Malakae 2:16 - mzwDBL

¹⁶ Koranar Bwa Kooro, Israel tena aa dɛ tomɔ la ŋɔ, “N kii kɛ baa ne o haah vɛh dɔŋa. N kii baa bɛlbwa waa ɛ nyubinikpeɡ waa nɔ dɔŋa o haah nɛ. Anomanta, bɛlbwa nyiŋi o te kɛrɛdɛ, ásɛ dɛ bɛ nyobaɡa aa lɔ o ne o haah baah la chɔɡ dɛɛ di kasinteŋ. Men Nemenɛ Korowiirii bola.”

Malakae 2:16 Referans Kwoze

Amanesoma Luk Aa Chwera Tɔn 16:18

Nomɛlbwa waa vɛh o haah dɛ berɛ ka mo hanfale la, o ɛ wechɔɡa dɛ bɔ jwamane, asɛ nomɛlbwa ɡe waa mo haah o jaa aa vɛoh la, o ɡe bɔ jwamane.”

Sɛɡla 28:13

Nɛn waa dɛ tɔ o wechɔɡa ta la aa wer do, kɛ nɛn waa wona bol o kwaa dɛ ɡel a ɛɛ la, Korowii dɛ́ na o sum.

Aesaya 59:6

Haa won kpɔ ŋwandare yal tɔ kɛŋɔ yal. He we-ɛɛla ɛ dichɔɡa ɡbo, dɛ ɛ naɡrenyine ɡe.

Aesaya 50:1

Korowii ŋɔ, “He dɛ lii kɛŋɔ doŋaa n doŋi n nɛra ta, kɛŋɔ baa aa vɛh o haah la kɛɛ? Dɛ ɡɛɛ yaa, leperaa tɔn maa chwera a baɡle kɛŋɔ n vɛoh la dɔɔ? He dɛ lii kɛŋɔ, baa lawɛ heyaa laa ta kaa bojaŋ harɛre ta la, yoɡaa n yoɡ heyaa kɛ yoma kɛɛ? Hé no, he wechɔɡa waa a ba ɡɛ, a do kɛŋɔ n vɛh heyaa la.

Aesaya 28:20

Aa ɛo kɛŋɔ sɛɡla baa ŋɔa, mpa waa wola jaŋɛ nɛn chɔ o ta dɛ́ tɛɡre o te, bombo waa wola kanɛ dɛ́ telu ken.

1 Kɔrent 7:10

Anɔ la maa bera dɔ dɛɛ tɛ hahmoola ne jadɔɔhnaa nɔ. N ɡbaɡba laa dɛɛ bol. Ya Dɔɔree ŋɔa ŋɔ haah bɛ o jaa vɛh.

Yela 73:6

Anomanta, ba kpɔ mbarafo do baŋa kɛŋɔ baŋa kwa, asɛ naɡrenyin ber ba yal ba kpɔ tɔ.

Sɛɡla 5:20

N bie, bɔkwaa ɡela he berɛ kpɔ he te tɛ hanfale bɛl jaɔ? Bɔkwaa ɡela hɛɛ sewɛ he dɔŋ bɛl haah nɛɛ jaɔ?