Matiu 13:21 - mzwDBL

²¹ Kɛ waa la aa wola ban jooɡe la ɡelɔ aa won ba nyu bini ka. A cheɡɛ Korowii waa ta waane puu ba, asɛ nɛra ɡe ɛɛ ba hɔhɔrɔwa aa, dɛ ba horɔ.

Matiu 13:21 Referans Kwoze

Matiu 11:6

Nomɛlbwa haa wola men tɔŋle la, he na som.”

Hosia 6:4

Korowii ŋɔ, “Ń ɛ heyaa ɛrɔɔ, Israel ne Juda tena? He nyina haa dɛ nyin mɛ la do kɛŋɔ chɔɔbɔr kɔɔla, ne chɔɔlen mɛn aa wola biɡri la ken.

Ɛfesos 3:17

dɛ́ won dɔ yarada kɛrɛdɛ, ásɛ he won lawɛ Yeesu Kristo he ne o pɛ. N dɛ soŋo he bambile won do o nɛɛ dɛ́ lawɔ kɛrɛdɛ,

Sɛɡla 12:3

Wechɔɡ-ɛɛ aa won che o we-ɛɛla ta dɛ́ lɛ o te, kɛ nɛn o wa aa toɡra te dɛ́ so le kiŋkiŋ ken.

Job Tɔn 19:28

Dɛ he ŋɔ, ‘Ŋwɛnɛ besoo taa yaa ba wona ɡel o bwara nyɛɡo wɔ?’ Hé dɛ nyin ŋwɛnɛ haa kpɔ o ta dɛ́ ha mɛ.

Yela 36:3

Nyubinikpeɡ ne nyosone waa baa bol, ba ta wedɛɛɡa liire dɔe kpa.

2 Timoti 1:15

He jemɔ kɛ nɛra baa lɔ Eesia harɛ ta bwa chwa mɛ, hale Fejelas ne Hɛmojenes ɡba jao.

Felepae 1:6

N dɔ hwɛɡa kɛŋɔ ɡɛ Korowii aa pa mun dɛɛ ɛ o tondɛɛɡa he bambile bini la, wɛɛ ja a taa ka tel awola Yeesu Kristo aa ba la.

Galaasia 6:15

Penteŋa ne o bɛ teŋa te ta hiaih kwaraa. Waa aa hiah laanee kɛ Korowii aa charɛ ya liire ya ɛ nɛnfala.

Galaasia 6:12

Nɛra baa dɛ do heyaa ŋɔ hé teŋni he pena la, nɛra sie ta waa baa ɛ ɡɛ. Ba dɛ ɛ ɡɛ ásɛ Juu tena na dɛ bɛ ba yaradae baa yarada Yeesu Kristo daɡaɡre ta sewa waa koh dɛ́ hah ba.

Galaasia 5:6

Yeesu Kristo ŋwɛnɛ ta teŋa nɔ ta te, ba teŋe nɛn pen oo, ba ta o pen teŋoo, a laa ɛ wehiah. Waa aa hiah laanee kɛŋɔ nɛn aa dɛ yarada Yeesu Kristo, asɛ ɡɛ yarada nɔ won ɡel wɛɛ nyin o dɔŋa.

Tɔn Pɔɔl Aa Chwerɛ Rom Tena 2:7

Nɛra baa dɛ nyin jirima Korowii be, dɛɛ nyin kɛ Korowii kpɛɛ ba, dɛɛ nyin mkpa aa wola jaɡa dɔe, dɛ koh a waa dɛ lawɛ bambile dɛɛ ɛ wedɛɛɡa saŋ bɛlbwa la, Korowii ɛɛ tɛɛ baa mkpa aa wola jaɡa dɔe bwa.

Amanesoma Jɔn Aa Chwera Tɔn 6:26

Belaa o chaŋ ba ŋɔ, “Kasinteŋ, paanoo la he dɛ aa dia vaɡɛ la waa hɛɛ ɡaaɡe n bɔr la. Menɛkɛsɛ he no nyokpowaa la bɛlbwa mun.

