Malakae 1:9 - mzwDBL

⁹ Taraken, dɛ he sɔfore dɛ soŋ mɛ ŋɔ ń kpɔ kɛ heya aa, mɛɛ no he wesoŋaa yaa? Maa he wesoŋaa no. Men Koranar Bwa Kooroo bola.”

Malakae 1:9 Referans Kwoze

1 Pita 1:17

Korowii waa wola nɛn siebɔr nyiŋi dɛ bol waa dɛɛ pa bole la, onee he wi dɛɛ yerɔ he Mɛɛ la. Anomanta, hé kpɔ he te kɛ hɔɔhra he soɡa bini harɛ bonɔ, dɛɛ tɛo duure, dɛɛ ɔmɔ.

Jeremia 27:18

Dɛ ba ɛ Korowii keamere kpela aa, bá bɔɔ le men Koranar Bwa Kooro be, ásɛ n bɛ ɡel laala a yoɡ aa kpeɡa dɛ do n Dea, ne anɔ la aa lɔ koodem bela la, ba paa kaa Babelɔn harɛ ta.”

Kaala 32:11

Anee Mosis soŋe Korowii waa dɛ tomɔ la ŋɔ, “N Naa Korowii, kpeɡri ne bokpeɡa kohona nee he lawɛ he nɛra le Ijipt harɛ ta, bɛ ɡel he baah di ba nɛ.

Tɔn Pɔɔl Aa Chwerɛ Rom Tena 2:11

Korowii aa nomɛl waa nyin ɡwaa bɛl.

Amanesoma Jɔn Aa Chwera Tɔn 9:31

Ya jemɔ kɛŋɔ Korowii deŋna toole wechɔɡ-ɛɛra be. O deŋna lɔ banɔ la baa dɛ duuru dɛɛ ɛ waa waa dɛ nyin la be.

Jeremia 26:19

Juda Kooro Hɛsɛkea ne Juda tena ta Maeka kpoe. Kooro Hɛsɛkea ɔmɛ Korowii dɛ soŋe ŋɔ o na o sum. Asɛ Korowii charɛ o liire wenaale waa ŋɔa o fe ɛɛ kpɔɔ ba ta ba nɛɛ la ta. Kɛ taraken ya berɔ dɛɛ nyin wenaale kohona dɛ́ ba ta ya nɛ.”

Joel 2:17

Hé sɔfore haa dɛ tomɛ Korowii o Dea doonyoa ne saraha kon baah ta la, hé wi dɛ́ soŋo ŋɔ, “Ya Naa Korowii, sune yan yaa ɛ he nɛra nɛ, bɛ ɡel harɛ nɛra bane mamɛ yaa dɛ́ ŋɔ, ‘Leperaa Korowii haa dɛ tomɔ la dɔɔ?’ ”

Wiile 2:19

Ir jwaana bɛlbwa dɛ́ɛ wi, dɛ́ɛ yerɛ Korowii ó chae. Pili he bambile dɛ́ɛ soŋo ó sune he bii nɛ, bechale lɔr aa kpo ba ba serewe chɔ fɔɡbaahna la wa.

2 Webena 30:27

Sɔfore ne Lewi dea tena la iro, dɛ swee andɛɛɡa tɛ nɛra la, asɛ Korowii no ba wesoŋa le nyundua dɛ ɛ tɛɛ ba.

Joel 2:12

Korowii ŋɔ, “A ta mun kae, hé charɛ he liire, dɛ́ kpɔ he bambile bwa tɛ mɛ, dɛ́ vɔwɛ nyoa dɛɛ wi kohona.

Emɔs 5:22

A lole kɛŋɔ he kpɔ saraha kwaa baa dɛ fuah ne mea sarahare baa tɛ mɛ, maa an lɛ. He kpɔ deŋnesɔɔhna sarahare baa tɛ mɛ te, n sie aa a taa lɛ.