Matiu 10:42 - mzwDBL

⁴² Kasinteŋ, dɛ nomɛlbwa koh n wa, dɛ tɛ n habɔteŋra bechale nɔ bini bɛlbwa nesɔna o nyɔ aa, waa o kembɔr paŋa ba bwa.”

Matiu 10:42 Referans Kwoze

Hibru 6:10

Korowii ta nɛn waa wola waa ɛ aŋwɛnɛ ta ɛɛ, á ba ɛ kɛŋɔ wɛɛ soh he tondɛɛɡa haa dɛ ɛ, ne ɡɛ haa dɛ nyinu dɛ koh a waa cha o nɛra dɛ ta ɛɛ cha ba la waa.

Matiu 25:40

Ásɛ n ŋɔ ba be ŋɔ, ‘Kasinteŋ, ɡɛ haa cha n nimanar baa ɛ nɛŋɡwɛɡra waa nɔ dɔŋa puu ba la, menee he cha la.’

Matiu 18:10

Yeesu berɔ ŋɔ, “Hé nyiŋi kɛrɛdɛ dɛ bɛ n bechajeɡre nɔ bɛlbwa nyiŋi vah. N dɛ ŋɔ he be kɛŋɔ, nyundua toroma baa dɛ nyiŋi ba nɛɛ la won n Mɛɛ sie laŋa saŋ te bɛlbwa.

2 Kɔrent 8:12

Dɛ he bambile lawɔ kɛ hɛɛ tɛ suuɡaa yaa, ɡɛ bwa haa dɔa dɛ tɛ la, aa su Korowii siwii. Waa ŋɔ hé tɛ ɡwaa ɡɛ haa dɔa.

Amanesoma Luk Aa Chwera Tɔn 6:35

Hɛ́ɛ nyin he dɔma wa, dɛ́ ɛ wedɛɛɡa dɛɛ tɛɛ ba. He dɛ kemɛ nɛra kwa aa, he bɛ a lɛɛ waa dɛɛ lii. Dɛ he dɛ ɛ ɡɛ naa, anee hɛɛ ba kembɔr dɔe kohona dɛ́ ɛ he Mɛɛ Nemenɛ Korowii la bii. O te dɛ nyiŋi wechɔɡ-ɛɛra ne boniayɛ tena bwa.

Sɛɡla 24:14

Jemɛ kɛŋɔ wejema wer tɛ he wee, he dɔ wejema aa, he dɔ hwɛɡa he soɡa bini kerekere.

Sekaria 13:7

Koranar Bwa Kooro ŋɔ, “Mɛɛ ir n keree dɛ́ kpo n peteɡre waa dɛ tom mɛ la. Kpo peteɡre la ásɛ peera la lɔ peɡre ń dɔ bɔr kpoo a bii la.”

Amanesoma Luk Aa Chwera Tɔn 17:2

Dɛ ba vɔwɛ nambwe do naate baŋa dɛ kpɔɔ ka ta mpo vil ta kwara naa, a fe bɔ kɛŋɔ waa ɡela bechajeɡre nɔ dɔŋ bɛlbwa ɛ wechɔɡa.

Matiu 18:14

Gɛɛ a do he Mɛɛ waa lɔ nyundua la aa wola nyin kɛŋɔ bechale nɔ bini bɛlbwa nyoɡre.”

2 Koranar 4:10

Gel ya ma dejeɡa bɛl ya dem nɔ saldoa, dɛ́ ɛ mpa ne teebur ne kara dɛ kandea cheɡ o bini tɛo, ásɛ o balaa wɛɛ do o bini.” Asɛ o sɛh.

Sɛɡla 19:17

Nɛn waa dɛ ɛ nyaa kɛrɛdɛ la, Korowiirii o kpɔ dɛɛ kemɛ, waa waa ɛa la, o dɛ tɛo a nachiɡe.

Wejereme 11:1

Kpɔ he paanoo ta nee sie, tɔpera ane habɔɔ la, wɛɛ berɔ ba he be.

1 Koranar 17:11

Haah la aa dɛ kaa ka ɛ nee la, Elaeja berɛ ŋɔ, “Mɔn paanoo tama ja ba tɛ mɛ.”