Matiu 11:22 - mzwDBL

²² Kasinteŋ, awola Korowii aa ba dɛ́ ba bol nɛra bwa waa dɛ́ pa bole la, wɛɛ na Taaya ne Sidon tena sumii ɡwaa heya.

Matiu 11:22 Referans Kwoze

Matiu 11:24

Kasinteŋ, hé jemɛ kɛŋɔ awola Korowii aa ba bol nɛra bwa waa dɛ́ pa bole la, wɛɛ na Sodom tena sumii ɡwaa heya.”

Matiu 10:15

Kasinteŋ, awola Korowii aa ba pa nomɛlbwa bole la, waa Sodom ne Gomoora tena aa naa la ɡba ɛɛ bɔ a ɡɛ bwɛɛ la tena waa.”

1 Jɔn 4:17

Waa lawɛ yaa pɛl o nɛɛ la, a taa a che nyina la do ya nɛɛ kɛrɛdɛ ka tonɛ, asɛ ya dɔ hwɛɡa awola Yeesu aa ba, dɛ́ ba bol nɛndɛɛɡa ne wechɔɡ-ɛɛra bwa waa dɛ́ pa bole la. Yaa Yeesu bala waa ɔmɛ, dɛkalkɛ ɡɛ o da aa doa la, ɡɛ tentenee ya ɡe do nɛra baa dɔ harɛ nɔ ta ɡbo liire bini.

Matiu 12:36

N dɛ ŋɔ he be ŋɔ, wesale bɛlbwa nomɛlbwa aa bola la, wɛɛ baɡle a munii awola Korowii aa ba dɛ́ ba bol nɛra bwa waa dɛ́ pa bole la.

Amanesoma Luk Aa Chwera Tɔn 10:14

Awola Korowii aa ba pa bole la, wɛɛ na bwɛjena Taaya ne Sidon tena sumii ɡwaa heya.

Ɛsekeɛl 29:18

“Nɛwɛnyini bie, Babelɔn Kooro Nebukadnesa kpɔ o laa tena ka yo bwɛjen Taaya tena. O ɡelɔ o laa tena la che bontɔɡa ba nyuune ɡba, ba vaama swe. Kɛ kooro la ne o laa tena la bɛlbwa ta tɔnɔ bɛlbwa dɔe le a ta.

Jeremia 27:3

Asɛ Korowii ŋɔ n be ŋɔ, ń kpɔ kala tɛ nomonome baa cheɡɛ koranar baa lɔ Edom ne Moab harɛre ta, ne bwɛjena Amɔn ne Taaya dɛ Sidon naa ta, dɛ ba Kooro Sedekia be Jerusalam la.

Jeremia 25:22

ne koranar baa lɔ bwɛjena Taaya ne Sidon bwa, ne harɛre aa lɔ ba lɔɡa dɛ do mpo la baŋ bwa,

2 Pita 3:7

Gɛɛ Korowii ŋɔ nyundua kwaa bwa ne harɛ kwaa bwa aa lole taraken nɔ, á do le ɡɛ, ásɛ nii ɛrɛ ba fuah awola waa dɛ ba nɛra baa wola on tomɛ waa bola dɛ́ pa bole, dɛ́ chɔɡ ba la.

2 Pita 2:9

He nyiŋo na naa, dɛ Korowii te jemɛ ɡɛ waa dɛ lɛ nɛra baa dɛ ɔmɔ dɛɛ le Bɔnsam daahna ta, dɛ jemɛ ɡɛ waa dɛ tɛr wechɔɡ-ɛɛra deŋne, dɛ́ ka tel awola waa ba bol nɛra bwa waa dɛ́ pa bole la.

Hibru 2:3

A do ɡɛ naa, ya lɛɛ waa nɔ aa ɡwaa nyundua toroma waa la kohona nɔ, dɛ ya vɛah aa, ɛrɛɛ yaa ba ɛɛ dɛ́ leɔ? Ya Dɔɔ Yeesu ɡbaɡba fa tɔ sie bol ya lɛɛ waa nɔ, asɛ nɛra baa noa ɡe di danseɛ ya be kɛ a ɛ kasinteŋ.

Joel 3:4

Nɛra haa lɔ bwɛjena Taaya ne Sidon dɛ harɛre aa lɔ Filisti bwa, bɔkwa waa n ne he dɔɔ? He dɛ bɔ mɛ waane maa ɛ heyaa kem kɛɛ? Dɛ kemee hɛɛ bɔ mɛ tenaa, mɛɛ ɡeloo a berɛ ba ɡure he nyu ta warane.

Matiu 11:21

“Korasen tena, hé bwɛɛlɛ. Hɛɛ na waa taeh! Bɛtsaeda tena, hé ɡe bwɛɛlɛ. He ɡee na waa taeh! Nyokpowaa nɔ maa ɛa he bini nɔ, dɛ Taaya ne Sidonee n fee ɛa nɔ naa, ba fe charɛ ba liire le ba wechɔɡa ta biɡri, dɛ tɔ lweyale dɛ kpɔ tɔɔ fɔɡɛ ba bwara bwa.

Wepila 20:11

N berɔ na kookara damanta ompoŋ bɛl. Nɛn waa soɡe o ta la, nyundua ne harɛ nao dɛ nyoɡre, ba ta on nae kpa.

Wepila 20:12

Belaa n na nɛra baa serewa bwa, ba bini nomonjena ne bechale bwa, asɛ ba che kookara la sie. Ba pili tɔne ane, asɛ dɛ berɛ pili onɔ la waa ɛ Mkpa Tɔn la. Belaa Korowii che toma nɛra la aa ɛa mɔɔ dɛ serewe a do tɔne la bini la ta, dɛ bol ba waa dɛ pa bole.