Matiu 18:27 - mzwDBL

²⁷ Asɛ kooro la na o sum kohona dɛ ɡelo, dɛ kpɔ kem la kɛo.

Matiu 18:27 Referans Kwoze

Yela 145:8

N Naa Korowii, he dɛ nyin yaa dɛ dɔ tedoma, he baah aa di warawara, he nyina aa wola jaɡa dɔe ɡe do kan.

Hosia 11:8

Israel tena, ɛrɛɛ mɛɛ ba wona ɡel heya ɔ? Ɛrɛɛ mɛɛ ba wona le heyaa tɛɔ? Mɛɛ won chɔɡ heyaa kɛŋɔ Adma tena aa? Ɛrɛɛ mɛɛ ba wona chɔɡ heyaa kɛŋɔ Seboiim tena ɔ? N liire aa men ɡɛ baɡle, nyina maa dɛ nyin heyaa la kan taeh.

Yela 86:15

Kɛ hen Korowii te, he dɔ tedoma tɛ nɛra, dɛɛ nyin ba. He baah aa di warawara, he waa dɔ kasinteŋ, hɛɛ nyin nɛn.

Nehemia 9:17

Ba vɛh he waa la ta teŋa, dɛ soh nyokpowe-ɛɛla bwa haa ɛa. Ba ɛ lwɛmkpeɡ, dɛ le nomoa ŋɔ ó berɛ kpɔ ba kaa ba somanjiri dii ta Ijipt harɛ. Kɛ he ɛ Korowii haa kpɔ wechɔɡa dɛɛ kɛ, he dɔ tedoma dɛɛ nyin nɛn, he baah aa di warawara ɡe. He tedoma haa dɔa tɛ nɛra kan, he ta ban tae.

Yela 86:5

N Naa Korowii, he waa wer tɛ yaa, kpɔ ya wechɔɡa dɛɛ kɛ yaa, he kpɔ he nyina aa wola jaɡa dɔe, dɛɛ nyin nɛra baa wia dɛɛ yerɛ bwa.

Sitɔɔla 10:16

Anomanta, ba laa ba te kpɔ voɡa aa lɔ bela la ta dɛɛ tomɛ Korowii. Asɛ ba waa domɛ o tea, o sune ba nɛ.

Yela 78:38

Kɛ Korowii sune o nɛra nɛ, o kpɔ ba wechɔɡa kɛ ba, o ta ban chɔɡɛ. Keraŋwɛnɛ bwaa o lawɛ bambile, dɛ ɡel o bandia nyoa sɔɔh.

Matiu 18:28

Bonɔɔ la aa dɔ bɔr le dɛɛ kaa la, o kaa pu o dɔŋ o ɡe aa di o kenjeɡaa bɛl. Waa na o dɔŋ la la, o den hamɛ o lobi dɛ ŋɔ, ‘Kpɔ n suuɡa tɛ mɛ!’

Matiu 18:32

Kooro la yerɛ o bonɔɔ la dɛ ŋɔ, ‘Nyubinikpeɡ te kohona! N koh soŋa haa soŋ mɛ la waa dɛ kpɔ kendamanta la bwa kɛɛ.

Amanesoma Luk Aa Chwera Tɔn 7:42

A ɡɛ kema la nɛra banɛ la aa dia la, ba bɛlbwa ta wone bɔ, asɛ o kpɔ kɛ ba. A ɡɛ waa nɔ aa do ɡɛ nɔ, ba bini umee hɛɛ lii kɛŋɔ wɛɛ nyin baa la waa kohonaa yɔ?”

Amanesoma Luk Aa Chwera Tɔn 7:43

Anee Seemɔn chaŋo ŋɔ, “N dɛ lii kɛ naate o kem aa kana la, onee dɛ́ nyin baa la waa kohona.” Asɛ Yeesu ŋɔ, “Kpelaa he ŋɔ.”