Matiu 10:1 - mzwDBL

¹ Yeesu yerɛ o toroma fi dɛ banɛ la cheme dɛ tɛɛ ba kpeɡri báa kpɔ doŋi kwaa aa dɛ ir nɛra nɛ, ásɛ dɛ won chah weela bɛlbwa ɡe.

Matiu 10:1 Referans Kwoze

Amanesoma Luk Aa Chwera Tɔn 10:19

Hɛ́ɛ no! N tɛ heyaa kpeɡri kɛŋɔ hé tiɡri harɛkwaare ne nɔrɔme nɛ, dɛ́ pɔ ya dɔm Bɔnsam ne o toroma bwa nɛ, wobɛlbwa aa wola won ɛ heya.

Amanesoma Luk Aa Chwera Tɔn 24:49

Kɛ hé no, n ɡbabir ɛɛ tomɛ kon n Mɛɛ aa baɡɛ heyaa nyoa laanee he be. Anomanta, hé so bwɛjen nɔ ta ka tel kɛŋɔ kpeɡri la aa le nyundua ba he be.”

We-ɛɛla 1:8

Kɛ dɛ Korowii Domadɛɛɡe la baa so he nɛ aa, wɛɛ tɛ heyaa kpeɡrii ásɛ he di danseɛ tɛ mɛ Jerusalam fɔɡbaah, ne Juda harɛ kabora bwa ta, ne Samaria harɛ ta, ne harɛ jaɡa bwa.”

Amanesoma Jɔn Aa Chwera Tɔn 3:27

Belaa Jɔn ŋɔ, “Nomɛlbwa toole dɛ́ won dɔ komɛl dɛ Korowii laa tɛo.

Amanesoma Luk Aa Chwera Tɔn 6:13

Tɔ aa pera la, o yerɛ o habɔteŋra la, asɛ dɛ kpɔ ba bini fi dɛ banɛ dɛ ŋɔ o toromaa ban.

Amanesoma Luk Aa Chwera Tɔn 21:15

Menee dɛɛ ba n tɛ heyaa waa haa ka bol la, dɛ tɛ heyaa wejema ásɛ he dɔma bɛ won di bɔ heyaa kɛɛ dɛ́ tɔŋle heya.

We-ɛɛla 19:15

Awola bɛl, baa ŋɔa ba kpɔ Yeesu sɔn doŋi kwaa nomɛl nɛɛ la, a ɡelɔ o ŋɔ ba be ŋɔ, “N jemɛ Yeesu, dɛ jemɛ Pɔɔl ɡe. Asɛ he ɡe, heyaa bamewaɔ?”

Amanesoma Jɔn Aa Chwera Tɔn 17:2

He tɛ mɛ kpeɡri nɛra bwa nɛ, asɛ n won kpɔ mkpa aa wola jaɡa dɔe tɛ nɛra haa kpɔ ba tɛ mɛ la.

Amanesoma Jɔn Aa Chwera Tɔn 6:70

Belaa Yeesu chaŋe ŋɔ, “Menee le he nɛra fi dɛ banɛ nɔ, kɛ he bini bɛl ɛ Bɔnsam nɛn.”

Amanesoma Jɔn Aa Chwera Tɔn 3:35

Korowii nyin o Bie la taeh, dɛ kpɔ wobɛlbwa kpeɡri do o nɔn ta.

Wepila 12:1

N na wejena ane aa ɛ nyokpo wa dɛɛ baɡle waane Korowii doa. Haah bɛl kpɔ wee tɔ, dɛ kpɔ korobie ɡe do o nakpale lɔɡre, dɛ ɡuɡri weweela fi dɛ anɛ pi o nyu, kɛŋɔ kooɡbɛrɛ ken.

Matiu 26:47

Yeesu nyoa ta aa lɔ waa ta wɛɛ bol la, dɛ Judas waa ɛ o habɔteŋra fi dɛ banɛ la bini bɛl la denɔ ba. Dɛ nɛnlaa tenten Sɔfonomonome ne bela nomonome aa tom ba kpoŋe keri ne ɡule ja Judas nɛɛ ba ba.

Matiu 26:20

Bɔr aa joa la, Yeesu ne o habɔteŋra la laŋɔ dɛ ka so dɛɛ di kwaa la.

Matiu 19:28

Anee Yeesu ŋɔ o be ŋɔ, “Kasinteŋ, n dɛ ŋɔ he be, ɡɛ saŋ Korowii aa ba beɡre kwaa bwa anfala, ásɛ Men Nɛn Bie nɔ ba so n kookarajen la ta la, he nɛra fi dɛ banɛ nɔ haa teŋɛ n nɛɛ nɔ ɡee so kookane fi dɛ anɛ taa, dɛ́ bol nɛra baa le Israel deene fi dɛ anɛ la bwa waa dɛ́ pa ba bole.

Matiu 6:13

Dɛɛ ke yaa wechɔɡa luɡri ta. Le yaa musu ta. He kora dii, ne he kpeɡri, ne he jirima ta jaɡa dɔe bwa. Aamen.’

Matiu 4:23

Yeesu ɡaaɡe Galilia harɛ ta bobɛlbwa, dɛ jo cheremi deene bini, dɛɛ chaɡle nɛra Korowii Kora la Amanesoma wa, dɛɛ chah nɛra baa dɛ we weela bwa soo siwi.

Matiu 9:35

Yeesu ɡaaɡe bwɛjena ne anjeɡre bwa ta, dɛ bol Korowii Kora Amanesoma baɡ ba ba cheremi deene, dɛ chah nɛra baa we weela te bɛlbwa soo siwi.

Matiu 9:38

Anomanta, hé soŋe Koo Te ásɛ o kpɔ tom-ɛɛra bane ba ja, bá ka ɛ a toma.”