Malakae 2:15 - mzwDBL

¹⁵ Korowii ta ɡelɛ haah ne baa ɛ beŋkpoŋ bwadabii ne doma ta naa? Bɔkwa waa o ɛa ɡɛ nɔɔ? O dɛ nyin kɛŋɔ he bii baa teŋɛ o waa la ta. Anomanta, bɛlbwa nyiŋi kɛrɛdɛ dɛ bɛ ɡel nyobaɡa aa lɔ o ne o bonɔɔne saŋ haah baah la chɔɡ.

Malakae 2:15 Referans Kwoze

Malakae 2:14

He dɛ bɔɔ ŋɔ, ‘Ɛrɛ waa Korowii vɛh yaa nɔɔ?’ A kaa ɛ kɛŋɔ he ne he bonɔɔne saŋ haah Korowii aa ɛ danseɛ a ta ken, dɛkalkɛ he chɔɡ fɔo haa ŋwɛɛra Korowii sie ŋɔ o ɛ he haah la.

2 Kɔrent 6:18

dɛ́ ɛ he Mɛɛ, ásɛ he ɛ n bii.’ Men Nemenɛ Korowiirii bola.”

1 Kɔrent 7:14

Baa waa wola asɔre te ɛɛ la, o mo haah waa ɛ asɔre te aa, pɛɛ o ne haah la aa pɛa la nomanta, Korowii kpɔ baa la dɛɛ ɛ o nɛn. Gɛɛ a do, haah ɡe ta asɔre te ɛɛ dɛ yalɛ baa waa ɛ asɔre te aa, pɛɛ o ne waa pɛa la nomanta, Korowii kpɔ haah la ɡe dɛɛ ɛ o nɛn. Dɛ ɡɛ laa aa, ba bii fe ta Korowii bii ɛɛ, kɛ taraken ba ɛ o kwa.

Mumpar 1:27

Anomanta, o ta nɛwɛnyina, ɡɛ tenten waa doa laanee o ta ba. Baa ne haahnee o ta.

Taetos 1:6

He dɛ nyin he le asɔre nomoa aa, kpɔ onɔ la nomɛlbwa aa wola o wechɔɡe bɛlbwa dɔe dɛɛ bol, ó dɔ hahbeŋkpoŋ, o bii ɡe ɛɛ yarada Yeesu, nɛra aa wola ba waa bol ŋɔ ba chɔɡɔ dɛ ɛ deŋnekpeɡ tena,

Hosia 1:10

Israel tena ɛɛ warɔɔ kɛŋɔ mpo nyoa hɛŋle ken, baa wola won kur ba. Korowii ŋɔ ba be ŋɔ, ‘He ta n nɛra ɛɛ’, kɛ tɔpere bɛl dɛ ba ó yer ba ‘Korowii waa lole saŋ bɛlbwa bii’.

Job Tɔn 27:3

n ta aa lɔ mkpa bini, Korowii ta ɡel mɛɛ hwee nɔ,

Ɛfesos 6:4

Mɛɛnanar, he bɛ he bii sibeɡra dɛ́ɛ do, ásɛ ba baah ɛɛ di. Hé kpoŋ ba kɛrɛdɛ dɛ́ɛ baɡ ba ŋwɛnɛre ne waa la bwa aa wera ya Dɔɔ be.

Matiu 15:19

Liichɔɡa ne nɛŋkpoa, ne jwamane ne ŋwɛɛ wa, ne nyosone teŋa ne nɛra ŋwala, dɛ anɔ aa jaa bwa, bambile binii a le.

Jeremia 2:21

He fa do kɛŋɔ ɡrepo da o dwee aa wera n kpɔ du. Ɛrɛɛ he berɛ habɔɔ kpo mɛ, dɛ berɛ dachɔɡa aa wola tɔnɔ bɛlbwa dɔe dɛ tɛ mɛ nɔɔ?

Sɛɡla 7:25

Hé bɛ ɡel he pɛla do haah waa do ɡɛ nɔ nɛɛ ó ba neɡre heya, he bɛ bɛl nɛɛ teŋɛ bwa.

Sɛɡla 6:25

Bɛ o wer waa koh dɛ́ ɡel he sie do o nɛ, bɛ ɡel o kpɔ o tolsie neɡre.

