Malakae 3:14 - mzwDBL

¹⁴ He bolɔ ŋɔ, ‘Korowii toma ɛ wepuu. Tɔnɔ besoo ya dɔ dɛɛ le waa waa kpɔa tɛ yaa ŋɔ yaa teŋɛ a ta, asɛ a berɛ do kɛŋɔ ya tea bini chɔɡɔ Koranar Bwa Kooro sie nɔɔ?

Malakae 3:14 Referans Kwoze

Aesaya 58:3

Ba dɛ ŋɔ, “Ɛrɛɛ ya vɔwɛ nyoa Korowii aa wola na, dɛɛ pwɛr ya te waa wola jemɛ nɔɔ?” Korowii ŋɔ, “Haa vɔwɛ nyoa la, he ɡbo nɛɛ he sie lɛ dɛ yon dɛɛ ɛ he tom-ɛɛra hɔhɔrɔwa.

Sefania 1:12

A ɡɛ saŋ mɛɛ kpɔ kandeaa ɡaaɡe Jerusalam bwa, dɛ́ tɛr nɛra baa dɛ lii kɛŋɔ wobɛlbwa ta ban hiaeh, ba nyu bini do ba som la deŋne, dɛɛ lii ŋɔ, ‘Wobɛlbwa aa ɛ wedɛɛɡa kɛɛ anchɔɡa la, Korowii waane laa.’

Job Tɔn 35:3

Kɛ he berɔ ŋɔ Korowii be ŋɔ, ‘Tɔnɔ besoo aa ba dɔe tɛ mɛ, bɔkwaa mɛɛ ba dɔe wechɔɡa maa wola ɛ ta nɔ?’

Joel 2:12

Korowii ŋɔ, “A ta mun kae, hé charɛ he liire, dɛ́ kpɔ he bambile bwa tɛ mɛ, dɛ́ vɔwɛ nyoa dɛɛ wi kohona.

Job Tɔn 34:9

Kɛ Job te bolɔ ŋɔ, ‘Tɔnɔ bɛlbwa toole dɛ tɛ nɛn kɛŋɔ o ne Korowii pɛ.’

Jems 4:9

Hé ɡel he tea bini chɔɡ, hé wi. Hé ɡel he mama berɛ wii ásɛ he silɛɛ ɡe berɛ sum.

Job Tɔn 22:17

Ba ŋɔ Korowii be ŋɔ, ‘Gel yaa! Bɔkwaa hen Haa Ɛ Kpeɡri Bwa Dɔɔ ɛɛ ba wona ɛ yaa ɔ?’

Aesaya 43:22

Korowii berɔ ŋɔ, “Kɛ ane a bwa, he ta men tomɛ, Israel tena, n waa pe heya.

Jeremia 2:25

Israel tena, he bɛ chwa dɛ́ foɡri he napaala pɛɛpɛɛ, ásɛ he lobi mune hol teŋa haa dɛ teŋɛ voɡare ane nɛɛ la wa. Kɛ he ŋɔ, ‘A ta tɔnɔ dɔe. Ya dɛ nyin harɛre ane voɡa wa, a chɛ kɛ yaa teŋɛ a nɛ.’

Jeremia 18:12

Kɛ baa chaŋo ŋɔ, ‘A bɛlbwa ta tɔnɔ dɔe. Ya ɡbabir ɛɛ dɛɛ nyiŋi ya we-ɛɛla taa, ásɛ bɛlbwa ɛɛ teŋɛ o bambikpeɡ ne o wechɔɡa waa ta.’ ”

Hosia 7:16

Ba teŋɔ berɛ habɔɔ dɛɛ kpo men Nemenɛ Korowii, dɛ kaa tomɛ voɡ waa wola kpeɡri dɔe, ba do kɛŋɔ to waa sɔɔhna ken. Laa taa baa ba ba nomonome kpoora, ba mbarafo wobol wa, ásɛ Ijipt tena mam ba.”

Malakae 3:13

Korowii ŋɔ, “He bol wedoŋa tɛ mɛ. Kɛ he berɔ bɔɔ ŋɔ, ‘Wedoŋa besoo ya bol tɛɛ nɔ?’

Jeremia 44:18

Kɛ le saŋ yaa ɡel daawiile fuih dɛ tɛ Nyundua Haŋkooro, dɛ ɡel sen sarahare ɛɛ dɛ tɛo la, yaa komɛlbwa dɔ kpa, asɛ laa ne lɔr ɛɛ kpoo bane ɡe.”