Matiu 10:2 - mzwDBL

² Yeesu toroma fi dɛ banɛ la waa kpɔ ba laanee nɔ. Seemɔn waa pa o sɔn Pita la ne o nime Andriu, ne Jems ne o nime Jɔn baa ɛ Sebedii bii la,

Matiu 10:2 Referans Kwoze

We-ɛɛla 1:13

Dɛ ba dɔ dea abrɔsane bɛl doa Jerusalam. Ba la Jerusalam dɛ ka jo o bini. Ba nɛra baa jo dea la bini laanee, Pita ne Jɔn, ne Jems ne Andriu, ne Felep ne Tɔmas, ne Batolomeo ne Matiu, ne Alfeɔs bie Jems, ne Seemɔn Sɛlɔt, dɛ Jems bie Judas.

Matiu 4:21

Waa dɛ kaa sie la, o berɔ ka na Sebedii bii banɛ, Jems ne o nime Jɔn, dɛ ba ne ba mɛɛ lɔ ɡbera bini dɛɛ tɔɔɡe ba asauri, asɛ Yeesu yer ba.

Amanesoma Jɔn Aa Chwera Tɔn 12:22

Belaa Felep ka ŋɔ Andriu be, asɛ ba bwa la ka bol Yeesu be.

Amanesoma Jɔn Aa Chwera Tɔn 6:8

Anee Yeesu habɔteŋra la bini bɛl waa ɛ Seemɔn Pita nime baa yerɔ Andriu la ŋɔ Yeesu be ŋɔ,

Amanesoma Luk Aa Chwera Tɔn 5:10

Gɛ tentenee a ɛ ba bala Sebedii bii Jɔn ne Jems la nyokpoa. Belaa Yeesu ŋɔ Seemɔn be ŋɔ, “Dɛɛ berɛ ɔma. Le fini dɛɛ kaa, hɛɛ ɡel pɛŋa nyinaa dɛ́ baa teŋɛ n nɛ, ásɛ n baɡle heyaa ɡɛ baa nyin nɛra baa tɛ Korowii.”

Matiu 4:18

Yeesu aa dɛ valɛ Galilia Moo la nyoa la, o na baala banɛ baa dɛ ɛ nee toma dɛɛ ta asau. Baala banɛ laanee Seemɔn baa dɛ yerɔ Pita la ne o nime Andriu.

Amanesoma Luk Aa Chwera Tɔn 11:49

Anɔ waa Korowii bol o Tɔn la baa dɛ yerɔ Wejema la bini ŋɔ, ‘Mɛɛ tomɛ n keamere ne toroma ba bee, baa kpoo banee dɛ́ fiiɡi bane’ la.

Wepila 1:9

Menee Jɔn maa ɛ he dɔŋ, dɛ koh pɛɛ ya bwa ne Yeesu Kristo aa pɛa la waa dɛɛ na wahala, dɛɛ tomɛ Korowii o Kora ta, dɛɛ lawɛ bambile wobɛlbwa ta la. N lɔ ekwi harɛ baa dɛ yerɔ Patmɔs la ta, bela baa koah kɛŋɔ n bol Korowii Waa dɛ ɛ Yeesu danseɛ dɛ laɡ mɛ ka ta la.

2 Jɔn 1:1

Men Nomoa Jɔnee chwerɛ tɔn nɔ dɛɛ tɛ haah la Korowii aa leo cheɡ dɛ tɛ o te la, ne o bii maa koh beŋkpoŋ ya bwa aa ɛa Korowii kasinteŋ waa la ta dɛɛ nyin ba la. N ɡbo laa dɛɛ nyin ba ɡɛ. Nɛra baa jemɛ Korowii kasinteŋ waa la bwa ɡe jao,

2 Pita 1:1

Men Seemɔn Pita maa ɛ Yeesu Kristo bonɔɔ dɛ ɛ o torome la, men chwerɛ tɔn nɔ dɛɛ tɛ he nɛra haa dɛ yarada Yeesu Kristo waa ɛ ya Korowii ne ya Lɛɛ la. O wa aa toɡra nomanta, o tɛ heyaa ya yarada waa wera nɔ dɔŋ.

