Matiu 12:14 - mzwDBL

¹⁴ Belaa Farisii tena la le bela dɛɛ vɔrɔwe kɛ bá kpo Yeesu.

Matiu 12:14 Referans Kwoze

Amanesoma Jɔn Aa Chwera Tɔn 11:53

Awolaa ba le pɛ nyoa dɛɛ nyin Yeesu dɛ́ kpo.

Amanesoma Jɔn Aa Chwera Tɔn 10:39

Bela la, dɛ ba fe dɛ nyin Yeesu dɛ́ lawɔ ja, asɛ o laa o te kpɔ fɛmm dɛ kaa.

Amanesoma Jɔn Aa Chwera Tɔn 5:18

Gɛ waa nɔ Yeesu aa bola la ɛɛ ba bwaawee kohona dɛ ɡel baa nyinu dɛ́ kpo kwara, dɛkalkɛŋɔ dɛ Ona Tɔpere la ɡbo laa wɛɛ chɔɡ. O berɔ ŋɔ o Mɛɛ waa lolɔɔ Korowii, asɛ dɛ kpɔ o te dɛɛ maɡɔ kɛŋɔ o ne o ɛ kɛrɛdɛ.

Amanesoma Luk Aa Chwera Tɔn 6:11

Belaa Tɔnjerema la ne Farisii tena la baah di baa bol dɔŋa be ɡɛ aa chɛ kɛ bá ɛ Yeesu.

Amanesoma Mak Aa Chwera Tɔn 3:6

Anomanta, Farisii tena la le cheremi dea la bini, asɛ ba ne Hɛrɔd nɛra la ka cheme dɛ vɔrɔwe Yeesu vɔrɔwa dɛ́ fee kpoo.

Matiu 26:4

dɛ ka so dɛɛ nyin ŋwɛnɛ baa che o ta dɛ́ lawɛ Yeesu dɛ́ kpoo nomɛlbwa aa wola jemɛ.

Amanesoma Jɔn Aa Chwera Tɔn 11:57

Dɛ Sɔfonomonome la ne Farisii tena la te dɔɔ bol ŋɔ, dɛ nomɛlbwa jemɛ bela waa lole naa, ó baɡ ba ásɛ ba ka lawɔ.

Matiu 27:1

Tɔɔ aa pera chɔmbibi la, Korowii Dea Sɔfonomonome bwa ne ba harɛ la nomonome chemo dɛ vɔrɔwe Yeesu kpoe vɔrɔwa,

Amanesoma Mak Aa Chwera Tɔn 14:1

A baa ka tɔpera anɛ ásɛ ba di ba tɔpejen baa dɛ yerɔ Galekaa la. A ɡɛ tɔpera nɔ taa baa di Paanoo Iisi Aa Wola Toole a ta la. Dɛ Sɔfonomonome ne Tɔnjerema la dɛ nyin ŋwɛnɛ bɛl dɛ́ sɔh lawɛ Yeesu dɛ́ kpoo,

Amanesoma Luk Aa Chwera Tɔn 22:2

dɛ Sɔfonomonome ne Tɔnjerema la dɛ nyin ŋwɛnɛ bɛl dɛ́ che o ta kpo Yeesu, kɛ dɛ ba dɛ ɔmɛ bela tena la.

Amanesoma Jɔn Aa Chwera Tɔn 7:30

Anɔ nomanta, ba fe dɛ lawɔ, asɛ ba ta wone, dɛkalkɛ dɛ o tɔpere ta tele mɔɔ.

Amanesoma Jɔn Aa Chwera Tɔn 7:32

Farisii tena la aa noa kɛŋɔ nɛnlaa la dɛ ŋwalɛ Yeesu waa dɔŋa be la, ba ne Sɔfonomonome la tomɛ nɛra baa dɛ daah Korowii Dea la ŋɔ bá ka lawɔ.

Amanesoma Jɔn Aa Chwera Tɔn 7:44

Asɛ bane ɛɛ nyin dɛ́ lawɔ, kɛ nomɛlbwa ta wone kpɔ nɔn leɡo.

Amanesoma Jɔn Aa Chwera Tɔn 8:59

Belaa ba pa bwea ŋɔ ba dɛ foɡro, asɛ o sɔh dɛ le Korowii Dea bela kaa.

Amanesoma Jɔn Aa Chwera Tɔn 10:31

Belaa Juu tena la pa bwea ja ŋɔ baa foɡroo kpo.