Matiu 1:21 - mzwDBL

²¹ Wɛɛ lolɛ bibaalee, ásɛ he pa o sɔn Yeesu, o munii kɛŋɔ Lɛɛ, dɛkalkɛŋɔ on dɛɛ ba bala dɛ́ ba lɛ o nɛra ba wechɔɡa ta.”

Matiu 1:21 Referans Kwoze

We-ɛɛla 13:23

Gɛ Devid nɔ dea taa Korowii le Yeesu waa baɡɛ Israel tena nyoa ŋɔ wɛɛ ɡeloo ó ba lɛɛ ba la.

We-ɛɛla 4:12

Dɛ Yeesu laa aa, nomɛlbwa toole dɛ́ won lɛ yaa. Nomɛlbwa toole harɛ nɔ ta bobɛlbwa yá yerɔ o won lɛ yaa ka ja Yeesu nɛ.”

Amanesoma Jɔn Aa Chwera Tɔn 1:29

Tɔ aa pera la, Jɔn na Yeesu kɛŋɔ waa dɛ ba o be. Belaa Jɔn ŋɔ nɛra o ne baa cheɡa la be ŋɔ, “Hé na Korowii Pebie waa dɛ ba nɛra bwa wechɔɡa laa dɛ́ kpɔ ba nɛɛ la!

1 Jɔn 3:5

He jemɔ kɛŋɔ Yeesu Kristo ba harɛ nɔ ta, ásɛ dɛ ba laa wechɔɡa kpɔ, dɛ́ tɔ a ŋwɛnɛ. O te, dɛ wechɔɡa toole o nɛ.

Amanesoma Luk Aa Chwera Tɔn 2:21

Bie la aa dɔ yawanyoa la, ba teŋe o pen, dɛ pa o sɔn Yeesu, ɡɛ tenten nyundua torome la aa ŋɔa mɔɔ o nya kpoŋe o tea la.

We-ɛɛla 5:31

Korowii iru seo ta dɛ kpɔɔ ka so nomombɔr o diɡ ta, dɛ ɛo nɛra bwa Sitɔɔ ne ba Lɛɛ, asɛ dɛ koh o waa dɛ kpɔ Israel tena baa charɛ ba liire le ba wechɔɡa ta la wechɔɡa kɛ ba.

Amanesoma Luk Aa Chwera Tɔn 1:31

Hɛɛ kpoŋe tea dɛ́ lolɛ bibaa, ásɛ dɛ pa o sɔn Yeesu.

Taetos 2:14

O koh ya waa dɛ sewɛ dɛ won lɛ yaa le wechɔɡa bɛlbwa ta, dɛ laa ya doŋa bwa kpɔ ya nɛ, dɛ kpɔ yaa ɛ o ɡbo nɛra yaa swɛɛ siwi wedɛɛɡa ɛɛ ta.

Amanesoma Luk Aa Chwera Tɔn 2:11

Jwaana nɔ ne, ba lolɛ he Lɛɛ. He Dɔɔ Kristo Korowii aa baɡɛ nyoa ŋɔ wɛɛ tomɔɔ ó ba lɛ heyaa laanee ba lole Devid bwɛɛ la.

1 Jɔn 1:7

Korowii waa aa chaahna la, dɛ ya dɛ ɛ ya waa bwa a chaah kɛ on aa, dɛ ya ne yabala pɛo dɛ ɛ beŋkpoŋ. Dɛ Korowii Bie Yeesu chal la laa ya wechɔɡa bɛlbwa dɛɛ kpɔ ya nɛ.

Sekaria 9:9

Saayɔn tena, hé hɛɡre kohona, Jerusalam tena, hé moo ɡa. Hé nyiŋi na! He kooro dɛ ba he be, o waa toɡrɔ dɛ won nɛra lɛɛ, o pwɛre, o soɡe keeɡo bie ta, keeɡo bale taa o so.

We-ɛɛla 3:26

A waa Korowii le o Bonɔɔ la dɛ tɔ sie tomɔ he be, ásɛ o ba swee heyaa andɛɛɡa dɛ́ ɡel bɛlbwa charɛ o liire dɛ́ le o wechɔɡa ta la.”