1 Pita 1:1

Men Pita maa ɛ Yeesu Kristo torome la, men chwerɛ tɔn nɔ dɛɛ tɛ he Korowii nɛra haa peɡra dɛ ka ɛ hɔɔhra Pɔntos, ne Galaasia, ne Kapadoosia, ne Eesia dɛ Bitiinia harɛre ta la.

Hibru 3:1

Anomanta, n bala Korowii nɛra waa le ya ne he bwa tɛ o te, hé ta sie nyiŋi Yeesu na. Korowiirii tomɔ ŋɔ ó ba ɛ ya waa yaa dɛ yarada nɔ Sɔfonomoa.

Ɛfesos 4:11

Onee kɛ nɛra kwaa la. Kwaa waa kɛ nɛra laanee nɔ. O cha bane ba won che o kpeɡri ta dɛ ɛ o toroma, dɛ cha bane ba won che o kpeɡri ta dɛ bol o wa, dɛ cha bane ɡe baa bol o Amanesoma la. O cha bane ɡe baa nyiŋi o nɛra nɛɛ dɛɛ baɡ ba o ŋwɛnɛ ta teŋa.

1 Kɔrent 15:7

A habɔɔ la, Jems nao, asɛ Yeesu toroma bwa nao.

We-ɛɛla 12:2

O ɡelɔ ba teŋe Jɔn dɔɔ Jems nyu.

We-ɛɛla 3:1

Awola bɛl, Pita ne Jɔn la Korowii Dea wekee saŋ. A ɡɛ saŋ nɔɔ nɛra la bwa cheme dɛɛ soŋe Korowii webaŋa.

We-ɛɛla 1:26

Baa ta bie la, Matayasee dia, asɛ ba kpɔɔ ja Yeesu toroma fi dɛ beŋkpoŋ la nɛ.

Amanesoma Jɔn Aa Chwera Tɔn 21:24

A ɡɛ habɔteŋre nɔɔ baɡle ɡɛ waa nɔ dɛ chwerɛ a bwa bil. Ya jemɔ kɛŋɔ a ɛ kpela.

Amanesoma Jɔn Aa Chwera Tɔn 21:20

Baa dɛ kaa la, Pita keo nyiŋi dɛ na kɛŋɔ o dɔŋ habɔteŋre Yeesu aa dɛ nyinu kohona la teŋɛ ba nɛ. Onee fa soɡa kpaɡɛ Yeesu ɡɛ saŋ o ne o habɔteŋra la aa chema tiɡ ta, asɛ dɛ bɔɔro naate waa dɛ ba o lee tɛ la.

Amanesoma Jɔn Aa Chwera Tɔn 21:2

Dɛ o habɔteŋra Seemɔn Pita ne Tɔmas baa dɛ yerɔ Kpar la, ne Nataaneɛl waa le Keena waa lɔ Galilia harɛ ta, ne Sebedii bii, dɛ ba bini banɛ pɛo so.

Amanesoma Jɔn Aa Chwera Tɔn 20:2

Waa na ɡɛ la, o chwao la Seemɔn Pita ne o dɔŋ Yeesu aa dɛ nyinu kohona la be dɛ ka ŋɔ ba be ŋɔ, “Ba laa ya Dɔɔ kpɔ lalbɔɔ la bini, yaa jemɛ bela baa kpɔɔ bil.”

Amanesoma Jɔn Aa Chwera Tɔn 13:23

Dɛ ba bini bɛl Yeesu aa dɛ nyinu kohona la soɡo kpaɡɔ.

Amanesoma Luk Aa Chwera Tɔn 22:14

Bɔr aa maɡra kɛŋɔ bá di Galekaa kondikwaa la, Yeesu ne o toroma la kaa so dɛɛ ba kwaa dii.

