Matiu 12:17 - mzwDBL

¹⁷ Gɛ Yeesu aa ɛa nɔɔ ɡela ba jemɛ kɛ waa Korowii keame Aesaya fa aa bola la ɛ kasinteŋ.

Matiu 12:17 Referans Kwoze

Aesaya 42:9

Na, webena maa bol a waa la chiɡo, asɛ mɛɛ bol anfala wa. N ɡelɔ hɛɛ no a waa mɔɔ a chiɡ.”

Amanesoma Jɔn Aa Chwera Tɔn 12:38

Anɔ dɛ baɡle kɛ Korowii keame Aesaya waa waa bola la ɛ kpela. O bolɔ ŋɔ, “N Dɔɔ, umee dɛ́ fe yarada waa yaa dɛ bol nɔɔ? Umee dɛ́ fe jemɛ kɛŋɔ Korowiirii ɛaɔ?”

Matiu 21:4

Gɛ waa nɔ chiɡo, asɛ dɛ ɡel waa Korowii keame fa aa bola la ɛ kasinteŋ. O bolɔ ŋɔ,

Matiu 13:35

Gɛ waa ɛa nɔ ɡelɔ waa Korowii keame la fa aa bola la ɛ kpela. O fa ŋɔ, “Mɛɛ kpɔ sɛɡlaa bol wa chaɡle heya. Waa nomɛlbwa aa wola jemɛ bwa le harɛ nɔ mumpar la, mɛɛ bol ba bee.”

Aesaya 44:26

Menee ɡela waa n toroma aa bol la ɛɛ ɛ kpela. Menee ŋɔa nɛra ɛɛ berɔɔ bá so Jerusalam, Juda bwɛɛre a fa aa paɡra la, bá berɛ kwaa vɔrɔwa.

We-ɛɛla 13:27

Jerusalam tena ne ba nomonome ta jemɛ kɛ Yeesuu nɛwɛnyini Lɛɛ la. Korowii waa o keamere aa chwera asɛ ba kure dɛɛ baɡ ba Ona Tɔpera bwa ta la, dɛ baa a mun no. A waa ba bol o waa dɛ pao bolchɔɡe, dɛ kpoo ɡɛ Korowii keamere aa baɡla ŋɔ baa ɛo la.

Amanesoma Jɔn Aa Chwera Tɔn 19:28

A habɔɔ Yeesu aa naa kɛŋɔ o wobɛlbwa tonɔ la, o ŋɔ, “Nyɔɡre dɛ kpo mɛ,” ásɛ waa aa lɔ Korowii Tɔn bini la ɛ kpela.

Amanesoma Jɔn Aa Chwera Tɔn 10:35

Dɛ o yerɛ nɛra waa kpɔ o waa la baɡle la Korowii aa, dɛ a ɛ kasinteŋ waa yaa wola won vɛh,

Amanesoma Luk Aa Chwera Tɔn 24:44

Ate, dɛ ŋɔ ba be ŋɔ, “Anɔ waa ɡɛ saŋ n ne haa lole la, n yon dɛɛ bol he be ŋɔ a chɛ kɛ n bwara wobɛlbwa baa chwera Mosis Mmara la bini ne Korowii keamere tɔne la bini ne Korowii Kpɛɛra Tɔn bini la ɛ kpela la.”

Amanesoma Luk Aa Chwera Tɔn 21:22

A ɡɛ saŋee Korowii ɛɛ ba o nɛra deŋne tɛra, ásɛ waa Korowii Tɔn la aa baɡla la bwa ɛ kpela.

Matiu 8:17

Anɔ nɔɔ ɡela Korowii keame Aesaya waa waa bola bil la ɛ kasinteŋ. O bolɔ ŋɔ, “Onee laa ya ɡwɛɡra ne ya weela kpɔ ya nɛ.”

Matiu 12:16

dɛ ŋɔ ba bɛ o waa taa baɡle nomɛlbwa.

Matiu 12:18

O bolɔ ŋɔ, “N bonɔɔ maa leo laanee la. O waa mɛɛ nyin, asɛ n sie ɡee lɛ o nɛɛ ɡa. Mɛɛ ɡeloo n Doma ba so o nɛ, ásɛ o baɡle nɛra baa lɔ harɛ ta bwa ɡe ɡɛ n kasinteŋ ŋwɛnɛre aa doa.