Wepila 7:14

Anee n ŋɔ, “N Dɔɔ, maa jemɛ. He ken jem ba.” Asɛ o ŋɔ, “Banee fa lɔ wahala tenten la bini dɛ won le a nyoa la. Ba chɛɡɛ ba yale Pebie la chal la ta, a le dɛ to.

Hibru 7:25

Nomɛlbwa waa cheɡɛ Yeesu nɛɛ dɛ tuuh dɛɛ tel Korowii la, Yeesu ɛɛ lɛo waa wola nyoɡre kpa bwa. O lole saŋ bɛlbwa dɛ soŋe Korowii dɛɛ tɛ nɛwɛnyina.

Daneɛl 9:24

Korowii do bene fifraanuanɛ bele anuanɛ cheɡ kɛŋɔ he nɛra ne bwɛjen Jerusalam ɡel wechɔɡa ɛɛ. Baa kpɔ wechɔɡa bɛlbwaa kɛ, ásɛ waa aa toɡra do le saŋ bɛlbwa dɛɛ la. Gɛ aa ɛ ásɛ wepila ne Korowii waa aa dɛ ba bala ɛ kpela, ásɛ ba berɛ kpɔ Korowii Dea la do o nɔn ta.

Jeremia 23:6

O baa di kora aa, Juda tena ɛɛ dɔ bosɔɔhnaa, ásɛ Israel tena ɡe so deŋnesɔɔhna ta. Sɔn baa dɛɛ yerɔ laanee, ‘Korowii Waa Dɛ Lɛ Yaa.’

Mumpar 18:10

Asɛ baala la bɛl ŋɔ Abraham be ŋɔ, “Benanyoa ne chema saŋ nɔ bɔr ja mɛɛ berɔɔ ba he be. Kɛ n ne bala la, dɛ Saara lolɛ bibaa dawɛ o nakpale ta.” Dɛ Saara ɡe soɡe tɛnte dea la doonyoa Abraham habɔɔ dɛɛ no a bwa.

Amanesoma Luk Aa Chwera Tɔn 1:13

Anee nyundua torome la ŋɔ o be ŋɔ, “Sekaria, dɛɛ berɛ ɔma! Korowii no he wesoŋa. He haah Ɛlesabɛt ɛɛ lolɛ bibaalee tɛɛ, ásɛ he pa o sɔn Jɔn.

Jeremia 33:16

A ɡɛ saŋ la, mɛɛ lɛ Juda ne Jerusalam nɛra bwaa, ásɛ ba so deŋnesɔɔhna ta. Ásɛ baa yerɛ bwɛjen Jerusalam ‘Korowii Waa ɛ Ya Lɛɛ.’ ”

Mumpar 17:19

Ate, Korowii ŋɔ, “N noɔ, kɛ Saara ɛɛ lolɛ bibaalee tɛɛ he pa o sɔn Aesek. Onee mɛɛ ba ɡela n fɔo la chɔ n ne o baah ta, dɛ́ chɔ tɛ n ne o ɡe naanar. Wɛɛ ɛ fɔo waa wola jaɡa dɔe bwa.

Mumpar 17:21

Kɛ mɛɛ ɡeloo n fɔo la do n ne he bie Aesek Saara aa dɛ ba o lola benanyoa saŋ nɔ bɔr la baah.”

Sitɔɔla 13:3

Korowii nyundua torome ba o be ba ŋɔ, “He ɛ hambara, kɛ hɛ́ɛ kpoŋe tea dɛ́ lolɛ bibaa.

1 Samoɛl 1:20

Gɛɛ a do o kpoŋe tea, dɛ lolɛ bibaa dɛ pa o sɔn Samoɛl, dɛ ŋɔ, “Korowiirii n soŋe o tɛ mɛ.”

Matiu 1:25

Kɛ o ne o ta chɔe bwa dɛ ka tel kɛŋɔ waa lolɛ o bibaa la. Waa lolɔ la, Josef pa o sɔn Yeesu.

Amanesoma Jɔn Aa Chwera Tɔn 4:42

dɛ ŋɔ haah la be ŋɔ, “A ta ɛɛ kɛŋɔ he waa haa bola la ɡboo ɡela ya yaradao. Ya ɡbaɡba ɡe aa kpɔ deŋne no o waa la name la, anee ɡela ya yarada dɛ jemɛ kɛŋɔ nɛra bwa Lɛɛree nɔ kpela.”