Mmarare 7:4

Gɛ laa aa, baa berɛ he bii liiree baa wola Korowii nɛɛ teŋɛ, dɛ́ kaa tomɛ voɡa, ásɛ o baah di he nɛɛ dɛ́ den kpoo heyaa warane.

Mumpar 6:2

belaa nyundua nɛra la aa naa kɛŋɔ harɛ nɛra la bihaahna la wer la, ba kpɔ ba bini bane mo, asɛ ba ne ba so.

1 Kɔrent 7:2

Kɛ jwamane aa wara la nomanta, a chɛ kɛŋɔ baa bɛlbwa dɔ o haah, ásɛ haah bɛlbwa ɡe dɔ o jaa.

We-ɛɛla 3:25

Korowii nyoa la waa baɡa dɛ ɡel o keamere bol la, heyaa o baɡɛ tɛ. Fɔo la Korowii ne he naawa aa fɔwa la laworomɛɛ hɛɛ di la. O ŋɔ Abraham be ŋɔ, ‘He naanar nɛɛ aa ba cheɡa n swee andɛɛɡa tɛ harɛ ta nɛra bwa.’

Amanesoma Jɔn Aa Chwera Tɔn 20:22

Waa bol ɡɛ tonɛ la, o hweero ta ba nɛɛ dɛ ŋɔ, “Hé lɛ Korowii Domadɛɛɡe la.

Wejereme 12:7

Ya bwadabii ɛɛ berɔɔ kaa teera ta, ásɛ ya doma kaa Korowii waa kpɔa tɛ yaa la be.

Sɛɡla 4:23

He dɛ lii wa aa, dɛɛ nyiŋa kɛrɛdɛ, waa haa dɛ lii la, anee hɛɛ ɛ.

Nehemia 13:24

Ba bii la bini bane dɛ bol Asdɔd wobol, kɛɛ nɛra bane ɡe baa jaa wobol ane. Baa won Juda wobol te bol.

Ɛsra 9:4

Nomɛlbwa waa no waa Korowii Israel tena aa dɛ tomɔ aa bola la baa bar mɛ cheme dɛɛ chel, dɛkalkɛ nɛra baa le bojaŋ harɛfale ta dɛ ba la waa ta kasinteŋ dɔe. Asɛ n so bela dɛɛ di suna ka tel kɛŋɔ jɔmɔr saraha ɛɛ aa tela.

Mumpar 27:46

Belaa Rebɛka ŋɔ Aesek be ŋɔ, “N sie aa Hiti bitoli nɔ nɛɛ lɛ. N kii ba kɔkɔkɔ. Dɛ Jekɔb ŋɔ wɛɛ mo ba bini bɛlee yaa, mɛɛ sewɔɔ hɛo.”

Mumpar 24:44

ásɛ o sɛh dɛ́ ŋɔ wɛɛ berɔɔ ka ɛ ane tɛ n nyoɡmare ɡe la, ɡel o ɛ haah hen Korowii aa kpɔɔ dɛɛ ba n dɔɔ bie la tɛɛ.’

Mumpar 2:7

Asɛ Korowii kpɔ teera ma baa, dɛ hwee do o mebɔɔne bini, o dɔ mkpa dɛ so.

Kaala 20:14

He bɛ jwamane dɛɛ bɔ.

Lewi Dea Tena 20:10

Dɛ baa nyin o dɔŋ haah naa, dɛ ba bwa bɔ jwamane, a chɛ kɛ bá kpo baa la ne haah la bwa.

Rut Tɔn 4:12

he náanar Korowii aa dɛ ba he tɛɛ dɛ le ɡɛ haah nɔ be la do kɛŋɔ Taama ne Juda bibaa Pɛrɛs lolanar.”

1 Samoɛl 2:20

Sɔfo Eli yon swee andɛɛɡa tɛ Ɛlkana ne o haah ŋɔ, “Korowii ɡel he ne haah nɔ dɔ bii, bá ba chiɡ onɔ haa soŋo o waa dɛ kpɔ ba tɛo nɔ naa ta.” Ásɛ o ne haah la bwa yon berɛ kaa ba bwɛ.

Sɛɡla 2:17

Haah waa le o sɛnojaa habɔɔ, dɛ chɔɡ fɔo o ne o jaa fa aa fɔwa Korowii sie la,