Amanesoma Luk Aa Chwera Tɔn 8:13

Anɔ la ɡe aa lee bwetala ta bela teera aa wola toole kohona a lune aa wola wone kaa bini a jwalɛ dɛ sewɛ la, a do kɛ nɛra ba yon no waa la, dɛ ba sie lɛo, kɛ aa wola won ban jooɡe dɛɛ ka ba nyu bini la. A cheɡɛ Korowii Waa ta waane puu ba aa, dɛ ba horɔ.

Amanesoma Mak Aa Chwera Tɔn 4:17

Kɛ Waa la aa wola ban jooɡɛ la ɡelɔ aa won ba nyu bini ka. A cheɡɛ Korowii Waa ta waane puu ba aa, dɛ ba horɔ.

Matiu 26:33

Anee Pita ŋɔ, “Dɛ n bala nɔ bwa chwao ɡele naa, n te aa chwa ɡele bwa.”

Matiu 26:31

Yeesu ŋɔ ba be ŋɔ, “Jwaana nɔ ne he bwa ɛɛ chwao kaa ɡel mɛ, ɡɛ baa chwera Korowii Tɔn bini ŋɔ, ‘Korowii ɛɛ kpo peteɡre laanee, ásɛ peera la bwa lɔ peɡre’ la.

Matiu 24:13

Kɛ nomɛlbwa waa wola n habɔɔ leɛ, dɛ won teŋɛ n nɛɛ ka tonɛ la, wɛɛ dɔ o nyuu.

Matiu 13:57

Anomanta, ba siwi ta on sui. Asɛ Yeesu ŋɔ ba be ŋɔ, “Korowii keame dɔ sɔn bobɛlbwa. Kɛ o ɡbaɡba bwɛɛ tena ne o lola ɡboo wola on duu.”

Matiu 13:6

Kɛ a lune ta wone kaa bini. Anomanta, wee aa lɔa la, a jwalɔ dɛ serewe.

Matiu 10:22

Nɛra bwa ɛɛ koh n waa hah heya. Kɛ naate waa dɛ ba wona dɛ́ lawɛ bambile ka tonɛ la, wɛɛ dɔ o nyuu.

Sɛɡla 12:12

Nɛnchɔɡa pɛla waa bwaa kɛŋɔ bichɔɡwa, kɛ nɛn o wa aa toɡra te, dɛ́ che kiŋkiŋ ken.

1 Pita 1:5

He cheɡaa a che. He yarada nomanta, Korowii kpɔ o kpeɡri tɔ he nɛ, wobɛlbwa aa wola won ɛ heyaa ka tel kɛŋɔ waa ba lɛ heya. O ɛ lɛɛ waa ba lɛ heyaa la wobɛlbwa tonɛ, dɛ lɛ heyaa waa bwa jaɡa saŋ.

2 Timoti 4:10

dɛkalkɛ Demas koh harɛ nɔ ta silɛɛ waa dɛ chwa mɛ. O chwao kaa Tesalonika. Krɛsɛns kaa Galaasia harɛ ta, asɛ Taetos ɡe kaa Dalmatia harɛ ta.

Wepila 2:13

N jemɛ bela haa soɡa. Bɔnsam soŋnibɔree he do la, kɛ dɛ ta che kiŋkiŋ. Hale ɡɛ saŋ ba fa aa kpo Antipas waa ɛ kasinteŋ te dɛ che tɛ mɛ he bwɛjen Bɔnsam soŋnibɔr bela la, he ta tɔeh kɛŋɔ haa men yarada.

Matiu 13:20

Mea aa lee bwetala ta la ɡe cheɡɔ tɛ nɛra baa no waa nɔ, dɛ ba sie lɛo la.

Jems 3:2

Ya bwa dɛ koni saŋ bɛlbwa. Dɛ nɛn aa wobɛlbwa waa dɛ bol la ta koni aa, dɛ o ɛ nɛn o wa a toɡra tenten. Nɛn waa won o wobol nyiŋa la, o won o te lawa wobɛlbwa ta.