Malakae 3:1 - mzwDBL

¹ Koranar Bwa Kooro bolɔ ŋɔ, “Hé no, mɛɛ tomɛ n toromee ó tɔ n sie dɛ́ kwaa ŋwɛnɛ tɛ mɛ ń ba. Ásɛ Dɔɔ haa dɛ nyiŋu ŋwɛnɛ la ba piɡri heyaa o Dea, onee hɛɛ nyiŋi ŋwɛnɛ ó ba dɛ́ ba baɡle fɔo la wa.”

Malakae 3:1 Referans Kwoze

Malakae 4:5

Hé no, mɛɛ tomɛ n keame Elaeja he bee, mɔɔ men Korowii Tɔpejen waa do ɔma kohona la ba.

Amanesoma Luk Aa Chwera Tɔn 1:76

Anee Sekaria bol waa o bie la be ŋɔ, “N bie, baa yerɛɛ Nemenɛ Korowii keamee, dɛkalkɛŋɔ hɛɛ tɔ ya Dɔɔ siee, dɛ́ kwaa bɔr tɛo ásɛ o ba,

Aesaya 63:9

Nyundua torome laa lɛɛ ba le ba wahala ta, Korowii ɡbabirii lɛɛ ba. Nyina ne tedoma waa dɔa tɛɛ ba waa o lɛɛ ba. O nyiŋi ba nɛɛ le saŋ la bwa.

We-ɛɛla 19:4

Belaa o ŋɔ ba be ŋɔ, “Nɛra baa charɛ ba liire dɛ le ba wechɔɡa ta laanee Jɔn sɔ Korowii ne. Jɔn fa aa dɛ baɡle nɛra waa la, o ŋɔ ba be ŋɔ naate o taa lɔ sie dɛɛ ba bala la baa ba naa, bá yaradao dɛ́ kpɔ ba te tɛo. A ɡɛ saŋ la, Yeesu waa wɛɛ bol la.”

Malakae 2:7

A chɛ kɛ sɔfo bɛlbwa dɔ wejema kɛrɛdɛ le men Korowii be, dɛ́ kpɔ dɛɛ baɡle nɛra wa, ásɛ nɛra la ba be kaa hweli n waa la. Banee men Koranar Bwa Kooro tomɛ.

Kaala 23:20

Hɛ́ɛ no, n dɛ tomɛ n nyundua torome ó tɔ he sie dɛɛ nyiŋi he nɛ, dɛ́ ba he ne bela maa kwaara tɛ heya.

Amanesoma Luk Aa Chwera Tɔn 19:47

Dɛ o dɛ la Korowii Dea tɔpere bɛlbwa dɛ kaa baɡle wa. Dɛ Sɔfonomonome ne Tɔnjerema ne nɛra la bini nomonome la dɛ nyinu dɛ́ kpo,

Yela 110:1

N Naa Korowii ŋɔ n Dɔɔ be ŋɔ, so nomombɔr n diɡ ta, ka tel kɛŋɔ maa ba he dɔma ne harɛ he tiɡri ba nɛ.

We-ɛɛla 7:38

A ɡɛ Mosis nɔ ne ya naawa ne nyundua torome waa bol waa o be Sinai Bwejen ta laanee fa dɛ cheme pua hɛŋle ɡbo harɛ la ta. Belaa Korowii kpɔ o waa aa wola ɡarɛ, aa wola tonɛ ɡe la, tɛo ŋɔ ó ba ŋɔ ya be.

Aesaya 9:6

Ba lolɛ bie tɛ yaa, bibaalee. Onee dɛɛ ba harɛ nɔ bwa kooro ɛɛ, baa yerɔ Nyokponɛn, ne Nomondɛɛɡe Waa Won Nɛra Jae, ne Nemenɛ Korowii, ne Saŋ Te Bɛlbwa Mɛɛ, dɛ Deŋnesɔɔhna Kooro.

Aesaya 7:14

Korowii ɡbabir ɛɛ ɡeloo he na waane, á baɡle waa nɔ kasinteŋ. Hé no! Bitolo waa wola baa jemɛ bwa ɛɛ kpoŋe teaa dɛ́ lolɛ bibaa, ásɛ ba yerɔ Imanoɛl.

Amanesoma Luk Aa Chwera Tɔn 2:46

A tɔpetooro wee la, ba kaa nao Korowii Dea, dɛ o ne Juu tena baa dɛ baɡle Korowii waa soɡo, wɛɛ no ba wa, dɛɛ bɔɔ ba wa.

Amanesoma Luk Aa Chwera Tɔn 2:38

Buɡ la ta, Yeesu nya ne o mɛɛ aa lɔ Korowii Dea la, Hana ɡe jo bela dɛ ka che ba jwɛh, dɛ kpɔ jam ne kpɛɛra tɛ Korowii, dɛ bol Yeesu waa baɡle nɛra baa soɡa dɛɛ kpa Korowii kɛ ó ba lɛ Jerusalam tena ta la.

Amanesoma Luk Aa Chwera Tɔn 2:11

Jwaana nɔ ne, ba lolɛ he Lɛɛ. He Dɔɔ Kristo Korowii aa baɡɛ nyoa ŋɔ wɛɛ tomɔɔ ó ba lɛ heyaa laanee ba lole Devid bwɛɛ la.

Matiu 11:14

Kɛ dɛ hɛɛ yarada n waa maa dɛ bol nɔɔ te naa, Elaeja la baa bol o waa ŋɔ wɛɛ bao la, onee a ɡɛ Jɔn nɔ.

Haɡae 1:13

Korowii keame Haɡae kpɔ waa Korowii aa kpɔa tomɔ la ka tɛ nɛra la ŋɔ, “Korowii ŋɔ, ‘N ja he nɛ.’ ”

Malakae 2:4

Anee dɛ́ ɡel he jemɛ kɛŋɔ menee kah heyaa dɛɛ le ɡɛ waa nɔ ta, ásɛ fɔo n ne Lewi dea tena aa fɔwa la won do le dɛɛ la.

Kaala 23:21

Hé cheɡ deŋne dɛɛ no wobɛlbwa waa bol he be. He bɛ lwɛmkpeɡ ɛ, he ɛ lwɛmkpeɡ aa, waa he bwaraa kpɔ kɛ heya, dɛkalkɛŋɔ onee chiɡ n naa ta.

Aesaya 40:10

Nemenɛ Korowii dɛ ba kpeɡri ne, dɛ́ ba di kora. Hé na, o dɛ ba o kembɔr ne dɛ́ ba tɛ nɛra.