Amanesoma Luk Aa Chwera Tɔn 22:8

Yeesu tomɛ Pita ne Jɔn dɛ ŋɔ ba be ŋɔ, “Hé kaa dɛ́ ka ɛ Galekaa kondikwaa ásɛ ya ba di.”

Amanesoma Luk Aa Chwera Tɔn 9:10

Yeesu toroma la balɔ dɛ ba bol waa baa kaa ɛ o be, asɛ o kpɔ ba le nɛnlaa la bini ba kaa bwɛɛ bɛl baa dɛ yerɔ Bɛtsaeda la ta.

Amanesoma Mak Aa Chwera Tɔn 13:3

Asɛ Yeesu so Ɔlevere Bwejen la doa dɛɛ nyiŋi Korowii Dea la, asɛ Pita ne Jems ne Jɔn dɛ Andriu ɡbo ba o be, dɛ ba bɔɔro ŋɔ,

Amanesoma Mak Aa Chwera Tɔn 1:29

Baa le cheremi dea bela la, ba ne Jems ne Jɔn pa sie kaa Seemɔn ne Andriu dem.

Matiu 26:37

O kpɔ Pita ne Sebedii bii banɛ la dɛ kaa bela. Dɛ o loo kuu, o ta nae ɡɛ bwa waa ɛ o te.

Matiu 20:20

Asɛ Sebedii haah ne o bii ba, dɛ ba ɡuŋi Yeesu sie dɛ soŋo ŋɔ, ó ɛ waane tɛɛ ba.

Matiu 17:1

Aa di tɔpera anumɛl la, Yeesu tɔ Pita ne Jems ne o nime Jɔn sie ba ka teeh bwejen bɛl, dɛ ɡbo ka so o doa bobɛl.

Wepila 22:8

Men Jɔn, menee no waa nɔ dɛ naa. Maa noa dɛ naa la, n ɡuŋi nyundua torome waa baɡ mɛ waa nɔ la sie, dɛ fee ŋɔ ń duuru,

Wepila 1:1

Waa nɔ aa lɔ tɔn nɔ bini nɔ, Korowiirii kpɔa baɡle Yeesu Kristo, ásɛ o kpɔ baɡle o bonɔɔna ne toli bá won jemɛ wa aa dɛ ba ɛɛ taraken. Yeesu Kristo ɡelɔ nyundua torome bɛl ba o bonɔɔ Jɔn be dɛ ba baɡlo a wa.

3 Jɔn 1:1

Men Nomoa Jɔnee chwerɛ tɔn nɔ, dɛɛ tɛ n dandɛɛɡe Gayos maa koh beŋkpoŋ ya bwa aa ɛa Korowii kasinteŋ waa la ta la, dɛɛ nyin he waa la.

Wepila 18:20

Korowii doa tena ne Korowii nɛra he wa aa toɡra, ne Yeesu toroma, dɛ Korowii keamere, hé ɡel he sie lɛ a wa, dɛkalkɛ Korowii tɛr o deŋne wechɔɡa waa kpɔa ɛ heyaa la wa.”

Amanesoma Mak Aa Chwera Tɔn 6:30

Nɛra Yeesu aa tom ba la berɔ ba o be, dɛ ba bol anla baa ɛa ne anla baa baɡla dɛ chaɡlo.

Amanesoma Jɔn Aa Chwera Tɔn 6:67

Anee o bɔɔ o habɔteŋra fi dɛ banɛ la ŋɔ, “He ɡe dɛ nyin kaala kɛɛ?”

Amanesoma Jɔn Aa Chwera Tɔn 6:70

Belaa Yeesu chaŋe ŋɔ, “Menee le he nɛra fi dɛ banɛ nɔ, kɛ he bini bɛl ɛ Bɔnsam nɛn.”

Amanesoma Jɔn Aa Chwera Tɔn 6:71

Dɛ Seemɔn Eskareɔt bie Judas waa wɛɛ bol la. O habɔteŋra fi dɛ banɛ la bɛlee, kɛ onee dɛ́ ba leo tɛ.