Matiu 17:6 - mzwDBL

⁶ Yeesu habɔteŋra la aa no taa la la, ɔmee laɡ ba kohona ba ɡuŋi dɛ kpɔ ba sie piiɡi harɛ.

Matiu 17:6 Referans Kwoze

2 Pita 1:18

Taa la aa le Korowii doa ba la, ya noɔ. Dɛ ya ne Yeesu lɔ bwe la Korowii aa ɡela o do ɡoroŋ la ta.

We-ɛɛla 26:14

Belaa ya bwa choɡli harɛ, asɛ n no kɛŋɔ nomɛl aa kpɔ ya bwɛɛ Juu tena wobol dɛɛ bol waa n be, dɛ ŋɔ, ‘Oo, Sɔɔl! Ɛrɛɛ he che n nɛɛ ɡɛ nɔɔ? He ɡbaɡbaa hɛɛ ɛ la. He ne nao baa doo ŋwɛn dɛɛ teɡɔ o ta naa dɛɛ yaɡre o dɔɔ da bwa beŋkpoŋ.’

We-ɛɛla 22:7

Belaa n chole harɛ. Maa chola la, n no taa bɛl o ŋɔ n be ŋɔ, ‘Oo, Sɔɔl! Ɛrɛɛ he che n nɛɛ ɡɛ nɔɔ?’

Daneɛl 8:17

Ate, Gebreɛl ba che bɛne bela maa cheɡa la, asɛ n ɔmɛ kohona dɛ chole kpɔ sie pi harɛ. Anee o ŋɔ n be ŋɔ, “Nɛwɛnyini bie, n dɛ nyin he jemɛ kɛŋɔ wepila nɔ mun dɛ baɡle waa bwa jaɡa saŋ wa.”

Ɛsekeɛl 43:3

Wepila la do kɛŋɔ anɔ la Korowii aa baa chɔɡ bwɛjen Jerusalam, ne Keba Moo nyoa kwaa maa naa la, asɛ n ba harɛ dɛ kpɔ sie pi harɛ.

Ɛsekeɛl 3:23

Ate, n ir dɛ kaa bela. N na Korowii jirima bela ɡɛ n fa aa nao Keba Moo nyoa la, asɛ n kpɔ sie pi harɛ.

1 Webena 21:16

Kooro Devid ha sie nyiŋi dɛ na Korowii nyundua torome la kɛŋɔ waa cheɡɛ harɛ ne nyundua baah, dɛ pamɛ kere pa Jerusalam dɛɛ ba o chɔɡa. Dɛ Kooro Devid ne o nomonome tɔ lweyale, ba cholo dɛ kpɔ sie pi harɛ.

Sitɔɔla 13:22

Manoa ŋɔ o haah be ŋɔ, “Serewaa yaa ba serewa, dɛkalkɛ ya na Korowii.”

Sitɔɔla 13:20

Ninlao le kon baa dɛ ɛ saraha o ta la ta, dɛ hɔ dɛɛ kaa nyundua, asɛ Korowii nyundua torome la kpɔ ninlao la bini kaa nyundua. Manoa ne o haah aa na ɡɛ waa nɔ la, ba cholo dɛ kpɔ sie pi harɛ.

Lewi Dea Tena 9:24

Belaa Korowii ɡel nii le dɛ ba fuh saraha kwaa la ne a noorare la bwa nyaam ken saraha kon la ta. Nɛra la bwa aa naa la, ba kpɔ silɛɛ dooɡe lɔŋɔre dɛ ɡuŋi dɛ kpɔ sie piiɡi harɛ.

Matiu 17:5

O nyoa taa lɔ waa ta wɛɛ bol la, dɛ bampoŋ bɛl denɔ ba tɔ ba nɛ, asɛ ba no taa bɛl bam la bini kɛ, “N Bie maa dɛ nyinu o wa ɛɛ su n siwii nɔ. Hé cheɡ deŋne dɛ́ no o be.”

Matiu 17:7

Asɛ Yeesu ba, dɛ ba kpɔ nɔn lɔ ba dɛ ŋɔ, “Hé ir che. He bɛ ɔmɛ.”