Malakae 3:7 - mzwDBL

⁷ He ne he naawa bwaa berɛ habɔɔ kpo mɛ, dɛ vɛh me Mmarare ta teŋa. Hé berɛ ba n be, ásɛ n ɡe do sie he be. Kɛ he dɛ bɔɔ ŋɔ, ‘Ɛrɛɛ ya ɛ dɛ́ berɛ won ba he be nɔ?’

Malakae 3:7 Referans Kwoze

Sekaria 1:3

dɛ ŋɔ, “Dɛ he charɛ he liire dɛ berɛ ba n be naa, mɛɛ nyiŋi he nɛɛ.

Tɔn Pɔɔl Aa Chwerɛ Rom Tena 10:21

Kenii o baɡle ɡɛ Korowii aa bol Israel tena ɡe wa, “Saŋ bɛlbwaa n paɡri n nɔɔra kɛŋɔ ń lɛ n nɛra kɛ baa men yarada. Ba deŋne kpeɡri, baa waa ɡe no.”

Tɔn Pɔɔl Aa Chwerɛ Rom Tena 10:3

Baa ɡɛ Korowii aa ɛa dɛɛ lɛ nɛra kɛ nɛndɛɛɡa ba wa ɛɛ su o siwi jemɛ, anomanta, ba ɡbaɡba ŋwɛnɛɛ baa kpɔ, dɛ vɛh Korowii ŋwɛnɛ waa cheɡɛ o ta dɛ ɡel nɛra wa ɛɛ su o siwi la ta teŋa.

Jems 4:8

Hé suuh tel Korowii, ásɛ o suuh ba he be. Wechɔɡ-ɛɛra, hé charɛ he liire dɛ́ le he wechɔɡa ta. He banɔ la he liire aa ɛ anɛnɛ la, hé laa doŋa kpɔ he nɛ.

Mmarare 31:20

Dɛ ŋɔ, Mɛɛ kpɔ baa kaa harɛpare ondɛɛɡe maa baɡɛ ba naawa o waa la ta. Baa dɔ kondikwaa bɛlbwa baa dɛ nyinii dɛ́ di ba bwara sɔɔh ba. Kɛ ane a bwa, baa ka le n habɔɔ, dɛ́ ka tomɛ voɡa. Baa vɛɛh mɛɛ dɛ́ chɔɡ fɔo n ne baa fɔwa la.

Hosia 14:1

Israel tena, hé berɛ ba Korowii haa dɛ tomɔ be. He wechɔɡa ɡelɔ he choɡli!

Amanesoma Luk Aa Chwera Tɔn 15:16

Lɔr la nyoa baa do kpeɡri kohona, asɛ o baa pɛlɛ parakooni la kondikwaa kwaraa ta, kɛ nomɛlbwa ɡe ta on komɛlbwa tɛɛ.

Jeremia 3:22

Hé berɛ ba, he nɛra he wa aa wola kasinteŋ dɔe, dɛ berɛ habɔɔ kpo Korowii. Wɛɛ chah heyaa dɛ́ ɡel he waa berɛ dɔ kasinteŋ. He ŋɔ, “Ya sɛoh ŋɔ yaa berɔ ba Korowii be, dɛkalkɛ onee Korowii yaa dɛ tomɛ.

Matiu 23:27

Hé bwɛɛlɛ, Tɔnjerema ne Farisii tena, nɛra haa dɛ nyiŋi nɛra sie mɔɔ dɛɛ ɛ wa! He do kɛŋɔ ŋwam baa teɡɔ wɛɛ nyɛɡle. O nyundua la ɡboo wera, kɛ o bini te, hoɡa ne kompɔɔhla ɡboo.

Malakae 1:6

Koranar Bwa Kooro ŋɔ sɔfore la be ŋɔ, “Bie dɛɛ tɛ o mɛɛ jirima, asɛ bonɔɔ ɡe ɛɛ tɛ o nomoa duure. Menee he mɛɛ, ɛrɛɛ haa wola jirima kpɔe dɛɛ tɛ mɛ nɔ? N ɛ he dɔɔ, ɛrɛɛ haa wola duure kpɔe dɛɛ tɛ mɛ nɔ? He sɔfore, heyaa wola duure kpɔe dɛɛ tɛ n sɔn, kɛ he dɛ bɔɔ ŋɔ, ‘Ɛrɛɛ yaa wola duure kpɔe dɛɛ tɛ he sɔn ɔ?’ ”

Ɛsekeɛl 20:28

N laɡ ba ba harɛ maa ŋwɛɛra ŋɔ mɛɛ kpɔɔ tɛɛ ba la ta. Ba baa na deŋɡarejaŋa ne dajena aa dɔ papooni kohona dɛ ka ɛ sarahare bela. N baah di daawiile baa fuah a sɔɔh do som, ne sen sarahare baa ɛa tɛ voɡa la ta.

