Malakae 3:16 - mzwDBL

¹⁶ Kɛ banɔ la baa dɛ ɔmɛ Korowii bol waa dɔŋa be, asɛ Korowii do deŋne ba be, dɛ no waa bwa baa bola. Nɛra baa dɛ ɔmɔ dɛɛ tɛ o sɔn jirima la, ba chwerɛ ba sɔna do tɔn bini bil o sie, dɛ kpɔ dɛɛ lii ba wa.

Malakae 3:16 Referans Kwoze

Wepila 20:12

Belaa n na nɛra baa serewa bwa, ba bini nomonjena ne bechale bwa, asɛ ba che kookara la sie. Ba pili tɔne ane, asɛ dɛ berɛ pili onɔ la waa ɛ Mkpa Tɔn la. Belaa Korowii che toma nɛra la aa ɛa mɔɔ dɛ serewe a do tɔne la bini la ta, dɛ bol ba waa dɛ pa bole.

Yela 56:8

He na ɡɛ n bwara aa dɛ nyɛɡ, he ɡbabir jemɛ n suna maa dɛ di. A toole he tɔn bini ɡɛ naa?

Malakae 4:2

Kɛ he banɔ la haa dɛ duu mɛ la, kpeɡri maa kpɔ lɛ heyaa la ɛɛ ba he nɛɛ kɛŋɔ wechɛn yon le dɛɛ tɛ bokpeɡa la. Ásɛ he sie lɛ kɛŋɔ ba yon ya nae bii leɡ ta a sie lɛ aa jah la ken.

Wepila 15:4

Oo, n Naa Korowii, umee lole waa wola hen ɔmɔɔ? Umee wola hen sɔnee tɛɔ? He ɡboo do ɡoroŋ ka tonɛ. Harɛ ta nɛn te bɛlbwa ɛɛ ba ɡuŋi he siee dɛ́ tomɛ, dɛkalkɛŋɔ waa haa ɛa la toɡrɔ nomɛlbwa jemɛ.”

Hibru 10:24

Hé ɡel ya lii ɡɛ yaa ɛ, dɛ́ won dɛɛ do dɔŋa ɡbemba, ne dɔŋa nyina ne wedɛɛɡa ɛɛ ta,

1 Tesalonika 5:11

Anomanta, hɛ́ɛ do dɔŋa ɡbemba dɛɛ cha dɔŋa, ɡɛ haa dɛ ɛ nɔ.

Malakae 3:5

Men Koranar Bwa Kooro ŋɔ, “Mɛɛ bao warane dɛ́ ba bol he waa dɛ́ pa bole. Mɛɛ ba bol voɡra ne nɛra baa dɛ chɔɡ yal, ne dansewea tena ne nɛra baa dɛ faah ba tom-ɛɛra ba kembɔr ta, ne nɛra baa dɛ fiiɡi luhaahna ne bilalbii, ne nɛra baa wola nɛŋhɔɔhra waa bolɛ dɛɛ tɛɛ ba aŋwɛnɛ ta, baa wola men ɔmɛ bwa waa.”

We-ɛɛla 9:31

A habɔɔ la, asɔre tena baa lɔ Juda ne Galilia ne Samaria harɛre la bwara sɔɔh ba, asɛ Korowii Domadɛɛɡe la cha ba, nɛra baa ja ba nɛ, baa dɛ ɔmɛ Korowii dɛɛ teŋɛ o ŋwɛnɛ ta nomanta.

Aesaya 26:3

N Naa Korowii, henee dɛɛ tɛ banɔ la ba liire aa cheɡɛ bobeŋkpoŋ bosɔɔhna tenten, dawa baa kpɔ ba te dawɛ he nɛɛ la wa.

We-ɛɛla 10:2

O ne o dem tena bwa dɛ tomɛ Korowii. Dɛ o dɛ cha Juu tena baa ɛ nyaara la taeh, dɛɛ soŋe Korowii saŋ bɛlbwa.

