Matiu 12:42 - mzwDBL

⁴² Seeba kooro waa ɛ haah la ɡba ɛɛ bol waa bɔ fini nɔ tena, dɛkalkɛ o valɔ le harɛ jaɡa, dɛ́ ba no Kooro Solomɔn wejemwa. Kɛ kasinteŋ, naate waa ɡwaa Kooro Solomɔn lɔ bonɔ, asɛ he ŋɔ haa o bee no.”

Matiu 12:42 Referans Kwoze

Amanesoma Jɔn Aa Chwera Tɔn 1:14

Korowii Nyoa Wobol la baa berɛ nɛwɛnyini, dɛ ba so ya be. Ya na o jirima waa dɔa, dɛ jemɛ kɛŋɔ Korowii Bibeŋkpoŋ laanee on. Dɛ o wobɛlbwa wer, asɛ o dɔ kasinteŋ ɡe kohona.

Matiu 17:5

O nyoa taa lɔ waa ta wɛɛ bol la, dɛ bampoŋ bɛl denɔ ba tɔ ba nɛ, asɛ ba no taa bɛl bam la bini kɛ, “N Bie maa dɛ nyinu o wa ɛɛ su n siwii nɔ. Hé cheɡ deŋne dɛ́ no o be.”

Amanesoma Jɔn Aa Chwera Tɔn 1:18

Nomɛlbwa ta Korowii nae bwa. O Bibeŋkpoŋ waa pɛlo la, on ɡela nɛwɛnyini jemɔ.

Matiu 3:17

Asɛ taa bɛl le nyundua ŋɔ, “N bie maa dɛ nyinu o wa ɛɛ su n siwii nɔ.”

Aesaya 7:14

Korowii ɡbabir ɛɛ ɡeloo he na waane, á baɡle waa nɔ kasinteŋ. Hé no! Bitolo waa wola baa jemɛ bwa ɛɛ kpoŋe teaa dɛ́ lolɛ bibaa, ásɛ ba yerɔ Imanoɛl.

1 Koranar 10:24

Nɛra bwa yon dɛɛ nyin o be bala dɛ́ ba no wejemwaa Korowii aa tɛo la.

1 Koranar 5:12

Korowii tɛ Kooro Solomɔn wejema ɡɛ waa bola la. O ne Kooro Hiram baah do wer, asɛ ba fɔwɛ deŋnesɔɔhna fɔo.

1 Koranar 4:34

Harɛ nɔ ta koranar bwa no o wejema waa dɔa wa, dɛ tomɛ nɛra ba la o be kaa no.

1 Koranar 4:29

Korowii tɛ Kooro Solomɔn wejema ne waa mun noe kohona aa wola nyoa dɔe kɛŋɔ mpo nyoa hɛŋle ken.

1 Koranar 3:28

Israel tena bwa aa no ɡɛ Kooro Solomɔn aa pa bole la, a ɛɛ ba nyokpoa, ba na kɛŋɔ Korowiirii tɛo wejema o kpɔ pa bole aŋwɛnɛ ta la.

1 Koranar 3:12

mɛɛ ɛ ɡɛ haa soŋa laanee tɛɛ. Mɛɛ tɛɛ wejema ne waa mun noe, he kpɔ dɛɛ nyiŋi nɛra nɛ, nomɛlbwa aa wola won do kɛŋɔ hen, a dɔŋa ɡe aa wola chiɡ bwa.

1 Koranar 3:9

Anomanta, tɛ men maa ɛ he bonɔɔ nɔ wejema, dɛ́ ɡel n jemɛ wechɔɡa ne wedɛɛɡa. Ɛrɛɛ n ɡbo ɛɛ ba wona nyiŋi he nɛra baa wara ken nɔ nɛɔ?”

Matiu 12:41

Awola nɛra bwa aa ir seo ta dɛ ba che Korowii sie, ásɛ o bol ba waa dɛ́ pa bole la, Niniwe tena ɛɛ bol waa bɔ fini nɔ tena, dɛkalkɛ ba te no Korowii waa Jona aa bola la mun dɛ charɛ ba liire le ba wechɔɡa ta. Kɛ kasinteŋ, naate waa ɡwaa Jona lɔ bonɔ, asɛ he ŋɔ haa o bee no.

Matiu 12:6

Korowii Dea toma ɛɛ waa baa wola bolchɔɡe di la, kɛ kasinteŋ, nomɛl lɔ bonɔ dɛ ɡwaa Korowii Dea.

Mmarare 30:13

Kɛɛ mpo baŋ ásɛ he bɔɔ ŋɔ, ‘Umee dɛ́ ka kpɔ ba tɛ yaa ásɛ ya teŋɛ a ta nɔ?’