Matiu 11:29 - mzwDBL

²⁹ Gɛ baa kpɔ daa dawɛ nae anɛ nɛ a pɛ dɛɛ ɛ toma la, hé ɡel n ne he pɛ ɛ ɡɛ, ásɛ he hweli le n be, dɛkalkɛ n pwɛre, maa mbarafo ɡe ɛ. He ɛ ɡɛ naa, haa koeh ba.

Matiu 11:29 Referans Kwoze

Jeremia 6:16

Korowii ŋɔ o nɛra be ŋɔ, “Hé ka che ŋwɛnɛ chɛchɛre ta dɛɛ nyiŋi. Hé bɔɔ ŋwɛnɛbena wa, dɛ́ jemɛ ŋwɛnɛ waa wera dɛɛ kpɔ o ta, dɛ́ so deŋnesɔɔhna ta. Anee he ŋɔ, ‘Akai, yaa o taa kpɔ.’

1 Jɔn 2:6

Nomɛlbwa waa ŋɔa o ne Korowii pɛo la, a chɛ kɛŋɔ ó kpɔ Yeesu Kristo da la.

Amanesoma Jɔn Aa Chwera Tɔn 13:15

Anɔ maa ɛa nɔ chɔ le dɛ tɛ heya, hé nyiŋa dɛ́ ɡee ɛ a dɔŋa.

Matiu 7:24

Nomɛlbwa waa no n waa nɔ, dɛ ɛ ɡɛ aa dɛ baɡle la, do kɛ wejereme bɛl waa ma o dea chɔŋɛ bwe ta.

Hibru 5:9

Waa wona teŋɛ o Mɛɛ ŋwɛnɛ ta kɛrɛdɛ ka tonɛ la, o berɛ nɛra baa dɛ teŋɛ o Yeesu ŋwɛnɛ ta bwa Lɛɛ, bá che o nɛɛ dɛ́ dɔ lɛɛ aa wola jaɡa dɔe bwa.

2 Kɔrent 10:1

Men Pɔɔl, n dɛ soŋe heya. Ba ŋɔ n lɔ he be naa, n pwɛre, kɛ n le he be te naa, n waa kpeɡri. N dɛ soŋe heyaa kɛŋɔ hé nyiŋi ɡɛ Yeesu Kristo aa pwɛra o tea do som la,

Matiu 28:20

ásɛ dɛ chaɡ ba ŋɔ báa teŋɛ n waa maa chaɡle heyaa la bwa ta. Kasinteŋ, mɛɛ che he habɔɔ, dɛ́ ja he nɛɛ tɔpere te bɛlbwa, dɛ́ ka tel wobɛlbwa jaɡa saŋ.”

Sekaria 9:9

Saayɔn tena, hé hɛɡre kohona, Jerusalam tena, hé moo ɡa. Hé nyiŋi na! He kooro dɛ ba he be, o waa toɡrɔ dɛ won nɛra lɛɛ, o pwɛre, o soɡe keeɡo bie ta, keeɡo bale taa o so.

Felepae 2:5

Gɛ Yeesu Kristo aa doa la, ɡɛɛ a chɛ kɛ he do.

Nɛra Kura 12:3

Dɛ Mosis ɛ nomɛl waa pwɛra kɛrɛdɛ, dɛ ɡwaa nomɛlbwa harɛ nɔ ta.

Matiu 21:5

“Ŋɔ Saayɔn tena be ŋɔ bá nyiŋi na! Ba kooro dɛ ba ba be! O pwɛre. O soɡe keeɡo bie ta, keeɡo bale taa o so.”

2 Kɔrent 10:5

Nɛwɛnyina wejema baa dɛ maŋkuraa dɛɛ tɔŋle waa la, a ne webaɡla baa dɛ maŋkuraa kohona dɛɛ tɔŋle waa asɛ nɛra jemɛ Korowii kahonɛ la do kɛ dekpeɡa yaa dɛ ba wona paɡre la. Ya berɔ dɔ kpeɡri dɛ won berɛ nomɛlbwa liire, asɛ ba no Yeesu Kristo be.

1 Tesalonika 4:2

He jemɛ waa yaa cheɡɛ ya Dɔɔ Yeesu nɛɛ dɛ bol baɡle heyaa la.

Amanesoma Jɔn Aa Chwera Tɔn 13:17

Dɛ he jemɛ ɡɛ waa nɔ dɛɛ ɛa ɡe te naa, hɛɛ na somee.

Matiu 17:5

O nyoa taa lɔ waa ta wɛɛ bol la, dɛ bampoŋ bɛl denɔ ba tɔ ba nɛ, asɛ ba no taa bɛl bam la bini kɛ, “N Bie maa dɛ nyinu o wa ɛɛ su n siwii nɔ. Hé cheɡ deŋne dɛ́ no o be.”

2 Tesalonika 1:8

O balaa, wɛɛ bol nɛra baa wola Korowii jemɛ, baa wola Amanesoma aa dɛ baɡle ya Dɔɔ Yeesu waa noɛ la waa, dɛ́ bɔ ba a kem,

1 Kɔrent 9:21

Gɛ tentenee dɛ n koo nɛŋhɔɔhra baa wola Mosis Mmara la ta teŋɛ nɛ aa, n yon ɛ n te kɛ ban, ásɛ dɛ dɔɔ ba tɛ Korowii. Kɛ aa baɡle kɛ n dɛ vɛh Korowii nyoa wobol. N dɛ teŋɛ ɡɛ Yeesu Kristo aa ŋɔa yá teŋɛ la ta.

We-ɛɛla 7:37

Mosisii ŋɔ nɛra la be ŋɔ Korowii ɛɛ tomɛ o keame bɛlee ba be ɡɛ waa tomɔ la, dɛ ŋɔ wɛɛ le ba dwee taa.

Amanesoma Luk Aa Chwera Tɔn 8:35

Bela tena aa noa la, ba le ba bwɛɛre ta dɛ ba na waa aa chiɡa la. Baa ba Yeesu be la, dɛ baa la kondamanta fa aa lɔ o nɛɛ la, dɛ o kwaa la bwa kaalɔ, o liire ba harɛ, o do laala dɛ so Yeesu sie. Baa na ɡɛ waa nɔ la, ba ɔmɔ.

Yela 131:1

N Naa Korowii, n ɡel mbarafo ɛɛ, maa n te ɡɔɔ kpa. N liire toole wejena kɛɛ nyokpowa aa ɡwaa n nɛɛ ta.

Yela 116:7

Anomanta, n liiro ŋɔ, N wee, ɡel he baah sɔɔh name, nyiŋa Korowii aa nyiŋi n nɛɛ la wa.

Sɛɡla 3:17

O ɡelɔ he soɡa bini ɛɛ do wer, dɛ́ berɛ ɡel hɛɛ dɔ bosɔɔhna.

Aesaya 28:12

Korowii ŋɔ ba be ŋɔ, “Ona bɔree la, nomɛlbwa waa koah la, ó ba onɛ,” dɛ berɛ ŋɔ, “Deŋnesɔɔhna bɔree” kɛ baa no.

Aesaya 29:19

Nɛŋɡwɛɡra sie ɛɛ berɔɔ lɛ Korowii waa ta ja, nyaara hɛɡre Israel Nɛŋɡoroŋ la wa.

2 Webena 10:11

N mɛɛ ɡelɔ he ɛ tomkpeɡa, n te ɛɛ ɡeloo he ɛ ɡwaa ɡɛ. Chweema nee n mɛɛ tɛr he deŋne, kɛ n te ɛɛ kpɔ balansoo tɛr he deŋne.”