Ɛsekeɛl 9:4

“Gaaɡe Jerusalam fɔɡbaahna, dɛ́ do nɛra baa na waa maa kia, asɛ baa wi dɛɛ di suna a waa la nso ba tili ta.”

Yela 34:15

Nɛra ba wa aa toɡra dɛɛ su Korowii siwi la, Korowii dɛ nyiŋ ba, dɛɛ no ba wesoŋa.

Ɛfesos 5:19

ásɛ dɛ ɡel o wobol ne o yela do he bambile bini he bola dɛ́ɛ tɛ dɔŋa, dɛ́ɛ ɡo yela aa dɛ baɡle o waa la ne anɔ la aa dɛ kpɛɛro. Hé kpɔ silɛɛ dɛ́ɛ kpɛɛ he Dɔɔ he bambile bwa ne,

We-ɛɛla 1:13

Dɛ ba dɔ dea abrɔsane bɛl doa Jerusalam. Ba la Jerusalam dɛ ka jo o bini. Ba nɛra baa jo dea la bini laanee, Pita ne Jɔn, ne Jems ne Andriu, ne Felep ne Tɔmas, ne Batolomeo ne Matiu, ne Alfeɔs bie Jems, ne Seemɔn Sɛlɔt, dɛ Jems bie Judas.

Daneɛl 7:10

Asɛ nii do kɛŋɔ moo dɛɛ palɛ o sie. Nɛra kaɡboŋa bele kaɡboŋa ɛɛ tomɔ, nɛra kaɡboŋa fi bele kaɡboŋa fi ɡe che o sie. Saŋ telo kɛŋɔ nɛra so dɛ bol ba waa dɛ́ pa bole, asɛ ba pili tɔne.

Amanesoma Luk Aa Chwera Tɔn 2:38

Buɡ la ta, Yeesu nya ne o mɛɛ aa lɔ Korowii Dea la, Hana ɡe jo bela dɛ ka che ba jwɛh, dɛ kpɔ jam ne kpɛɛra tɛ Korowii, dɛ bol Yeesu waa baɡle nɛra baa soɡa dɛɛ kpa Korowii kɛ ó ba lɛ Jerusalam tena ta la.

Ɛsta 6:1

Awola tɔpere la jwaana, kooro ta wone chɔ dom. Anomanta, o ɡelɔ ba ba tɔne o kora dii waa aa lɔ a bini la ne bá kure tɛo.

We-ɛɛla 2:1

Ba tɔpejen baa dɛ yerɔ Pɛntekɔs la telo, asɛ ba bwa cheme bobeŋkpoŋ.

Aesaya 65:6

N lii ɡɛ maa tɛr ba deŋne cheɡ, ba chwera bil n sie. Maa sie laa kpɔ waa baa ɛa nɔ ta. Mɛɛ bɔ ba a kemee,

Aesaya 50:10

He banɔ la bwa haa dɛ ɔmɛ Korowii, dɛɛ no o bonɔɔ waa la, a balɔ kɛ he dɛ valɛ biro ta kwaraa naa, hé yarada Korowii, dɛ́ kpɔ he te dawɛ o nɛ.

Aesaya 26:8

Ya sie dawɛ he nɛɛ yaa teŋɛ he Mmarare ta, he ɡbosoo ya bambile lawɛ.

Sɛɡla 13:20

Kpɔ he te pɛl wejereme ásɛ dɛ jemɛ wa, kɛ nɛn o ne ɡɛne aa pɛa la, o dɛ na wahala.

Yela 147:11

o sie dɛ lɛ nɛra baa dɛ ɔmɔ, ne nɛra baa kpɔ ba te dawɛ o nɛ, ne o nyina aa wola jaɡa dɔe la ta.

Yela 139:4

Mɔɔ n pili nyoa dɛ́ bol waa la, dɛ he jemɛ waa maa bol bwa.

Yela 119:63

N kpɔ nomɛlbwa waa dɛ tomɛ la ɛ n dam, nɛra baa dɛ teŋɛ he Mmarare ta bwa.

