Malakae 2:9 - mzwDBL

⁹ Anomanta, n ɡelɔ haa jirimaa dɔ, ásɛ sihiih kpo heyaa Israel tena siwi ta, dɛkalkɛ he ta n waa ta teŋɛ. Nɛra siebɔraa he nyiŋi dɛɛ bol wa.”

Malakae 2:9 Referans Kwoze

1 Samoɛl 2:30

Anomanta, men Korowii Israel tena aa dɛ tom mɛ fa baɡɛ heyaa nyoa kɛŋɔ, he dem nɛra ne he mɛɛ dem nɛraa dɛ́ do n sie, dɛ́ɛ tom mɛ kɛ sɔfore saŋ bɛlbwa dɛɛ la. Taraken te maa an ɡɛɛ ɛ kpa. Nɛra baa dɛ duu mɛ la, mɛɛ ɡeloo bá dɔ duure, nɛra baa nyiŋ mɛ dɛɛ vah la, n ɡee nyiŋ baa vah.

Mmarare 1:17

he bɛ nɛra siebɔr dɛɛ nyiŋi. Hɛ́ɛ no nomɛlbwa waa kɛrɛdɛ. Bechale ne nomonome bwa, hé nyiŋi ba bwa waa bini kɛrɛdɛ. He bɛ nomɛlbwa siebɔr ɔmɛ, Korowii ɛɛ che he nɛɛ dɛ́ pa bole. Dɛ waane bola kpeɡri tɛ heya aa, bá ba a ne n sie ásɛ n bola.’

Galaasia 2:6

Nɛra la bini banɔ la baa dɛ lii ba nɛnjena la ta wone dɔ wobɛlbwa bol dɛ ja Amanesoma maa dɛ bol la ta. N te kwaraa waane laa ba nɛnjena ɛɛ wa, dɛkalkɛŋɔ Korowii aa nɛnjena kɛɛ nɛnjeɡre nyiŋi.

Amanesoma Luk Aa Chwera Tɔn 11:42

He Farisii tena, hé bwɛɛlɛ kɛ haa dɛ tɛ Korowii o bɔr he par nyoa kondikonjeɡre kwaraa ta, kɛ dɛ vɛh kasinteŋ ne Korowii nyina te la. Anɔ nɔɔ chɛ kɛ hɛ́ɛ ɛ, kɛ he bɛ anɔ la aa jaa la ɡel.

Amanesoma Luk Aa Chwera Tɔn 10:29

Dɛ Tɔnjereme la dɛ nyin kɛ ó baɡle kɛ o te dɛ ɛ waa Yeesu aa bɔɔra la bwa, dɛ ŋɔ Yeesu be ŋɔ, “Umee n dɔŋ ɔ?”

Malakae 2:8

Kɛ he sɔfore le ŋwɛnɛdɛɛɡe la ta, he webaɡla ɡelɔ nɛra ɡalɡa lɔ naa dɛ nyoɡre, dɛ chɔɡ fɔo n ne Lewi dea tena aa fɔwa la.

Ɛsekeɛl 13:21

Mɛɛ wur he sɛmbɛ botini laanee ta, dɛ́ lɛ n nɛra le he nɔn ta, ásɛ ba le he bela la ta kwaraa. Ásɛ he jemɛ kɛŋɔ menee Korowii.

1 Koranar 22:28

Korowii keame Mikaya ŋɔ, “Dɛ he baa jo sɔnɔnɔɔ naa, amɔ dɛ Korowii laa cheɡɛ n nɛɛ dɛ bol wa.” Dɛ berɛ ŋɔ, “Nomɛlbwa kpɔ waa nɔ do o nyu bini.”

Malakae 2:3

He we-ɛɛla nomanta, mɛɛ tɛr he naanar deŋnee, dɛ́ kpɔ kondɛɛra haa kpoora ɛ saraha dɛɛ tɛ mɛ tɔpejena ta la bena fɔɡle he sie, ásɛ ba kpɔ he ne loŋɡboŋbena la ɡɛ kaa.

Sɛɡla 10:7

Nɛn o wa aa toɡra na som, baa o waa soh, kɛ nɛnchɔɡe te waa won soeh warane.

Ɛsekeɛl 7:26

Harɛchɔɡ ɛɛ teŋɛ dɔŋa nɛɛ dɛɛ ba, waa aa wola kasinteŋ ɛɛ la ɡe ɛɛ warɔɔ saŋ bɛlbwa. Hɛɛ dɛɛ nyinuu kɛ he no wepila waa le n keamere be. N waa la nyoɡre sɔfore liire ta, baa won bola kpa. Nomonome ɡe aa won jemɛ ja nɛra kpa.

Maeka 3:11

Jerusalam sitɔɔla sɛoh baa yaɡ ba sen, sɔfore bol Korowii waa dɛɛ lɛ suuɡa, keamere ɡe baɡle waa baa naa chaahna ta dɛɛ lɛ suuɡa. Kɛ dɛ ŋɔ, “Korowii nɛɛ ya kpɔ ya te dawɛ, yaa wenaale bɛlbwaa na.”

Neehum 3:6

Mɛɛ kpɔ doŋaa ta he nɛ, n siwi aa hen su, dɛ́ ɡel nɛra bwa kpɔ sie pa he nɛ.

Job Tɔn 32:21

Maa bɛlbwa siebɔree nyiŋi ɡwaa bɛl, maa waa bol dɛɛ fɛrɛ,

Sɛɡla 12:8

Wejeremee baa kpɛɛ, dɛɛ nyiŋi ɡɛna nyubaahna.