Matiu 1:6 - mzwDBL

⁶ asɛ Jese lolɛ Kooro Devid. Kooro Devid lolɛ Solomɔn. Solomɔn nyaa haah bɛl Uria fa aa moo ka la,

Matiu 1:6 Referans Kwoze

1 Koranar 15:5

Kooro Devid ɛ waa aa wera Korowii be, o ta wobɛlbwa Korowii aa doo a ta kone o soɡa bini bwa. Atane Uria Hiti te la ɡbo waa ta.

1 Samoɛl 17:12

Devid mɛɛ sɔne Jese. O le Efrat waa lɔ Bɛtlɛham, Juda harɛ ta. Jese bibaala lɔ banuatoro. Gɛ saŋ Kooro Sɔɔl aa di kora Israel la, dɛ o hwɛɛhrɔ kɛrɛdɛ.

1 Webena 14:4

Bii baa lola tɛo bela laanee Samoa ne Sobab ne Netan dɛ Solomɔn,

1 Webena 3:5

Bibaala baa lola tɛo Jerusalam laanee, Samoa ne Sobab ne Netan dɛ Solomɔn. O ne o haah Batsiiba waa ɛ Ameɛl bihaah la bibaalaa banaarɛ nɔ.

2 Samoɛl 23:1

Jese bibaa Kooro Devid ɛ nomɛl Nemenɛ Korowii aa ɛo nɛnjen. Korowii Jekɔb aa tomɔ laanee leo cheɡ tɛ o te, asɛ o ɛ yelɡoɡoo Israel harɛ ta. Waa Kooro Devid aa ka mun bol laanee nɔ,

1 Samoɛl 16:1

Awola bɛl, Korowii ŋɔ Samoɛl be ŋɔ, “Saŋ besoo hɛɛ nyin he wi Sɔɔl ka tel, dɛ́ le vɛɛh maa vɛoh kɛ Israel kooro nɔɔ? Do noo pebal nyeɡle ta, ásɛ dɛ chiɡ ŋwɛnɛ ta ń tomɛ Jese be Bɛtlɛham. N le o bibaala la bini bɛl dɛ cheɡo kooro tɛ Israel tena.”

Tɔn Pɔɔl Aa Chwerɛ Rom Tena 8:3

Nɛwɛnyini mar aa do ɡɛ, waa wola kpeɡe dɛɛ tɔ Mmara ŋwɛnɛ, asɛ Mmara lɛ nɛwɛnyini kahonɛ la, Korowii te wono lɛ nɛwɛnyini. O ɡelɔ o Bie tenten kpɔ nɛwɛnyini mar wechɔɡa aa suu nɔ dɔŋ, dɛ ba chɔɡ liichɔɡa kpeɡri o fa aa dɔa nɛwɛnyini nɛɛ la dɛ laa wechɔɡa kpɔ,

Aesaya 11:1

Kooro bɛl ɛɛ le Jese bie Devid luɡe taa dɛ́ ba, kɛŋɔ daa yon pamɛ le o muŋkpul ta, dɛ dɔ kpala dɛ nɔnɛ la.

Yela 72:20

Jese bibaa Kooro Devid wesoŋa la jaɡaa nɔ.

1 Webena 28:5

Korowii tɛ mɛ bibaala warɛ taeh, o le Solomɔn ba bini ŋɔ ó so Israel kora waa ɛ Korowii kon ta.

1 Webena 11:41

ne Uria waa ɛ Hiti te, ne Alae bibaa Sabad,

1 Webena 2:15

Osem teŋɛ numɛl, Devid teŋɛ nuanɛ.

2 Samoɛl 23:39

dɛ Uria waa ɛ Hiti te la. Ba bwa lɔ nɛra fifraatoro dɛ banuanɛ.

2 Samoɛl 11:3

asɛ o tomɛ nomɛl ŋɔ ó ka pɛɛ haah la waa ba tɛo. Asɛ naate chaŋo ŋɔ, “Eliam bihaah Batsiiba laa aa? Hiti te baa dɛ yerɔ Uria la haahnee.”

1 Samoɛl 22:8

Amɔ a waa he bwa sɔh dɛɛ vɔrɔwe n vɔrɔwa nɔ naa? Nomɛlbwa ta n be bolɛ ŋɔ n bie ne Jese bie fɔwɛ fɔo. Bɛlbwa waane laa n wa kɛɛ dɛ bol n be ŋɔ n bie ɡelɔ n bonɔɔ Devid ɛɛ vɔrɔwe n vɔrɔwa dɛ́ kpo mɛ, ɡɛ waa ɛa fini nɔ.”

1 Samoɛl 17:58

Kooro Sɔɔl bɔɔro ŋɔ, “Bonɔɔ, ume bie hen nɔ?” Anee Devid chaŋe ŋɔ, “N dɔɔ, he bonɔɔ Jese waa le Bɛtlɛham la biee men.”

Rut Tɔn 4:22

Ɔbɛd lolɛ Jese, asɛ Jese lolɛ Kooro Devid.

Matiu 1:5

Salmon lolɛ Boas, o nya sɔne Rahab, Boas lolɛ Ɔbɛd, o nya sɔne Rut, Ɔbɛd lolɛ Jese,