Matiu 12:27 - mzwDBL

²⁷ Dɛ he ŋɔ Bɛlsebulee tɛ mɛ kpeɡri n won kwaa doŋa nɛra nɛɛ aa, a wer. Aah, dɛ he ɡe, umee tɛ he habɔteŋra nɔ kpeɡri ba won a doŋa ɔ? He ɡbaɡba habɔteŋra la we-ɛɛlaa dɛɛ baɡle kɛŋɔ he kono kwara!

Matiu 12:27 Referans Kwoze

Tɔn Pɔɔl Aa Chwerɛ Rom Tena 3:19

Ya jemɔ kɛŋɔ waa Mmara la aa dɛ baɡle la, nɛra baa dɛ teŋɛ Mmara la ta laanee Mmara la ɛɛ baɡle, ásɛ nomɛlbwa bɛ won dɔ wobɛlbwa bol Korowii sie, ásɛ o won bol nomɛlbwa waa dɛ́ pa bole.

Amanesoma Luk Aa Chwera Tɔn 11:19

Dɛ Bɛlsebul nɛɛ n che dɛɛ doŋa aa, a wer. Aah dɛ he ɡe, umee tɛ he habɔteŋra nɔ kpeɡri ba won a doŋa ɔ? He ɡbaɡba habɔteŋra la we-ɛɛlaa dɛɛ baɡle kɛŋɔ he kono kwara!

Amanesoma Luk Aa Chwera Tɔn 19:22

Anee nomoa la ŋɔ o be ŋɔ, ‘Bonɔnchɔɡe kohona! He ɡbaɡba nyoa wobol taa mɛɛ ba cheɡa dɛ́ pae bolchɔɡe. He jemɔ kɛ n ɛ bambikpeɡ te, dɛɛ kpɔ kwaa aa wola n kwaa ɛɛ, dɛɛ komɛ kwaa maa wola due kenɛ?

Matiu 4:24

O waa perɛ Siiria harɛ bobɛlbwa, anomanta, bela tena kpɔ ba weela tena baa dɛ we weela bwa soo siwi dɛ ba o be. Banɔ la kwaa aa dɛ ir ba nɛ, ne banɔ la baa dɛ we ɡbuŋɡbuŋri, ne banɔ la ba nɔɔra ne ba nakpale aa serewa bwaa ba kpɔ ba Yeesu be o chaah ba.

Matiu 9:34

Anee Farisii tena la te ŋɔ, “Kwaa aa dɛ ir nɛra nɛɛ bwa kooroo tɛo kpeɡri o won kwaa doŋa nɛra nɛɛ la.”

Matiu 10:25

Dɛ ba dɛ yerɛ dea nomoa Bɛlsebul waa ɛ sɔnchɔɡe aa, dea bii la te ta pɔeh yaa?