Yela 111:10

Korowii ɔmaa dɛɛ ba ɡela he dɔ wejema. Nɛra baa dɛ teŋɛ o waa ta la, o ɡelɔ baa no waa mun kohona. Onee chɛ kpɛɛra saŋ bɛlbwa dɛɛ la.

Yela 94:19

N liire baa chɔɡ kohona aa, he dɛ larawe n bwara dɛɛ tɛ mɛ silɛɛ.

Yela 66:16

Hé ba, dɛ́ ba no, he nɛra haa dɛ tomɛ Korowii, ásɛ n baɡle waa waa ɛa tɛ mɛ.

Yela 33:18

Korowii sie lɔ nɛra baa dɛ teŋɛ o waa ta, nɛra baa dɛ hwɛɡɛ o nyina aa wola jaɡa dɔe ta la.

Yela 20:7

Nɛra bane dɛ hwɛɡɛ kwaa aa do kɛŋɔ torɔɡore ta, bane ɡee hwɛɡɛ ba jaɡre nɛ, kɛ ya te, Korowii yaa dɛ tomɔ la nɛɛ yaa hwɛɡɛ.

Yela 16:3

Korowii nɛra ba wa aa toɡra harɛ nɔ ta la, ba waa wer n be kɛrɛdɛ, asɛ n bwara ɛɛ sɔɔh mɛ ba waa taeh.

Yela 10:4

Nyubinikpeɡ tena waane laa Korowii wa, ba mbarafo, dɛɛ lii kɛŋɔ, Korowii waa ta hiaih.

Job Tɔn 28:28

Asɛ Korowii ŋɔ nɛwɛnyini be ŋɔ, ‘N ɔmaa dɛɛ ba ɡela hé dɔ wejema, he ki wechɔɡa ɡe aa, anee waa mun noe.’ ”

Ɛsta 2:23

Kooro ɡelɔ ba nyiŋi waa la bini, asɛ dɛ na kɛŋɔ a ɛ kasinteŋ, dɛ ɡel ba saɡɛ ɡɛ nɛra banɛ la. O ɡelɔ ba chwerɛ ɡɛ waa la do Koojen Sɛksɛs harɛ waa dɛ di kora o ta la waa tɔn bini.

2 Webena 6:7

Anee Kooro Solomɔn berɛ ŋɔ, “N mɛɛ Kooro Devid lii o nyu bini dɛ fee ŋɔ wɛɛ do Dea Korowii sɔn taa, ásɛ ya Israel tena ɛɛ tomɛ Korowii yaa dɛ tomɔ la bela.

1 Koranar 18:12

Dɛ n kaalɔ Korowii Doma la kpɔe kaa bobɛl, asɛ n ka ŋɔ o be o ta hen ba nae yaa, wɛɛ kpo mɛɛ. Men maa ɛ he bonɔɔ nɔ, n bechale saŋ bwaa n yarada Korowii dɛɛ tomɔ.

2 Samoɛl 7:1

Kooro Devid baa so o koodem asɛ Korowii ɡel o dɔ bosɔɔhna dɛ le o dɔma baa baro cheme bwa be.

Hibru 12:15

Korowii dɔ chae waa dɛ nyin o cha yaa kohona. Anomanta, hé nyiŋi kɛrɛdɛ ásɛ a bɛ bɛlbwa ba paŋɛ. A waa laa aa, wechɔɡa ane ɛɛ ba jo he binii dɛ́ chɔɡ nɛndamanta kɛŋɔ koŋkpela yon jo kondikwaa ta dɛ chɔɡa la.

Hibru 3:13

Anomanta, hɛ́ɛ ja dɔŋa tɔperee bwa mɔɔ tɔpere la o Domadɛɛɡe aa bol o waa dɛ ŋɔ “fini” la ɡarɛ, ásɛ wechɔɡa bɛ heyaa ba neɡre, he deŋne ba do kpeɡri.

