɛ nao, ásɛ ba deŋna no, ba bambile lawa, bá berɛ ba n be ń lɛɛ ba.”

Matiu 6:2

Anomanta, dɛ he dɛ ba nɛn kon kɛɛ yaa, he bɛ kpɔ lɔ dawuro dɛ́ ɡel nɛra jemɛ, ɡɛ nɛra baa na nɛra sie mɔɔ dɛɛ ɛ waa yon dɛɛ ɛ cheremi deene ne fɔɡbaahna la. Ba te dɛ́ nyin kɛ nɛra na ba wedɛɛɡa ɛɛ dɛ́ kpɛɛ ba. Kasinteŋ, ba te dɔ ba kembɔr tonɛ.

Matiu 5:18

Kasinteŋ, nyundua ne harɛ taa lole nɔ, Mmara nɔ bini wejeɡa bɛlbwa aa lee ba, hale dɛ́ ka tel wobɛlbwa jaɡa saŋ.

Matiu 18:2

Asɛ Yeesu yerɛ bechajeɡa bɛl dɛ ɡel o ba che ba baah ta,

Matiu 18:4

Naate waa won pwɛr o te, dɛ́ do kɛŋɔ bechajeɡa nɔ la, onee ɡwaa nomɛlbwa Korowii Kora la ta.