Matiu 15:27 - mzwDBL

²⁷ Belaa haah la ɡe sɛh ŋɔ, “Kasinteŋii, Nomoa, kɛ nyootena aa bechale kondikompuɡrere aa leera la ɡe di aa?”

Matiu 15:27 Referans Kwoze

Ɛfesos 3:8

N ɛ bechala o nɛra bwa bini n fe aa wola chɛɛ, kɛ menee o le ŋɔ ń bol o Amanesoma la baɡle nɛra baa wola Juu tena ɛɛ, ásɛ ba ɡe jemɛ wedɛɛɡa aa wola jaɡa dɔe dɛ le Yeesu Kristo waa bini.

Amanesoma Luk Aa Chwera Tɔn 16:21

asɛ wɛɛ do hwɛɡa kondikwaa suuɡate la aa di ka asɛ o bonɔɔna kpɔ ba ta la ta. Hale dɛ nyootena ba dɛ kpɛle o ŋwɛra la.

Tɔn Pɔɔl Aa Chwerɛ Rom Tena 10:12

Juu tena ne nɛra baa wola Juu tena ɛɛ la, ba bwa kɛrɛdɛ Korowii be. Komɛlbwa Dɔɔree Korowii. Nomɛlbwa waa wia dɛɛ yerɔ la, o dɛ chao kohona.

Tɔn Pɔɔl Aa Chwerɛ Rom Tena 3:29

Juu tena ɡbo laa Korowii che tɛ. Nɛra baa wola Juu tena ɛɛ la, ba bwa waa o do le.

Amanesoma Luk Aa Chwera Tɔn 18:13

Toɔ lɛɛ la te cheɡɛ bojaŋ, o ta sie hae dɛ nyiŋi nyundua kwara, kɛ dɛ kpɔ nɔɔra dawɛ nyu dɛ ŋɔ, ‘Oo, N Naa Korowii, wechɔɡ-ɛɛree men. Na n sum dɛ́ kpɔ n wechɔɡa kɛ mɛ.’ ”

Matiu 8:8

Sooja nomoa la ŋɔ Yeesu be ŋɔ, “N Dɔɔ, n ta chɛɛ kɛŋɔ he ba n dem. Kɛ he cheɡɛ bonɔ ŋɔ wéela la le o nɛ aa, wɛɛ ɡbaŋroo,

Matiu 5:45

ásɛ nɛra jemɛ kɛ he ɛ he Mɛɛ waa lɔ nyundua la bii, dɛkalkɛ o te ɡelɔ wee lɔ dɛɛ tɛ wechɔɡ-ɛɛra ne nɛndɛɛɡa bwa, dɛ nɛ bwaala ɡe dɛɛ tɛ nɛndɛɛɡa ne wechɔɡ-ɛɛra bwa.

Tɔn Pɔɔl Aa Chwerɛ Rom Tena 3:4

Akai! Dɛ nɛwɛnyini bwa ɛ nyosonteŋna kwara naa, Korowii te wa ɛɛ dɔ kasinteŋii saŋ bɛlbwa. Anee Korowii Tɔn la bol la. O baɡle Korowii waa ŋɔ, “He wobol ɛɛ baɡloo kɛŋɔ he dɔ kasinteŋ, hɛɛ dɛɛ di bole he waa taa.”

Daneɛl 9:18

N Naa Korowii, cheɡ deŋne dɛ́ no, pili sie dɛ́ na chɔe he bwɛjen nɔ aa chɔ pɛɛ nɔ wa, dɛkalkɛ he sɔn dawɛ o ta. Toɡra ya wa aa toɡra waa laa yaa soŋe, he nɛn sum nae kohona waa yaa soŋe.

Ɛsekeɛl 16:63

Mɛɛ kpɔ waa haa ɛa bwaa kɛɛ, kɛ hɛɛ ba liiraa, ásɛ sihiih kpoe kohona he pili nyoa kahonɛ.” Nemenɛ Korowiirii bola.

Ɛfesos 3:19

O nyina waa dɛ nyin yaa la ɡwaa ya liire ta. Kɛ n dɛ soŋe Korowii he won jema, dɛ́ won dɔ o ɡbaɡba da kɛrɛdɛ ɡa dɛ́ ka tonɛ.

Tɔn Pɔɔl Aa Chwerɛ Rom Tena 3:19

Ya jemɔ kɛŋɔ waa Mmara la aa dɛ baɡle la, nɛra baa dɛ teŋɛ Mmara la ta laanee Mmara la ɛɛ baɡle, ásɛ nomɛlbwa bɛ won dɔ wobɛlbwa bol Korowii sie, ásɛ o won bol nomɛlbwa waa dɛ́ pa bole.

Mumpar 32:10

He teŋa haa teŋa dɛɛ nyin mɛ, ne he kasinteŋ haa ɡela n na nɔ bini bɛlbwa ta men maa ɛ he bonɔɔ nɔ chɛɛ. N fa aa ɡale Jɔɔdan Moo la, dɛ n ta komɛlbwa kpoŋe nemenɛ n daŋɡbala ɡbo, taraken he berɛ ɡel n ya dɛ ɛ nɛmbele banɛ.

Matiu 15:26

Yeesu chaŋo ŋɔ, “A chɛ kɛ bechale di kwaa vaɡre mɔɔ nyootena ɡe di. Aa were kɛ ba kpɔ bechale kondikwaa tɛ nyootena.”

Matiu 15:28

Anee Yeesu ŋɔ o be ŋɔ, “Gɛ haa dɛ yarada mɛ la kan kɛrɛdɛ! Gɛ haa dɛ nyin la, aa ɛ ɡɛɛ tɛɛ.” Buɡ la ta, bie la ɡbaŋre.

Amanesoma Mak Aa Chwera Tɔn 7:28

Haah la wono no a mun dɛ ŋɔ, “Kpelaa he ŋɔ, Nomoa, kɛ nyootena aa bechale kondikompuɡrere aa leera la ɡe di aa?”