1 Tesalonika 5:14

Yabala, ya dɛ soŋe heyaa kɛ hɛ́ɛ ja banɔ la baa ɛ bɔhwaahra la, dɛɛ do ɔmeera la ɡbemba, dɛ lawɛ banɔ la baa wola cheɡɛ kiŋkiŋ Korowii ŋwɛnɛ ta la kpoŋe, dɛ́ dɔ bambile tɛ nomɛlbwa.

Yela 104:33

Mɛɛ ɡo yelaa kpɛɛ Korowii n soɡa bini bwa, n ta soɡe le tenaa, mɛɛ ɡo yelaa dɛ́ kpɛɛ Korowii maa dɛ tomɔ.

1 Koranar 18:3

Anee Kooro Ahab yerɛ baa bɛl waa dɛ nyiŋi o koodem ta baa yerɔ Obadia. Dɛ Obadia dɛ yarada Korowii dɛɛ tomɔ kɛrɛdɛ.

Mumpar 22:12

Asɛ o ŋɔ, “Dɛɛ berɛ bie la wobɛlbwa ɛɛ. Namee n ta jemɛ kɛŋɔ he dɛ ɔmɛ Korowii, dɛkalkɛ he ta men he bibeŋkpoŋ nɔ kwaraa vɔmɛ.”

Kaala 32:32

Kɛ taraken, n dɛ soŋe kɛ he kpɔ ba wechɔɡa kɛ ba, dɛ a laa ɡe aa, he fee n sɔn le tɔn haa chwerɛ he nɛra sɔna do o bini la ta.”

Aesaya 4:3

Nɛra báa ba ka Jerusalam Korowii aa ɡela ba dɔ ba nyu la, báa yer baa nɛra baa do ɡoroŋee.

Jeremia 8:6

N cheɡ deŋne dɛɛ no ba be, kɛ baa kasinteŋ bol. Nomɛlbwa aa lii kɛŋɔ wɛɛ charɛ o liiree dɛ́ bɔɔ ŋɔ, ‘Bɔkwa waa n ɛɔ?’ Bɛlbwa ne o ŋwɛnɛ waa dɛ kpɔ o taa kɛŋɔ jaaɡɔ o sie aa beɡra baa kaa o ne laa ta ken.

Jeremia 31:18

N no n nɛra Israel tena suna wii baa dɛ wi, ‘N Naa Korowii, ya do kɛŋɔ kondɛɛre waa kpaŋa ken, kɛ he baɡle yaa ŋɔ yaa teŋɛ he waa ta. Berɛ lawɛ yaa ba he be, ya dɛ kpa kɛ he berɛ lawɛ yaa ba he be, dɛkalkɛ henee Korowii yaa dɛ tomɛ.

Daneɛl 12:1

Nyundua torome waa do laalapoŋa la ŋɔ, “A ɡɛ saŋ la, nyundua toroma nomoa Maekel waa dɛ daah he nɛra la ɛɛ leo ba. Gɛ saŋ ɛɛ ɛ wahala saŋee, le harɛ nɔ mumpar ba le fini a dɔŋa ta balɛ bwa. Gɛ saŋ la, he harɛ ta nɛra baa chwerɛ ba sɔna do Korowii tɔn bini la, ɛɛ dɔ lɛɛlee.

Nehemia 1:11

Cheɡ deŋne no n wesoŋa ne he bonɔɔna baa dɛ nyin ba kpɔ duure tɛɛ la wesoŋa. Gel a chiɡ mɛ kɛrɛdɛ fini, dɛ́ ɡel koojen na n sum.” Gɛ saŋ dɛ menee dɛɛ do Koojen Atasɛksɛs sen.

Yela 56:9

Awola maa wi yerɛ la, n dɔma ɛɛ berɛ habɔɔ, waa maa jema laanee kɛŋɔ hen Korowii ja n nɛ.

Yela 115:13

Wɛɛ swee andɛɛɡaa tɛ nɛra baa dɛ tomɔ, nɛnjena ne nɛmpɛɛne bwa.