Ɛsekeɛl 20:21

Ba bii la ɡe ɛɛ mɛ deŋnekpeɡ. Bɛlbwa ta n waa ne me Mmarare la ta teŋɛ kɛrɛdɛ, a lole kɛŋɔ anee fe dɛ́ ɡel ba dɔ mkpa. Ba chɔɡ n Ona Tɔpera la. Asɛ n ŋɔ mɛɛ kpɔ n bandia kohonaa ba ta ba nɛ pua hɛŋle ɡbo harɛ ta bela, dɛ́ tɛr ba deŋne.

Ɛsekeɛl 20:13

Kɛ ane a bwa, ba ɛɛ mɛ deŋnekpeɡ pua hɛŋle ɡbo harɛ ta bela. Ba ta n waa ta teŋɛ, dɛ vɛh me Mmarare nomɛlbwa fe aa teŋɛ a ta ásɛ dɛ fe dɔ mkpa la. Ba chɔɡ Ona Tɔpera la. Anomanta, n ŋɔ mɛɛ kpɔ n bandia ba ta ba nɛɛ kohona, dɛ́ chɔɡ ba bwa pua hɛŋle ɡbo harɛ ta bela.

Ɛsekeɛl 20:8

Kɛ Israel tena ɛɛ mɛ deŋnekpeɡ, baa n waa no, ba ta voɡa la pae ta, ba ta Ijipt tena voɡare maa kia la ɡe ta leɛ. Anomanta, n ŋɔ mɛɛ kpɔ n bandiaa ba ta ba nɛɛ Ijipt harɛ ta.

Aesaya 65:2

Saŋ bɛlbwaa n paɡri n nɔɔra kɛŋɔ ń lɛ n nɛra ba deŋne aa kpeɡa, dɛɛ ɛ waa baa dɛ nyin.

Nehemia 9:26

Kɛ ba ɛɛ deŋnekpeɡ dɛ le he habɔɔ. Ba laa ba liire kpɔ he Mmara ta teŋa ta. Ba kpoo he keamere baa kah ba ŋɔ, bá charɛ ba liire ba he be la. Ba bol wedoŋa dɛ taah he sɔn la.

Malakae 3:13

Korowii ŋɔ, “He bol wedoŋa tɛ mɛ. Kɛ he berɔ bɔɔ ŋɔ, ‘Wedoŋa besoo ya bol tɛɛ nɔ?’

Jeremia 7:26

Kɛ he ta deŋne cheɡɛ dɛ no n be. Hale he bambile berɔ do kpeɡri dɛ ɛ deŋnekpeɡ tena kohona ɡwaa he naawa.

Tɔn Pɔɔl Aa Chwerɛ Rom Tena 7:9

Mmara aa wola toole la, dɛ wobɛlbwa toole n baŋa n so. Kɛ mmara aa bala la, belaa liichɔɡa ɡe ir, asɛ n na kɛŋɔ n sewɔ.

Jeremia 7:25

Le awola he naawa aa le Ijipt harɛ ta ba le fini, keraŋwɛnɛ bwaa n teŋɛ dɛɛ tomɛ toroma baa ɛ n keamere la he be.

Jeremia 16:11

Asɛ he ŋɔ ba be ŋɔ, ‘He naawa aa berɛ habɔɔ kpo men Korowii dɛ ka teŋɛ voɡare nɛɛ dɛɛ toma la waa. Ba vɛɛh mɛ dɛ ɡel me Mmarare ta teŋa,

Jeremia 16:12

kɛ he wedoŋa berɔ ɡwaa anɔ la he naawa aa ɛa. He bwa ɛ deŋnekpeɡ tena dɛɛ ɛ wechɔɡa, haa men duu.

Ɛsekeɛl 2:3

Korowii berɔ ŋɔ, “Nɛwɛnyini bie, n dɛ tomɛ n nɛra Israel tena be. Nɛra ba deŋne aa kpeɡa, ba ne ba naawa vɛɛh mɛ le saŋ la ba le fini.